الليث الاسود

Part 16

#الليث_الاسود
الكاتبة : ساره جعفر

..

اسود : الله يطيح حضكم مو كلكم يمها

فرقد : يمعودد والله جانت عيني عليها ، بس رحت اشتري الهم اجيت هيه واختها ماكو صار النه 3 ساعات ندور عليها مااكوو

اسود : فكس بعينك ، جاي

سد الاتصال ، عيوني غوشت مسحت دموعي الهطلت على وجهي ، هاي فقيره وخوافه والدنيا ليل اكيد خايفة شنو صاير وياها

حسيت اختي الضايعة ، بـ اخر فترة حيل قوة علاقتنه هيه حبابه وياي ، ولطيفه واني صح بالبداية ضوجتها

بس ما جابت سيره او ضاجت مني وراها اعتذرت لان سأت الي بالكلام ، رغم اني غلطانه وياها ، هوسه وضجى ، شفت اسود جاي من بعيد ، وصل يمنه ، وفرقد راح اله

اسود : منو اخر واحد شافها

شيماء : جنت احجي وياها ، بس ما حسيتها ضايجه او شي جانت طبيعية وشويه وسمعت هيه ماكو

اسود حك جبينه وضل يفتر يروح ويرجع ، فتح كم دكمه من القميص ، انطانه ظهره شويه واندار اخذ نفس وهبط صدره

اسود : ارجعو للبيت

رياحين : ما ارجع اله وهيه ويايي

اسود : يابه الكاها

رياحين : لا خويه ما ينطيني كلبي هاي بنتي

اسود لزم شاربه ، واردف بنبره ثقه

اسود : اجيبها ومن هل شاارب

هزت راسها ، وهدئت

اسود : فرقد اخذهم وروح

فرقد : اجي وياك

اسود : لا اخذهم أنتَ وسالم وانه ادورها

فرقد : ما اكعد شبيه هم ادور عليها

اسود : ابن النعال مو علمودك غير صارلك قرن تدورون عليها

سالم ضرب على ظهر فرقد : صحيح كلام اسود ونعرف هو ذكي يعرف شلون يدور عليها

فرقد تقرب على اسود وحط ايد على ظهره ومشو مسافه من يمي ، بس لان قريبه عليهم سمعتهم

فرقد : اسود ما اوصيك تعرف ايفا شنو بالنسبه الي

ابتسم اسود

اسود : من شوكت انه ما اوفي بكلمتي ؟

فرقد : حشاك

كُلنه رجعنه واسود بقه واكف يفكر ، وصلنه للبيت ضايجين وخايفين على ايفا .

مُتيم يهدئ بـ امه بس هيه فاقده كعدت بالكاع ونزلت دموعها

رياحين : امها قبل لا تموت يمكن كلبها علمها كالت بناتي امانه عندج وما صنت الامانه

سالم : ليش هيه بيدج