الليث الاسود

part 23

#الليث_الاسود
الكاتبة : ساره جعفر

..

مطلعها مبتسم ويسوق وبين فتره وفتره يباوعلي ، بلعت ريكي واني افسر كلمات الشعر ، للحضه حسيته يحبني !

بس مستحيل يحبني وهيج شالع قلبي او يسوي تصرفات تحسسني عدوته وتصرفات يحسسني يحبني

- حلو هذه الشعر
- اي احبه حيييل
- ليش

صفن عليه وتنهد تنهديه طويلة

- ماكو سبب معين
- تلوكلي

حجيتها وضحكت ، بحجه المزاح بس هو صفن عليه وهز راسه مبتسم ، اردف بنبره حنيينه

- صحيح فوفو
- خلصنه كلشي بعد بس فوفو

- يخبل
- ماكو غيغه
- اسمج معفن حتى ما يتدلع

عطت بي بصوت عالي : بي هوااي فيفو ففه فيفي فوفو فوفه ايفي

- كلهن مو حلوات

يحجي هيج علمود يستفزني

- هجم بيت الذوق غير يسكت ما اعرف منين جايبين اسمك
- عجبني فيفو

اردفت بغرور وثقه : اني كُلي اعجب وحلوه .

باوعلي بطرف عين وصرنه قريبين من بيتنه ضحكت بفرح ولزمت مقبض الباب

- انطي صبر ما طاير البيت
- اغيد اخلص منك
- يجرالج

نزلت وكفت مقابيل بيتنه رفع ايده بعلامه باي غميته ودخلت ، صعدت واني اباوع بحذر خاف احد موجود ركضت لغرفتي

وسديت الباب شفتي مجروحه سبحت حطيت لزكه جروح على خدي ، ومشطت شعري ، وكعدت اخذت نفس براحه واخيرأ خلصت

من هذاك البيت ومن الكابوس الـ يلاحقني يومية احلم شلون ادخل السجن وافز مرعوبه فرحت حييل .

..

عُطر : اجت رياحين تسأل عن ايفا مموجوده كُلنه ستغربنه وين راحت وحتى تغاريد الكانت يمها متعرف شي ؟

اتصل علي اسود فتحت الاتصال : عطر دخلي للغرفة واقفلي الباب ، وكليلهم كاعدين انه وايفا وياج ثمه اياج تفتحين الباب .

- ليش شكو ؟ تعرف مكان ايفا

- اي هيه وياي
- شتسوي وياك ؟
- شعليييك

قطع الاتصال بسرعه كُتلهم ايفا بغرفتي ودخلت للغرفة وقفلت الباب ، اجو يدكون بالباب

رياحين : افتحي اريد احجي وياها

عُطر : جاي تغير ملابسها ولا تخافين هيه يمي

راحت بعد ما تطمنت عليها ، تغاريد راحت لاهلها زعلانه لان ما فتحت الباب ولا شاركتنه الحديث

شغف : عُطر افتحي الباب اريد اكعد يمجن

عُطر : اشياء متخصج

شغف : من شوكت تحجين وياي بهل اسلوب ؟