الليث الاسود

Part 65

#الليث _الأسود
الكاتبة : ساره جعفر

لا تنسون التصويت + التعليق بين الفقرات ♥️.

..

رجليه متحملني انزل واشوف شكو فتحت الشباك بَس مكدرت اشوف عدل بسرعه نزلت اركض اجيت اوكع على وجهي ، فتحت الباب واشوف منظر خلاني انشل بمكاني من الصدمه !

سواد واكع باب البيت ونايم على وجها وركبته من وره مفتوحه مذبوح !! والكاع متروسه دم ضهره ناكع من الدم وملابسه مشككه وبيها ضرب طعنات واضحه اسود جثه واكع باب البيت ..

اجيت اوكع من طولي من الخوف بقيت اعيط ويا عياط ارجوان وهيه تشوفه مذبوح ومدمه واكع كدام عيونه ،

يمكن كلمه " نهيار " قلييييله بوضعي مِن شفت سواد صوتي راح واضرب على فخذي واشرمخ بخدي طلعو على صوت عياطي فرقد وعلي الأكبر مخبوصين ومتوترين ..

من شافو اسود ومضهره علي الأكبر ما حاجه اشرح عن حالته كلمات كُلها ما تضاهي رده فعله وفرقد نكلب كلاب فرفحت روحه على اخو ..

بسرعه ركض صاح لاخوته وعلي الأكبر راح لأسود كعد يمه بالكاع ويباوعله بَس لزمه ايده نترست دم غمض عيونه بألم ، وطلعو كُل اخوة سواد شالو شيل واخذو للسياره وطلعو بي للمستشفى كلت اكيد ما يعيش لان وضعه والموقف الشفته بي يصعب على الكافر ، ذبححح !!

الكاع متروسه دم عليها بقعه دم كبيييره يمكن دمه خلص ، انتبهت على ورقه منكعه دم مِن دمه ، ولو ما بياض شويه ضاهر مِن عدها فلا انتبهت الها !

رحت اخذتها وبسرعه ضميتها بملابسي ورُغم تلفت دم من دمه بَس زدت بالبجي اخذت ارجوان وهيه مفرفحه واعتقد صار عدها إغماء ،

ودخلت امسح بدموعي وكعدت بنص الصاله مابيه أعين روحي واكعد على القنفه امسح بدموعي واكعد بارجوان الفاقده وبَس صوت النفس يصعد وينزل ودموعها على خدها مسحتهم ودموعي ينزلن على وجها ، صحيح البنات نخبصو وكُل وحده تحجي عن حالته من شافته بَس ما يضاهي لوعتي وحرقه قلبي مِن شفته ،

ضربت على فخذي بحرقه واشهك بالنفس اختنكت من البجي وجهي امسح بي وينترس دموع وعيوني تكت دموع كت ، من شفته بهل منظر روحي راحت وتلوب علي مثل الطير المذبوح .

شلون هسه بي ؟ من نذبح شلون كان حاله ! توجع اي اكيد صااااح وتوجع شلون كلبه بهذيج الساعه ؟!
وضهره منعدم من الطعنات ، تاذه ؟! بيه ولا بي

بوقتها مِن صدُك ومن كُل قلبي تمنيت الي الوجع مو اله
ما اعرف شلون خلص اليوم لليل اني ما كاعده بمكان افتر مثل المخبله روحي تلوب ، أريد خبر عايش ميت !! فكرت لو سواد يصير بي شي ما اعيش اموت وره شنو يصير بيه !! اني لا شيء من دونه هو بناني وبروحته يهدمني ..

ما تمنيت سواد يموت هيج موته سواد يستاهل ناس زينه وتقدره وتكون كد حنيته سواد يستاهل لأن حنيته واهتمامه وحبه ، رجولته كفييييله تشرح شخصيته المُبهمه والغامضه ..