الليث الاسود

Part 64

#الليث_الأسود
الكاتبة : ساره جعفر

لاتنسون التصويت + التعليق بين الفقرات .
بارت طويل تعب يومين 12 الف تفاعل على كد المحبه ♥️ .
..
سواد :

شسويلك بعد وعيونك امليها ؟
وانه السويت حتى الما مسويها !
والله لخاطرك قررت احب اشياء ؟؟
عشت طول العمر ما مقتنع بيها ..!

..

غلطان بيك توهمت ؟
ما ادري عينك صلفه ؟
خيبت ضني وضن كلب ..
جان انتَ نقطة ضعفه ..!

..

عُطر : اجينه لبيت علي الاكبر وهوسه وخبصه ونفس اقاربنه التجمعو بزواج اسود وسُقراط تجمعو هسه بخطوبة فرقد حسيت راسي نسطر من الهوسه ..

عمو اسود كاعد يمي راد يكوم كُتله : وين ؟

- اصيح لفوفو
- اكعُد اني اروح الها

ابتسم واردف بلطف وحُب : فوفو تستحي من التجمعات وراح اروح اصيح الها حتى تنزل وياي .

هزيت راسي ببتسامه وهو صعد مبتسم ،

مرات اكول فوفو شنو مسويه والله رازقها بسواد مو قُصة تعظيم اله بَس اني شاهده على مواقفه وحنيته حنيييين لدرجه اني بنت ابن عمه وهو صرف دم كلبه عليه من ناحيه صحته وناحيه فلوسه ارجوان كذالك جيلان هم بَس كان يحبنه حب اخوي او ابوي وايفا ..
يشوفها كُلشي بعيونه اشوفه شلون فرحان وسعيد وياها .

لكن فجاة سمعنه صوت عياط صاخب لدرجة الهوسه صارت هدوء والكُل يسمع لمصدر الصوت هذه صوت سواد اميزه من يعيط صوته يصير عبالك سماعه هو من يحجي صوته شعلواته

الدرج كض كد ما الناس صعدت الممر مال الغرف كبيير بس صار ضيق كد ما هواي بي صغار وكبار وكُلنه صافنين مستغربين شكو

الكُل نزرع باب غرفتهم والممر طويل وبي غرفنه وحتى غرفتي القديمه بقيت مصفصفه ايفا صوتها هذه !!
تعيط عبالك واحد جاي يتعذب عياطها عالي ويخوف
عبالك واحد جاي ينجلد او ينصلخ تعيط من قلبها

وهو يعيط عياط كل ما يعيط افز من الرهبه شحالها هيه وهسه بين ايدي !!

الوجه صارت متتفسر المُشكله محد يعرف شنو جاي يصير ! وليش طالعه هل اصوات المُريبه فرقد تخبل اجه يدخل واردف علي الأكبر بانفعال : فرقد لا تدخل

- وتخلي يكتلهههها
- اخوك ومرته ما علينه

تخبل فرقد بقه يدفر بالباب وسواد تنرفز الولد وعلي الأكبر رادو يتداركون الموضوع واردف علي الأكبر

- فرقد كافيييييي

سُقراط حط ايده على كتف فرقد وجره بقوه وسرعه لمكان شويه بعيد ونزله راسه واردف : اخوك يعرف يتصرف

فرقد : ونعوفه يموتههههههها

سُقراط تنرفز وربت على ضهر فرقد : لا تصيح