#الليث_الاسود
الكاتبة : ساره جعفر
تصويت + متابعه الحساب
..
عُطر : واكفين بالصالة علي الأكبر باوع لاسود واردف : العصر انه ودُعاء نروح نشتري لمرتك ذهب
سواد من جدو ذكر دُعاء گلب وجهه ورفع ايديه : انه اجيبلها
علي الأكبر : هديه ترد هديتي ؟!
سواد : لا عاجبني انه اخذلها
علي الأكبر : خوش اختار على ذوقك والفلوس مني
دار وجهه للجهه الثانية وتافأف
سواد : ما اريد مشكورين هداياتكم واصله
علي الأكبر : ما ترد هديتي انه ابوك اسسود
سواد : انه اريد اجيبلها شلون بله زوجتي واختارلها على ذوقي
بعد مجادله ومماطله بقه اسود على كلامه وزعل جدو بس فتره وجيزة ورجع يحچي ويا فرحان اله وطاير من الفرح على فرحه اسود .
مخبوصين بتحاضير الزواج العصر اجوي بيت عمامنه من الانبار وتكريت وخبصه وهوسه رشيت عُطر ونزلت اسلم عليهم وهوستهم اكثر منهم
بعدها صارو واحد يجي وره الثاني وهمه وعوائلهم واولادهم متزوجين وعدهم اطفال وهوسه الجهال عاجه
دخت وتنرفزت بس اصبر نفسي نوب اكو واحد دقني بس يعيط وصوته مزعج كنه انذار
دخلت سلمت على الخطار من الجنوب ، هماتين هواي عدنه اقارب هناك ، ومن كُل المحافظات ، الاستقابل نترس ناس
دُعاء : عُطر شغلي السبالت
هزيت راسي ورحت باخر الاستقبال شغلتهن ، ابتسمتلي وحده رجعتها الها تقربت مني
- شنو اسمچ
- عُطر
- حييل حلو ما اعرفچ بنت منو أنتِ ؟
- ااا شسمه شويه واجي يصيحوني
واني كذب محد يصيحني بس انزعج من هل سؤال خاف تتذكر الصار بس واضح هيه من زوجات الولد لأن ما اعرفها
جرتني عجوز : تعاي يمي
رحت كعدت يمها
- منو اهلج ؟
- ها ، هو محمد
- الغسل غسلج وغسل محمد
صفنت عليها وعفتها ومشيت ، ابوي كُلها تكرهه لحد ما صار الغده والهوسه بعدها
ما حطيت ايدي ولا سويت وياهم كعدت على الدرج اباوعلهم
وكُلهم كاعدين يتغدون ويسولفون حچت وياي شغف من جوه
- تعاي اكلي
- ما اريد
- الطبخ طيب
- من اجوع اكل
صفنت عليه ، وبعدهه راحت يجيبن هنا ويحطن هنا والهوسه والسوالف
سُقراط اجه وره الغده سلم عليهم كُلهم واني اباوعله من فوك
أنت تقرأ
الليث الاسود
Mystery / Thrillerلا تقلق ولا تخاف انها فترة وجيزة وستنتهي ، لحظات دامية حافلة بالأجرام شَيطان على هَيئةً بَشرية يَستاطُ بَالحياة كَانهُ يَستاطُ فَـ البريةَ مَكارً لَعوْبً وفي ارجائهُ حُروبً دَائمية يَنهشُ في لَحم البَشر كَانهُ في لعبةً سُخرية ضَحكاتة تُلوى الاخره...
