|| پیۆنی ||

Ch,8

Vote and comment❤️

کاتێک پەردەی شەو بە نەرمی بەسەر گوندەکەدا کشا، ماڵی لەیلا
بوو بە گۆڕەپانی دیدارێکی چارەنووسساز،دوو خێزان، دوو دڵ،
و یەک داهاتووی هاوبەش لە ژێر تیشکی کزی چراکاندا کۆببوونەوە،

لە ناخی هەندێکیاندا، ترس وەک مارێکی ساردوسڕ دەخزی، بەڵام لە هەمان کاتدا، شادی و هیوای پێکگەیشتن وەک گوڵێکی بەهاری لە دڵیاندا دەپشکووێت،

لەو ساتە پڕ لە چاوەڕوانییەدا، کاتێک وشەی "بەڵێ"" لە زاری باوکی لەیلاوە دەرپەڕی، جیهان بۆ ساتێک وەستا،چاوە جوانەکانی لەیلا،
کە تا ئەو کاتە وەک گۆمی ئارامی پاییز بوون، لەناکاو بوون
بە کانیاوی فرمێسک،ئەو دڵۆپە زێرینانە،کە ساڵانێک بوو لە ناخیدا
حەشار درابوون، ئێستا بە ئازادی بەسەر گۆناکانیدا دەهاتنە خوارێ،
وەک باران بەسەر گوڵی تازە،

هەفتەیەک دواتر، لەسەر خوانی نیوەڕۆ کە بۆنی خواردنی خۆماڵی و پێکەنینی خێزان تێکەڵ ببوو، هیوا بە دەنگێکی پڕ لە دڵنیایی
ئارەزووی خۆی دەربڕی: "دەمەوێ زوو ئەم خۆشەویستیە بگاتە لوتکەی خۆی،با هاوسەرگیریم لەگەل لەیلا دوور نەکەوێتەوە"

سۆز، کە گوێی لەم قسانە بوو، هەستی کرد دڵی وەک باڵندەیەکی ئازاد لە سنگیدا دەفڕێ،

خۆشی و شادی لە چاوە گەشەکانیدا دەدرەوشایەوە،بەڵام لە
قووڵایی مێشکیدا، پرسیارێک وەک دەنکە گەنمێک لە زەویدا
چەکەرەی دەکرد

سۆز، لەگەڵ ئەوەی دڵی پڕ بوو لە خۆشی بۆ هیوا و لەیلا، بەڵام هەستێکی سەیر و ناڕوونیش لە ناخیدا دەجووڵا،چاوەکانی بە ژوورەکەدا گەڕان، وەک بڵێی بەدوای وەڵامێکدا دەگەڕێ بۆ ئەو پرسیارەی کە لە مێشکیدا دەزرنگایەوە: "ئاخۆ دکتۆر دەبێ چۆن بێت ئێستا؟"

لەو کاتەدا، دەنگی دایکی سۆز لە چێشتخانەکە هات کە داوای
یارمەتی دەکرد بۆ ئامادەکردنی خواردن،سۆز هەستا، بەڵام هێشتا بیری لای ئەو پرسیارە بوو،هەنگاو بە هەنگاو بەرەو چێشتخانەکە ڕۆیشت،
لە کاتێکدا بۆنی خۆشی خواردن و دەنگی پێکەنینی ئەندامانی خێزان
لە دەوروبەری دەبیسترا،

لەو ساتەدا، تیشکێکی خۆر لە پەنجەرەوە هاتە ژوورەوە و کەوتە سەر وێنەیەکی کۆنی سەر دیوار، وێنەیەک کە تێیدا هیوا و لەیلا و سۆز پێکەوە پێدەکەنین،

سۆز بۆ ساتێک وەستا و سەیری وێنەکەی کرد، بزەیەکی هاتێ و بیری کردەوە: "ڕەنگە کاتی ئەوە هاتبێ منیش بەدوای دڵداری خۆمدا بگەڕێم!"

————————————

لە ژوورێکی نیمچە تاریکدا، سۆز لەسەر تەختێکی سپی دانیشتبوو،
دەستی بە سەر برینە ساختەکەیەوە گرتبوو،چاوە کاڵەکانی پڕ بوون
لە پەشیمانی و ترس، بەڵام لە ناخیدا هێشتا گڕی هیوایەک دەسووتا،
دەنگی پێی دکتۆر ئارێز لە ڕاڕەوەکەوە دەهات،

هەر نزیکتر و نزیکتر دەبووەوە،
دڵی سۆز وەک باڵندەیەکی بەندکراو لە سینگیدا دەیویست
دەربازی بێت،

کاتێک دکتۆر ئارێز هاتە ژوورەوە،چاوە قاوەییەکانی، کە جارێکیان
سۆزیان مەست کردبوو، ئێستا پڕ بوون لە تووڕەیی و نیگەرانی،
دەموچاوی گرژ و مۆن بوو، وەک ئاسمانێکی هەورگرتوو پێش
بارانێکی بەخوڕ،

"ئەمە چ شێتییەکە کردووتە؟"
دەنگی دکتۆر وەک هەورەتریشقەیەک لە ژوورەکەدا دەنگی
دایەوە،

سۆز هەستی کرد وشەکان لە گەرووی گیریان خواردووە،چۆن دەیتوانی ڕوون بکاتەوە کە ئەم برینە ساختەیە بەرهەمی دڵێکی بریندارە؟ چۆن دەیتوانی باس لەو هەستە قووڵە بکات کە وای لێکردبوو ئەم کارە نابەجێیە بکات؟

لە ناکاو، فرمێسک لە چاوەکانی قەتیس مان،هەستی کرد وەک
منداڵێکی بچووک کە تازە تێگەیشتبێت هەڵەیەکی گەورەی
کردووە،دەیویست هاوار بکات، "ببورە من تەنیا دەمویست جارێکی
تر تۆ ببینم"
بەڵام وشەکان نەدەهاتنە سەر زمانی،

—————————-

.

.