زينب كاتفرج فالمدينة من الشرجم و مصغرة عينيها كاتخطط و تهندس...حتى ابتسمات بخبث و نطقات فسرها: لقيييتها...
مسافة طريق و كانو قدام بوابة ضخمة ولاكن مامخبياش القصر للي مبني قول تل مرتفع و عكس القصر الاول هذا مبني على الطراز الحديث و كله اضواء ... تفتحات البوابة و دخل و هي كاتفرج على الحديقة اللي كانت شاسعة و فيها بيسين كبير اولامبي و اكسسوارات باختو ها تماثيل للفن المعاصر ها نافورة حديثة يابانية
زينب : اممم عاد فهمت لاش سيفطهم لهنا ...
هيثم وقف الطونوبيل و خرجو عاد هضر : لا لا كانقول سيفطهم غير على قبل المشكل بين خوك و ديفيد ... و حتى ديك دونا راه بزاااف ماكاتسكتش...
زينب باقا عند رأيها : ناااه (لاااا) ام بريتي شور ذيس از نوت دااريزون (أنا متأكدة بلي ماشي هذا السبب)
ضارو فاش الطونوبيل ديال عائلة الميدتشي وقفات و رسمات زينب تاني ابتسامة ...توجهت تستقبلهم و هيثم هاد المرة مشى حتى هو دخلوهم للقصر و زينب حتى هي كاتستكشفو معاهم قريب من شكل دارها نوعا ما نفس الفكرة بالحق هي دارها فيها حياة اكثر و طبيعي حيث اولا للي ساكنين فيها مستقرين تم و ثانيا حيث شباب و ثالتا حيت مولاتها بنت و عندها مع الإبداع ...
دافيد ضار شاف فيها : عافاك فين بيتي ؟
زينب رسمات ابتسامة بلهاء حيث هي براسها ماعرفاش وهو ينقد الموقف هيثم : اجي معايا ...
توجهو للفوق و دونا شافت فزينب للي دغيا دارت ابتسامة صفرا : اجي معايا للصالون نرتاحو...
توجهو للصالون و الخادمات بداو يقدمو ليهم المشروبات الباردة حيث الصيف و الحلويات و المرافقات او الميز ابوش
دونا شربات من غير كأسها و هضرات: واو فصراحة ماتوقعناااش نتي للي تستقبلينا نهائيا ...
زينب بتساؤل : وعلاش ؟
دونا دارت قضمة من واحد الكيك عاد هضرات : حيث ...(كاتمضغ) كللشي كلللشيي عارف بلي نتي هربتي و خنتي العائلة ...
زينب علات حاجبها عاااااد فهمات بصح علاش سيفطها هي : ااااه هكداك!؟ لا لا ديك الهضرا مامنها وااالو ... (شربات من كاسها بلباقة) أنا كنت فالمغرب مع صحابي... و صاحبتي عزيييزة علي بزاف و مودل ماكانبغيييش نتفرق عليها ... ههههه اوا صافي هي كاتسافر بزاف بحكم خدمتها و أنا كاندوز معاها وقت زوين و كانعيش شبابي ههههه...
دونا بإعجاب كبير : واااو و شكون هاد صاحبتك واش شي موديل مشهورة ؟
زينب ومات براسها : اه high fashion model (موديل للالبسة الراقية ) حتال غدا و غاتعرفيها (غمزاتها)
دونا تكات بظهرها: شوقتيني الالة...أنا نيت عندي براند...جديد بالاه طلقتو غير هاد الصيف... سميتو ذ الديفا دونا ... إذا كانت مشهورة (ضربات لزينب على كتفها ) نبغيك تهضريلي معاها ...
أنت تقرأ
تأشيرة إلى وكر الشيطان
Romanceهاد القصة مميزة بزاف ماشي حيت فيها بزاف ديال الاحداث ولاكن حيت تقدر تورينا الوجه الآخر للمشاهير فشتى الميادين و حيت فيها تلاقح ثقافات دول متباعدة ديانات مختالفة و احداث صادمة ... سيداتي سادتي الى لعب القدر لعبتو حتا واحد ما يقدر يغير اللي غيوقع غتعي...
