#الباركينغ
كانو الدراري بتلاتة واقفين و معاهم خوان
خوان : غدا مسافرين... غانمشيو لكولومبيا...وجدو راسكم... جين ماتديرليش المشاكل حيث بصح مامساليش نجمع روينتك تاني...
#المساء
البنات كل وحدة جالسة فبلاصة و ساهيا فهمها الا زينب كانت معلقة عينيها فالسقف جثة بدون روح النهار كامل وهي كاتحاول تعيش فهاديك الليلة المنحوسة باش تكسر خوفها ولاكن بمجرد ماكاتوصل للقطة للي بدا كايضربها فيها و قطع ليها حوايجها كاتنفض و ترجع للواقع حتى سالات طاقتها كاملة و دبا كاتفكر غير البيضة و الدجاجة شكون سبقات قبل حتى قاطعات نهى تفكيرها
نهى بملل: اوووووف....مانقدرش نصبح على داك لو كلوشاغ تاني!!!!
زينب شافت فيها : ولفي...ولفي كيف غانولفو كلنا...ماعندكش حل اخر ...
نهى وهي كاتشوف فيها بتمعن: !!!!giiiiiirl واش متأكدة خوك ؟ ماكايشبهو ليك فوالو...
هبة سدات المجلة للي فيديها بضجر : تاواحد فيهم ماكايشبه للاخر...على اي راه خاصك تلعبيها مزيان...ماكاندخلوش للحرب بلا سلاح...راك عارفاني اش قصدت...
زينب اصطنعت الابتسامة: فهمتك...فهمتك و حتا انا مازرباناش...حتى نشارجي السلاح مزياااان (شافت لبعيد) عاد غانتيري...
نهى بفضول: اشمن سلاح غاتشارجي ؟ راه السيد ماغايعطيكش فرصة تقربي منه مستحيل ابنتي غير نساي نسااااااااي
زينب بتحدي : غانشوفو انهى غانشووفو غير عطيني وقتي و تفرجي ... سولو العقرب باش كاتقتلي...(ابتسمت بشر ) قالت بالتقالة ... وانا مازربانا فين ... وعرش الرحمن حتى غانخليه يوصل لسابع سما و ندرخه امه مع الارض ...
قاطع هضرتها الممرضة للي حلات الباب و معاها زوج مساعدات
الممرضة بالانجليزي: انسة هيرنانديز... غاتسافري غدا و مطلوب مننا نعاونوك تدوشي و تجهزي لسفرك...
زينب دارت يديها فراسها: لفين مسافرة؟
المساعدة بالدارجة: سلام لالة زينب...غانمشيو لكولومبيا...
زينب بإستغراب: مغربية؟ كاتعرفيني ؟
المساعدة نزلات راسها : ايه الالة مغربية من كازا...و ماكانضنش واش شي حد من الجينيغاصيون ديالنا ماكايعرفكش...
نهى دارت رجل على رجل : كملات ... كولشي دبا غايعرف فضيحتنا...
المساعدة: لا لا ماتخافيش مادموزيل نهى غانفدي سريتكم بحياتي...هادي خدمتي و انا عارفة واجباتي...
زينب حيدات عليها الغطا و جاو يعاونوها حتا وصلات للدوش: تدخلي معايا غير نتي ... شنو سميتك بعدا...
المساعدة بخجل : لمياء...ولاكن ميستر هيثم بدلي الاسم ل ميا...
زينب بعدم اهتمام عطاتها بظهرها باش تحل ليها كسوة المستشفى: لمياء شحال فعمرك...
حلات ليها الصدايف و عاوناتها تنصلها: عافاك لالة عيطيلي بميا ماباغاش مشاكل مع مستر هيث...
قاطعاتها زينب و ضارت شافت فيها : مستر هيثم ماشي من حقو يبدل ليك سميتك الا عاجباك... زائد انا ماشي هو هو سماك ميا انا بغيت نسميك لميا... (دخلات تحت الرشاش و بدا كاينزل عليها الما دافي بمجرد ماحسات بحرارته تفكرات تفاصيل الليلة المشؤومة كاملة دازت قدام عينيها فلمح البصر من فاش عراو ليها على عينيها حتا للقطة للي كانت كاتبكي فيها تحت الدوش و الما كايتخلط بدمها فالارض شهقات بحالا عاودات نفس الصدمة...
مس.لمياء بخوف: لالة ...صافا ؟ واش الما سخون بزاف ؟
زينب بخوف جلسات جنب البينواغ وهي كاترعد بالبرد وكأنه سخونية الما ما مأثراش فيها: لا لا ... بارد ...بارد ...
لمياء بإستغراب قاست الما بيديها: ولاكن ... راه سخون زعما ... !!!!!
زينب ببرود: زيدي كثر ... و خرجي ...
لمياء جهدات الما سخون : مانقدرش نمشي نخليك خاصن...
قاطعتها بعينيها للي كانو حمرين و فيهم غضب ماشي طبيعي هضرات وهي كاتضغط على كل حرف بوحدو : خرجي عليا....تسنايني حدا الباب...
بلعات ريقها و ومات ليها براسها: مفهوم...
أنت تقرأ
تأشيرة إلى وكر الشيطان
Любовные романыهاد القصة مميزة بزاف ماشي حيت فيها بزاف ديال الاحداث ولاكن حيت تقدر تورينا الوجه الآخر للمشاهير فشتى الميادين و حيت فيها تلاقح ثقافات دول متباعدة ديانات مختالفة و احداث صادمة ... سيداتي سادتي الى لعب القدر لعبتو حتا واحد ما يقدر يغير اللي غيوقع غتعي...
