Lanmò briye kou fènwa
Lespwa koule nan tafya
Lavi bay kout je
Bay Papa gede bèl gason
Akolit mouche bawon
Nan zanmitay ak papa legba
Byen chèlbè Ap fè gadyen pòt lorizon
Koukouy konn sekrè fènwa
Lannwit baye kou zèklè
Fyète fè n wa, lanmò koube l byen ba
Pou li pran chay inonsans pote lwen zile a
Lespwa trayi nan koulya lanmò
Lanmò konn bout lavi
Bote, lanmou, tafya, bèl vi tou rasi
Fè n pè travese
Mouche leta mete kanson l nan tay li
Pou fè san koule
Yon bann mò san mèt
K ap bwè gazolin ak alimèt
Pa konn wout simityè
Lanmò kache trezò lavi
Lanmò ateri lakay
Ak kouray
Nan grenn bal k ap voyaje
Pou flannen kay malere
K ap chache lavi miyò
Mèt kalfou fache, atò loray Gwonde
Lasiblay simen pase semans
Zam ap chante
Mò vivan ap fè womans
