Lespwa anba move tan
Yon rèv nan fènwa
Tan ale, tan tounen, tan bwè san
Solèy briye anba dra
Pou kache move jounen
Lanp pa limen anba tab
Chandèl se pou klere
Pa kite rèv yo tenyen
San yo pa reyalize
Fè je fò jouk ou kapab
Lide makonnen kou koulèv
Pa kite somèy fè w viv sou rèv
Bèl rèv pa rèyèl sou kabann
Kreye lespwa w si w pa ka tann
Lè lavi a pa ka bann
Malgre move tan, solèy la leve
Lannuit se pou zetwal ak lalin reve
Se fènwa ki rann yo egziste
Se pa pou w reziste
Lè kochma mande w lite
