Tande kri yo
Kri m yo
Krim yo twòp sou tè a
Plim yo make, takte vwa yo
Di m wo, si se la ki lanfè a?
Lòm twò mechan
Pou ki? Pou kisa atò?
Vant latè plen nan bwè san
Mwen wè sante k ap mache kay bòkò
Bal ap farinen sou do tòl kostim lekòl
Sa k ap pase
Rad respè san pase
Lanmò san pase
Nan bal gede, sou yon pye, gade mò k ap danse
Kri m yo di ase
Ase! dyòl y ap koule bave san
Bwose ak grenn bal
Grangou fè n tounen san sal
Malad mantal yo vivan
Viv van k ap di aba anba chal
Loray frape pye l nan move lorizon
Lankasyèl an san, an blan
Flè yo nan vèy ak ògèy lòm chak sezon
Sou tonb sila yo ki tonbe k ap tann jijman
Peyi m ap soufri anba pye loksidan
