Maskarad
Zile a fou, an foul k ap monte sou dèlma
Fèy bwa nan men, k ap chante bwa kale
Pri gaz la monte, y ap chante, y ap di
aba
Jèn fanm kou gason ap rele fò l
ale
Yon chante depi avan mayi te gen
bab
Lè kat mare pou ti pas kout anba
tab
T ap layite nan près kont
prezidan
Lidè kostime, abolotchyo t ap pran daso sou chanjman
Pankad tounen chwal batay mal
sele
Aba vòlò, dilè, fò l ale, y ap
repete
Potoprens, vil raketè te sele ak baridad
Bèkatè ki t ap tann lajan te tounen nomad
