في صباح اليوم التالي:
فيروز: يلا يا حبيبي اصحى مش انت عايز تشوف جمال بلدك.
متيم بحماس: أويي يلا بينا.
فيروز: غير هدومك يلا ونمشي.
متيم: تمام
بعد مرور نصف ساعة:
فيروز: يلا نكمل دلوقتي أوريك العاصمة الإدارية الجديدة بعد كدا نروح الصعيد بقا اللي هو الأقصر وأسوان وسوهاج بني سويف قنا المنيا وكدا
متيم: تمام جدا.
بعد مرور نصف ساعة كانا قد وصلا إلى المكان المطلوب آلا وهو كاترائية السيد المسيح
فيروز: شفت جمال الكنيسة يا متيم، شفت حلوة ازاي.
متيم: ايوا يا ماما.
فيروز: جبتك هنا علشان أقولك مفيش فرق بين المسلمين والمسحيين وكلنا اخوات هنا فيه حاجة اسمها لكم دينكم ولي دين مش معنى إنه على ديانة مختلفة يبقى اكرهه لا ناس طبية وحلوة جدا احنا كلنا هنا اخوات وفي وطن واحد يا حبيبي فهمتني يا متيم.
متيم: ايوا يا ماما كلنا اخوات وكله لأجل الوطن يهون.
فيروز بابتسامة: بالظبط يا حبيبي.
فيروز: يلا نروح الحديقة المركزية هي قيد الانشاء لسه وأما تجهز كلها هجيبك بس يلا نروح نشوف المكان.
متيم: يلا.
فيروز: ايه رأيك بقا.
متيم: المكان جميل وجنب كمان البرج الأيقوني المحيط تبعه عظمة بجد يا ماما.
فيروز: جدا علفكرا دي هتكون أكبر حديقة في العالم، شفت مصر حلوة ازاي.
متيم: كل مرة بتحمس أكتر أشوف الأجمل.
فيروز بضحك: يلا نروح الأقصر، وجمال الاقصر وحلاوة الأقصر
متيم بضحك: يلا، عايز أشوف جمال الأقصر.
بعد مرور ثلاث ساعات كانا قد وصلا للأقصر ثم يلا نلحق باقي اليوم بقا مش شرط نريح دلوقتي علشان نروح بكرا أسوان والنوبة شفت هتودينا الصعيد الجواني كمان.
متيم: هو فيه أحلى من كدا.
فيروز: يلا على الكرنك.
متيم: احكيلي عنه
فيروز: طبعا مظاهر الأقصر كلها فرعونية من أيام المصريين القدماء اللي الغرب دلوقتي بيقولوا إن الفراعنة اصلهم م مصري كل أما أشوف المقطع دا بضحك بجد اللي هو ازاي مش مصريين، كلهم جهم من برا مصر وماتوا عندنا ولا ايه، معبد الكرنك دا عبارة عن أعمدة كدا زي م أنت شايف، اتعمل للملك آمون وزوجته ومعنى الكرنك القرية المحصنة.
وهكذا بقيا الاثنان يزوروا كل معالم الأقصر إلى أن انتهى اليوم.
فيروز: تعبت بجد يلا نروح.
متيم: يلا يا ماما نريح شوية.
فيروز: يلا يا حبيبي.
بعد مرور نصف ساعة كانا قد وصلا للفندق ثم:
فيروز: يلا نقرأ رسالة بابا.
متيم: معاكي.
فيروز: تعرف الأول إن بابا هو كان اللي كان قالي أخليك تشوف جمال بلدك واوريك كل المظاهر والجمال لا.
متيم: لا أول مرة أعرف.
فيروز: كان بيحبك أويي حتى قبل م يشوفك، كان نفسه يشوفك واحد ناجح وواصل لهدفك ومشرفه دائما.
متيم: وأنا أوعدك بدا يا ماما هشوفه وهتشوفي وهبدأ مع نفسي من دلوقتي.
فيروز: م معنى إن قلت ليك كدا يبقى م تعيش طفولتك يا حبيبي.
متيم: حاضر يا ماما بس حلم بابا أهم.
فيروز: أعلم بأن العمر مر سريعا فلن نقضى مع بعضنا سوى أقل من عام حتى الآن ولا أعلم ما تبقى من العمر لكن الشيء الوحيد الذي أعلمه بأن حبك قد تغلغل لأعماق قلبي، فقد أعشقك يا فيروز القلب، أعلم بأن الفراق مؤلم ولكن إلى متى فمصيرنا بأن نلتقى، متى؟ لا أعلم، لكن كل الذي أعلمه بأننا سنلتقى، أنتظرك على أحر من الجمر يا معشوقة الروح، وفيروزة القلب، أوصيكِ ولستِ محتاجة إلى توصية متيمنا الصغير لن أوصيكِ بأن تعتني به جيدًا لأني أعلم بأنكِ تعتني به ولكن اجعليه شخص ناجح تولي أمره، أريد أن أفتخر به، أريد أن يقول لقد حققت حلمي والدي، أريده شخص شغوف بالحياة، إلى اللقاء يا معشوقة متيم، يا متيمة بالفؤاد.
«إلى اللقاء في الجزء الثاني قريبا بقصة حياة المتيم الصغير وقصة كفاحه.»
____________________________
عند ملك كانت واقفة على ذاك المسرح تلقى كلمتها ثم:
ملك: اولا السلام عليكم ورحمه الله وبركاته، زي م وعدتكم في مؤتمر تاني هسرد فيه قصة ملاك المصطفى وتحقيق باقي أهدافي، اليوم فقط هأتحدث عن قصة ملاك المصطفى وتحقيق الأهداف قريبا جدا لننتظر قليلا فالأمر صعب وليس سهل أبدا.
أخذت تنهيدة قوية تتذكر كل شيء مر عليهم ثم:
ملك: من حوالي 7 سنين كدا وقتها كان عندي 18 سنة لسه كنت صغيرة قابلته على كورنيش النيل تصوروا كدا كان بيحب التصوير جدا أخد ليا صور كتير وانا معرفش كنت بحب الكورنيش جدا علشان كدا بروحه باستمرار انا م كنت أعرف كل دا لسه، فالمهم كان في رحلة للعريش وجمال العريش روحتها وراح ورايا هنا والتقط ليا صور كدا من غير م أعرف، أنا عرفت كل دا من مذاكراته اللي مهما قريت فيها مش همل منها، ظهرلي تاني يوم على بحر العريش وقالي هصوركم واقفت ومن هنا وقف القلب وأعلن الاستسلام هذا هو الشخص الذي أراه بأحلامي، أحلامي اللامتناهية، أتصدقون بأني أعرفه من مجرد حلم فقط، لكن كانت الصدمة الكبري عندما علمت بعد 4 سنوات من اعترافنا بحب بعض بأنه قد انتحر، بالظبط كدا، عارفة إن الكل مصدوم لكن هكذا القدر طب حطيتوا أسباب الانتحار دا للاسف من اللحظة اللي اعترف بيها بحبه ليا وهو بيقنع في والده علشان يجي يتقدم وهو رافض اللي هو انا م مسمحاه على اللي حصل لتؤام روحي ووصله للمرحلة دي، وصله لدرجة ضغط نفسي رهيب م قدر يستحمل وانتحر للاسف مننا فيه ناس كتير بتلجأ للانتحار، انا مش هنتكلم في مقطع الحلال والحرام بالرغم أنه حرام بس خلينا نبعد عن كدا فكرة الضغط النفسي ليه كدا ليه الضغط كدا، ليه أتعب نفوس غيري، للاسف الناس كلها م بقت طايقة نفسها ومحتاجة إعداد سير وسلوك من الأول خالص والسلام عليكم ورحمه الله وبركاته.
«إلى اللقاء قريبا في الجزء الثاني في قصة كفاح ملاك المصطفى»
____________________________
«قتلتكِ بسكين باردة، ولكن في الواقع قد قتلتُ نفسي أنا وليس أنتِ»
محمد: خلاص يا نيرو جه الوقت اللي هقابلك فيه النهاردة يوم إعدامي خلاص، بس تعرفي أنا فرحان أويي وفي نفس الوقت زعلان أويي زعلان علشان بايدي دي أنا اللي نهيت حياتك كان نفسي نعيش مع بعض ونتجوز ونجيب بنات شبهك ونسميها نيرو برضوا على اسمك بس انت اللي مدتنيش فرصة وأنا كنت مستحيل اسيبك لحد تاني، وفرحان أويي علشان هنتقابل خلاص يوم إعدامي يعني رؤيتك عارفة إنك زعلانة مني بس هصالحك أما أشوفك.
قاطع حديثه ذاك العسكري وأخذه لمكان الإعدام.
الضابط: نفسك في ايه يا محمد قبل تنفيذ الحكم.
محمد: ادفنوني معاها، دي أمانة هسألك عليها يوم القيامة.
الضابط: حاضر يا محمد، نفسك في حاجة تاني.
محمد بابتسامة: لا، يلا بقا علشان عايز أشوفها.
وم هي إلا دقائق معدودة ومات محمد ورحل لتلك التي قتلها بيده حتى لا تكون لأحد غيره.
النهاية.
أنت تقرأ
مُتيم بالفؤاد.
Storie d'amore«وقد أصبحتُ كالمُتيم بفوادك» لا أرى الحب إلا بوجودكَ، لا أستطيع العيش من دون النظر إلى سحر عيناكَ، لا أدري ماذا حل بي؟ حاليا لقد حُكم علينا بالفراق للأبد، لا أعرف كيف سأستيقظ من نومي دون النظر إليك، لا أعرف كيف ستتأقلم حياتي بدون، لا أعرف ماذا حل...
