[Unicode]
ပြဒါးရံတစ်ယောက် ဘာကိုမှနားမလည်တော့ဘဲ တိမ်ယံဆင့်၏ စကားများကို လျစ်လျူရှု၍ ခုံပေါ်မှထရပ်ကာ ထွက်သွားဖို့ပြင်လိုက်သော်လည်း အနောက်ဘက်မှလူ၏ အားသုံးကာပြန်ထိုင်ခိုင်းခြင်းကို ခံလိုက်ရလေသည်။ ထို့နောက် အားအင်ပြည့်ဝသည့် လက်များမှာ ပုခုံးကနေဖိထားပြီး လှုပ်မရအောင် တွန်းအားပေးလာခဲ့သည်။
" ဘယ်သွားမလို့လဲ.... အခုထိအံ့ဩစရာတွေမလာသေးဘူးလေ "
တိမ်ယံဆင့်၏ စကားဆုံးသည်နှင့် TV ရှိရာဘက်မှ အသံတစ်သံထွက်လာလေသည်။ ပထမဆုံးတွင် အာရုံစူးစိုက်မရနိုင်ခဲ့သည့်အတွက် TV ထံမှထွက်ပေါ်လာသောစကားတို့ကို ပြဒါးရံနားမလည်ခဲ့ပေ။ သို့သော် ခဏအကြာတွင်_
" ဒီနေ့သတင်းကတော့ တကယ့်ကိုသမိုင်းတွင်မယ့် သတင်းပါပဲ။ နှစ်ပေါင်းများစွာ ရပ်တည်လာတဲ့ KK company ကနောက်ဆုံးတော့ လုံးဝကို ပိတ်သိမ်းလိုက်ပါပြီတဲ့ရှင့်။ KK ကတစ်ချိန်တုန်းက ရှေ့ဆုံးကပြေးနေတဲ့ company တစ်ခုဖြစ်ခဲ့တာပဲကို ဒီလိုအဖြစ်မျိုးနဲ့ ရင်ဆိုင်ရလိမ့်မယ်လို့ တစ်ခါမှတောင် မတွေးကြည့်ခဲ့ဖူးဘူး "
ပြဒါးရံ၏လက်များမှာ တုန်ယင်စပြုလာပြီး ခန္ဓာကိုယ်မှာလည်း ထိန်းမရအောင် ချောက်ခြားလာခဲ့တော့သည်။မျက်ဝန်းအိမ်မှာ မြင်နေရခဲ့လျင် သေချာပေါက် အံအားသင့်မှုတို့နှင့် ပြည့်နှက်နေခဲ့မည်မှာ အသေအချာပင်။ သို့ပါသော်ငြား TV ဘက်ကလာတဲ့အသံများကတော့ သူ့နားထဲ ဆက်တိုက်တိုးဝင်နေဆဲပင်။
" အဲ့တာအပြင်ကို KK မှာရှိတဲ့ အုပ်တစ်ချပ်သဲတစ်ပွင့်တိုင်းကိုပါ တစ်စစီဖျက်ဆီးပစ်ဖို့ ဆန္ဒရှိနေတဲ့ပုံပါပဲ။ အခုရရှိလာတဲ့ video ကတော့ ဆောက်လုပ်ရေးသမားတွေ အများကြီးနဲ့ company ကိုဖြိုချနေတာပဲ ဖြစ်ပါတယ်။ "
သူ၏မျက်လုံးများမှာ ဘယ်အရာကိုမှ မြင်နိုင်စွမ်းမရှိတော့သော်လည်း အကောင်းတိုင်းရှိနေသည့် နားများကြောင့် ပြဒါးရံ၏ ကျောပြင်မှာ တသိမ့်သိမ့်တုန်ယင်နေပါသည့်တိုင် အသက်ရှုန်နှုန်းများမှာ အလွန်အမင်းမြန်ဆန်လာပါတော့သည်။
YOU ARE READING
Hate Poem Written With Love࿐
Fantasyရင်ထဲမှာ နက်ရှိုင်းစွာနာကျင်စေတဲ့ ခံစားချက်ကို ဆွဲထုတ်လိုက်တဲ့အခါ မင်းကြောင့်ပဲဆိုတာ သိလာတယ်။ " မင်းဟာလေ....စေ့ပိတ်ထားတဲ့ တံခါးတွေကို ဆွဲဖွင့်ပြီး ဒူးထောက်လာအောင် ပြုစားနိုင်တယ်။ " " မင်းဟာလေ.....အကြည့်တစ်ချက်နဲ့ ကိုယ့်အသိစိတ်ကို လောင်ကျွမ်းစေနိုင်...