ذهبت آلاء للمشفى فقد حان وقت وضعها لطفلتها الأولى
امتلأت عيناها بالدموع وهى تنظر اليه وتحدثت بصوت مرتجف " انا خايفة اوي يا إسماعيل"
امسك بيدها وابتسم ليطمأنها " متخافيش يا حبيبتي ربنا معاكي وهتقومي من العملية بالسلامة وتنورينا "
ابتسمت ونظرت لعيناه بجدية " لو مت خلي بالك من البنت وسميها فرح زي ما اتفقنا عشان تكون أول فرحتنا "
" متقوليش كدة يا آلاء انتِ هتقومي بالسلامة وتسميها بنفسك "
" انت عارف ان قلبي ضعيف وممكن ميستحملش "
" متقوليش كدة فال الله ولا فالك " تحدث بضيق
" طب خلاص متزعلش انا بس خايفة "
عانقها بحنان " متقلقيش يا حبيبتي "
" يلا يا مدام على اوضة العمليات " تحدثت الممرضة
نظرت اليه نظرة اخيرة وذهبت للغرفة التي لم تخرج منها مجددا
ذهب الطبيب للخارج ونظر لإسماعيل الذي رمقه بقلق
" طمني يا دكتور "
" البنوتة جت على وش الدنيا الحمدلله"
" والاء؟..كويسة صح؟ "
" انا اسف معرفناش ننقذها..واسف للمرة التانية عشان هضطر اقولك الخبر ده بس بنتك اتولدت بثقب في القلب زي مامتها بالظبط واتحطت في الحضانة "
استقبل الخبر بصدمة وجلس على الكرسي وهو شارد لا يستطيع استيعاب تلك الصدمة يتذكر اخر نظراتها يتذكر قلقها وروحها التي احست انها في اخر لحظاتها يتمنى لو كان بوسعه عناقها لآخر مرة لم يتوقع سرعة الفراق تلك فلم يمر على زواجهما سوا خمسة سنوات ترقرقت عيناه بالدموع ثم تذكر
Flashback
" انا حامل" تحدثت وقلبها ينبض بعنف
" انتِ بتقولي ايه!..انتِ بردو مسمعتيش الكلام وبطلتي تاخدي حبوب منع الحمل!..مينفعش يا آلاء انا مش حمل خسارتك انتِ عارفة ان مينفعش خلفة في حالتك "
" يا حبيبي انت عارف اني خسرت أهلي كلهم وطول عمري كان نفسي اتجوز واعمل أسرة جميلة اعوض نفسي بيها "
" يعني هو انا مش مكفيكي يا آلاء؟ "
" مقصدش ابدا يا حبيبي..بس انا اتحرمت من حنان الأم بدري وكنت وحيدة بابا وماما ونفسي في طفل صغير يعوضني عن الكلام ده "
" مقدرش اضحي بيكي انا اسف..ممكن نتبنى طفل "
امتلأت عيناها بالدموع ونظرت اليه برجاء " ارجوك يا إسماعيل دي الحاجة الوحيدة الي نفسي فيها ارجوك "
" مش هقدر يا آلاء انا مش حمل خسارتك!! " تحدثت بانفعال
" لو مت ابقى اتجوز متعيش وحيد "
" انتِ لو حصلك حاجة انا مستحيل اقدر اعيش من بعدك عشان اعيش مع واحدة غيرك!! "
أنت تقرأ
Heartattack
Aléatoireهناك أشياء قد تبدو بسيطة وعابرة لمانحها لكنها تظل كوشم محفور في قلب من تلقاها.
