دلفت للمنزل وعانقت والدها
" وحشتني يا جميل انت " تحدث هى
" انتِ وحشتيني اكتر يا فرحتي..فرح عايزك تعيشي حياة جميلة " ملس على شعرها
" ما انا عايشة معاك اهو فيه اجمل من كدة؟ " مازحته
" انا مبقتش معاكي..انا ومامتك عايزينك تختاري صح وتعيشي مبسوطة "
وجدته يترك يدها ويختفي بهدوء استفاقت بفزع وعيناها تذرفان الدموع عضت شفتاها لتتوقف عن البكاء وفتحت هاتفها نظرت للصورة وبكت مجددا واحتضنتها وقلبها يدق بعنف حتى آلمها
" يارب اجيلك دلوقتي " بكت بقوة حتى شعرت انها لا تستطيع التنفس ووقعت من على السرير وهى تشهق
كان يتجول هاني بالقرب من غرفتها ثم وقف للحظة عندما استمع لصوت ارتطامها فتح الباب وذهب اليها بهلع
" فرح فيه ايه!! "
حملها بالقرب من صدره وحاول تهدأتها
" اهدي متخافيش خدي نفسك براحة مش هيحصل حاجة متخافيش "
حاولت تنفيذ كلامه وامسكت يده بقوة وهى تحاول التهدأة من روعها وهو يمسح على شعرها حتى بدأت تتنفس بعمق حتى هدأت اخيرا وهدأ قلبها معها
" حرام عليكي الي بتعمليه في نفسك ده..كنت عارف انه هيحصل عشان كدة مقدرتش اسيبك تعيشي لوحدك "
نظرت اليه وعيناها تذرف الدموع " هو انا مليش حق ازعل واعيط على بابا زي اي حد؟.. حتى دي مليش حق فيها؟" تحدثت بقهر فضمها لصدره وتشبثت به هى بقوة
" انا اسف يا فرح مقصدش بس انا خايف عليكي انا مليش غيرك وانتِ امانة في رقبتي..كل ما تفتكريه ادعيله وافتكري انه موصيكي متعيطيش عليه وانك تخلي بالك من نفسك حتى لما شافني وصاني نفس الوصية "
هزت رأسها بهدوء
" هاني..هو بابا مات من ايه؟ "
صمت قليلا " سكتة قلبية حصلت مرة واحدة وحاولت انعشه بس للأسف قضاء ربنا "
تنهدت " اناحلمت ببابا "
ابتسم " ربنا يرحمه "
نظرت لعيناه " وحشني البيت اوي يا هاني "
" تحبي نروح هناك؟ "
" خايفة..مش قادرة اخد خطوة اني اخش البيت وبابا مش فيه هلاقي صور وبس مجرد صور هى الي بقت ليا منه ومن ماما انا تعبانة اوي يا هاني نفسيتي بايظة وعارفة انها اهم من الدوا بس مش بأيدي "
تنهد " اعملي اي حاجة تريحك وانا كدة كدة معاكي في اي حاجة..وخدي وقتك في الحزن يا فرح دي حاجة منقدرش نتحكم فيها بس زي ما قولتي لازم تشغلي نفسك عشان متسيبيش مجال للتفكير والعواطف "
" ربنا يخليك ليا يارب " تحدثت بامتنان
" انا ليكي على طول اصلا هو انا ليا غيرك؟ " تحدث بحب وقلبه ينبض سريعا
" حبيبي حبيبي "
صمت ونظر للأمام كان يتمنى ولو انها تنبع من قلبها ليست فقط مجرد مجاملة
أنت تقرأ
Heartattack
Diversosهناك أشياء قد تبدو بسيطة وعابرة لمانحها لكنها تظل كوشم محفور في قلب من تلقاها.
