بعدما اطمأن انها ذهبت في النوم ذهب للخارج
" روحي انتِ يا هدى "
" حصرتك مش هتروح؟ "
" لا "
" تمام عن اذنك " تابعها بنظره حتى ذهبت للخارج
" لسة واقف بتعمل ايه؟ "
" هروحها "
" وحياة خالتك؟..يعني انت متعرفش مثلا انها عايشة معايا فا هنروح مع بعض..وبعدين هى اصلا مش هتطلع من المستشفى النهاردة بسببك "
" طب ممكن يا دكتور تفهمني حالتها بالظبط عشان اخد بالي من حبيبتي " تحدث ببرود وابتسم ليثير اعصابه
" ومالو " ابتسم بهدوء وجلس امامه
" فرح مينفعش تخلف لأنها مش هتستحمل وتموت ده واحد اتنين مش هتقدر تعمل مجهود لا في البيت ولا في الشارع ولا معاك ولا اي حاجة تمام؟ "
ابتلع لعابه " تمام..كمل "
" من اولها كدة؟ " حدث هاني نفسه بسخرية
" فرح مش باردة حساسة وبتاخد على خاطرها اوي وده غلط في حالتها لو زعلت او اتوترت او انفعلت هتتعب ونفسيتها اهم من دواها "
" كمل " تحدث بنفاذ صبر
" ايه زهقت بسرعة كدة؟ " ابتسم بسخرية
" فرح دي على راسي من فوق يا هاني " ابتسم بثقة
" حلو نكمل " تنهد ثم تابع " ممنوع المقليات بقى بكل انواعها الزيوت الدهون الحاجات الدسمة الجبن السكريات الاوفر واللحوم الحمرا مشروبات الطاقة عشان بتزود ضربات القلب وغيره وغيره هى عارفة بقى يعني حسك عينك اشوفك بتأكلها حاجة متنفعهاش تاني " تحدث بتهديد
" اومال لو عرفت اني اكلتهالها بمزاجي " حدث نفسه وابتسم بغرور ثم حدثه " قولتلك فرح في عنيا "
" مش قادر اتطمن عليها معاك "
" ده عشان انت بس بتحبها " تحدث بنبرة استفزازية
ابتسم هاني بهدوء " متقلقش انا ميفرقش معايا غير سعادتها "
" عموما بكرة تشوفها وهى بنفسها بتقولك انها مبسوطة معايا وبتحبني " وهم للذهاب
" اعمل حسابك في اجازة ليها اسبوع " تحدث هاني
نظر اليه سامي وابتسم وذهب في طريقه وعاد هاني للداخل
باليوم التالي اسيقظت فرح وظلت تتذكر احداث اليوم السابق وعقلها يقف عندما رمقها بتلك النظرة الباردة ولم يعيرها اهتمام عندما كانت تتألم امامه ثم لفت انتباهها هاني يدلف للداخل
ابتسم " صباح الخير "
" انت منمتش!؟ "
" لا كنت قاعد بتابعك وحاولت اخلص شوية حاجات كدة والنهاردة الجمعة اجازة "
" ياربي يا هاني انا متعبة اوي " تحدثت بضيق
" انتِ هبلة هبلة! " تحدث بملل
أنت تقرأ
Heartattack
Randomهناك أشياء قد تبدو بسيطة وعابرة لمانحها لكنها تظل كوشم محفور في قلب من تلقاها.
