في اليوم التالي ذهبت للشركة وحاولت اخفاء توترها وتوجهت لمكتب سامي
" صباح الخير " تحدثت بابتسامة
" صباح النور..اتفضلي " تحدث بخفوت
" انا عارفة اني مزعلاك بس ليا اسبابي "
نظر لعيناها " طب كويس انك عارفة كتر خيرك "
" سامي انا مش عايزة اظلمك معايا..انا قولتلك هديك فرصة ومقدرتش احبك انا اسفة "
" ليه طيب؟..انا عملت ايه غلط؟ " تحدث بنبرة مختنقة وقلبه ينفطر من الألم
" معملتش حاجة يا سامي بس انت شخصيتك مختلفة عني وبصراحة أنا اكتشفت اني بحب هاني.." تحدثت بحرج ونظرت اليه لترى ردة فعله
" هاني!! " تحدث بصدمة شعر بالإهانة بشدة فهو لم يتوقع ذلك ابدا كان يعتقد بأنه هو الذي ربح الرهان وهو من سيفوز بقلبها ولكن يالا سخرية القدر انقلبت الموازين لصالح الآخر الآن يخاف من شماتة هاني به اكثر من خوفه من تركها له
" الراجل الوحيد الي بحب قربه مني..لما ببقى معاه ببقى متطمنة اوي وقلبي بيدق بحب اتكلم معاه واشوفه بحس بشعور حلو اوي وانا معاه عشان كدة كل علاقاتي كانت فاشلة كانت بتبوظ بسببه مكنتش بحس معاهم بمشاعر كانوا عادي جدا بالنسبالي مجرد تجربة ولما كنا بنسيب بعض مكنش بيفرق معايا.. انما فكرة انه ممكن يبعد عني في يوم عشان واحدة تانية كانت بتقتلني من جوا..افتكرت مواقف كتير اوي اكتشفت فيها اني بحبه من زمان بس كنت فاكراه تعود..انا اسفة يا سامي مقدرتش اعشمك بأمل كداب واكسر قلبك "
نظر اليها بكره وتحدث " يا شيخة جتك وجع في قلبك!!..يارب قلبك ده يوجعك لغاية ما تموتي من التعب اه يا فرح انا بتمنى انك تموتي!!..ليه يا شيخة ليه!؟..وتعرفي بقى انا يا ستي الي قصدت اخليكي تتعبي يوم الخروجة عشان اقرص ودانك " تحدث بانفعال
" انت بتدعي عليا يا سامي!! " تحدثت بصدمة وتسارعت دقات قلبها
" اه يا فرح جتك وجع في قلبك اما ياخدك من على وش الدنيا يا فرح!! " تحدث بغل ثم تابع " استحملت اسلوبك الي زي الزفت وطريقتك القذرة المستفزة عنطزتك وغرورك وقرفك ودلعك المرق وكل حاجة مستفزة كنتي بتعمليها وده جزاتي في الآخر!..حطيت في بقي جزمة ودلعت وخرجت وجبت هدايا وفسحت واتنيلت!!..ويبقى ده جزائي!..عملت ايه انا اقل منه عشان استاهل ده منك ها!؟ " تحدث بصراخ اما هى فكان جسدها يرتجف بقوة وتبكي من الصدمة
" ما تنطقي!! " تحدث بانفعال وهو يحاوطها بذراعيه وتلتصق هى بالحائط ضرب الحائط بقبضته وهو يصرخ بوجهها ويكاد قلبها ينفجر من الخوف شعرت بألم طفيف يجتاح صدرها
" اه حرام عليك قلبي وجعني "
صفعها على وجهها بقوة " يارب تموتي يا شيخة!..تعرفي يا فرح انتِ كنتي رهان بالنسبالي كنت عايز اكسر غرورك احببك فيا وبعدين اسيبك عشان اعرفك انك تقدري تحبيني عادي وكنت عايز اوري الي اسمه هاني مكانته الحقيقية..بس للأسف حبيتك يا قذرة "
أنت تقرأ
Heartattack
De Todoهناك أشياء قد تبدو بسيطة وعابرة لمانحها لكنها تظل كوشم محفور في قلب من تلقاها.
