ذهب ليزور قبر زوجته جلس على الأرض ووضع يده على القبر بعدما انتهى من تلاوة القرآن
" عاملة ايه يا حبيبتي وحشتيني اوي..فرح كبرت وبقت عروسة اخدت موهبة الرسم منك وطورت من نفسها لغاية ما بقت اصغر مصممة ازياء وكله بيطلبها..بنتك قوية وجميلة زيك اخدت لون عيونك ولون شعري انا " ضحك ثم تابع " بتحبك وبتدعيلك كل يوم ولازم تسلم على صورتك لما تصحى وقبل ما تمشي ولما ترجع وقبل ما تنام كأنك معانا في البيت على طول..عمر سيرتك ما غابت عن البيت يوم واحد عشان كدة فرح متعلقة بيكي اوي حتى وانتِ مش موجودة..انا عملت بوصيتك كبرتها واهتميت بيها وعمرها ما احتاجت لحد بسبب اني معاها بعمل كل ادوار الناس في حياتها عشان متتحوجش للغريب ابدا..بس يا آلاء انا خايف يجي اليوم الي اجيلك فيه واسيب فرح خايف تتعب اوي يا آلاء انا حاسس ان اليوم ده قرب انا عرفت ان عندي سرطان القولون وفي مرحلة متأخرة مش هقدر اعرفها عشان متتعبش بحاول اخبي ألمي عنها وعايش على المسكنات الدكتور عموما قالي ان مفيش أمل فا هعيش عليهم لغاية ما ربنا يكتبلي اني اموت بس خايف اسيب فرح لوحدها..نغسي اتطمن عليها مع واحد يصونها قبل ما اموت عشان متبقاش لوحدها في الدنيا " تنهد بحزن وادمعت عيناه " يلا انا لازم اروح بقى زمانها راجعة من البيت دلوقتي " نظر لهاتفه وابتسم " اهى بتتصل بيا"
" ايوا يا فرح "
" ايوا يا حبيبي انت فين؟ "
" انا عند قبر مامتك بزورها "
" كدة يا بابا تروح من غيري..بس بصراحة انا روحت امبارح بردو " ضحكت
" طب اهو مخونتكيش يعني..مشيتي من الشغل؟ "
" مشيت وجبتلنا اكل من برة كمان ومتقلقش قبل ما تهزقني الاكل مفيهوش دهون ولا حاجة توجع القلب..هاجي اخدك ونروح مع بعض "
" ماشي يا حبيبتي "
ذهبت واخذته للسيارة شعر بالتعب قليلا وانتفخت بطنه حاول اخفاء المه عن ابنته
" فرح هاتي ماية " تحدث بألم وهو يمسك بالكرسي
" انت كويس يا بابا؟ "
" القولون شادد عليا بس عادي " ابتسم بتعب وامسك بالمسكن الخاص به وتناوله ولكنه لم يتحمل التعب وصرخ بألم
" بابا انت كويس!! " تحدثت بفزع
" خديني على المستشفى بسرعة "
ذهبت به سريعا ونقل على الجرار وجلست هى في خوف لا تستطيع فهم ما يحدث حاولت تهدأة نفسها فيجب عليها ان تكون بصحة جيدة من اجل الاعتناء بوالدها
" يا دكتور..لو سمحت متعرفش بنتي حاجة "
" لازم تعرف يا استاذ اسماعيل "
" لو سمحت متعرفهاش انا بنتي عندها ثقب في القلب لو عرفت ممكن تموت "
تنهد الطبيب " حاضر عن اذنك "
أنت تقرأ
Heartattack
Acakهناك أشياء قد تبدو بسيطة وعابرة لمانحها لكنها تظل كوشم محفور في قلب من تلقاها.
