الحياه لست دوماً كما نريد

البارت الثامن عشر > ❤️

عند العيال بالمقبره وعيال ابو محمد حول ابوهم
صلو عليه ودفنوه وارجعو البيت بدو العيال يقهونو وتعشو ويشلونون ويحطون ويستقبلون الناس

بدا يخفون الحريم ويروحون
عند نوره الي بعد مابدى يفصى مجلس الحريم راحت  تبي توجب اميره  وتواسيها بحكم انه زحمه وناس كثير ومالقت فرصه ولهت بالعزا ويا البنات وجمانه يشلون ويحطون

عند نوره راحت تسلم على اميره وتحاول تواسيها
نوره سلمت على اميره نوره بضيق نوره: عظم الله اجرتس ويجبر بقلبتس
اميره طالعت نوره اميره بصراخ : انقلعي مني مو ناقصني الا انتي

نوره توسعت ودمعت واخذت جلالها وراحت للحوش ركض  

ام محمد مارضت على بنتها وراحت يم اميره ام محمد: الشهره على الي يعزيتس وييوجبس مااقول الا الله يعينتس على نفستس وراحت ورا نوره

ريم وريما يتساسورن بصوت قصير
ريما :  الشهره على البنت المسكينه وجع يا ذا الاميره يعع تغثث مادري كيف بتحملها ثلاث ايامم بس وربي تستاهل الي جاها ام محمد اخخ بردتت كبدي
ريم: عاد كسرت خاطري نوره واضح حليله ماتستاهل
ريما :اي والله مدري كيف متحملتها جمانه الله يعين جمانه عليها
ريم قبصت كتف ريما ريم : خلاص استكني لاننفضح بعزا حنا
ريما:طيب طيب بسكت كملي جميلتس وسولفي معي ولا دايم تسكتيني

جمانه الي حزنت على نوره وعصبت تصرف اميره مع نوره وتعاملها معها وحتى تعاملها مع ابو محمد جمانه استوعبت تصرفات اميره الي مو صايره تطيقها واميره كل مالها تزيد

بعصبيه جمانه: انتي وش بلاتس على البنت والبنت تعزيتس وتواسيتس تقومين تفلشنها وتحرجينها وش سوت لتس  الشهره عليها جايه تعزيتس

اميره بغصب اميره: مو جايه تواسيني جايه تتمشت فيني عشان مابقى لي احد
جمانه: لا انتي الظاهر مو طبيعيه الظاهر عقلتس ضرب
اميره لفت على جمانه  بعصبه ومن متى طلع لتس لسان
جمانه :  مارديت على اميره
البنات بالمطبخ يشتغلون ويتعانون
جمانه ادخلت عليهم وراحت تكمل وتشتغل معهم بحكم انها كانت عند اميره تهديها وتكون معها لين نامت بعدها راحت للبنات جمانه: وش تسون
ريما: شوفت عينس نكرف للحين ماخلصنا
نوره: ياربي المواعين كل شوي تزيد
ريما: بذي صدقتي يالله انشاءالله نخلص
ريم : اخبار اميره انشاءالله هدت ونامت
جمانه بضيق : اي احسن قعدن معها لين نامت وجيتكم
نوره: الحمدالله
ريما:جوجو بتنامين معانا اليوم
جمانه: ايوه جبت فراشي بنام معكم الا سمعت انكم بتروحون الديره
ريم: اي عاد تعودت على القريه واجواها ماودي  اروح لديره
نوره بفرح انه بيكون متعب قريب منها: بتنور الديره والله
ريم : قبليي والله بوجودكم
جمانه: يوه بفقدكم
ريما:يمه منتس يومنا عندتس مانشوفتس الا بالسنه مره
جمانه ابتسمت بضيق جمانه: الحين غير وابشرتس بنشب لكم كل شوي بالديره انتو نوره ولا ماتبوني بعد
ريم:  لالا حياتس الله
نوره:  لا والله بتنور الديره يبعد الدنيا انتي
ريما: والله يانتس احلى نشبه
الكل:ههههه
خلصو شغلهم بالمطبخ واراحو لفرشهم
ريما: بنات جويعه
جمانه: انا ميته جوع
نوره: حتى انا
جمانه: وش رايكم نسوي لنا شيء نعلف
ريما: بس وش نعلف
جمانه: شرايكم نزبط لنا شاهي في فطاير جاهزه موجوده بالثلاجه نصخنها ونجيبها
الكل :يلا
راحو للمطبخ  بدو يزبطون لهم شاهي وصخنو الفطاير وكل وحده شايله شيء وراحو لصاله
وبدو يسلفون واخذت سوالف لحد ماجاهم نوم
نوره: خلاص ماعاد اشوف
جمانه:تصبحون على خير
الكل: وانتو من اهله
عند الشباب بعد مافضو الرجال وشلو ورتبو المكان والشيبان راحو ينامون  والشباب اطلعو برا بالحاره وكلهم حول الباب ماعاده محمد بعيد عنهم شوي ولحاله
متعب : يعيال رجلي ماعاد احس فيها
تركي: غير ايدي حمرا
صالح: احس ظهري عليه حصا
قطع حديثهم احمد وجوعه
احمد : جويع ياعيال وش رايكم نروح البقاله ومنها نأكل ومنها نغير جو شوي من جو العزا
صالح: حتى انا
تركي : ضحك الظاهر انت وصويلح بطونكم فيها دود توكم متعشين الساعه ٧
الكل: هههههه
مسفر: غير انتو صاحين الساعه ٩وين نروح البقاله بذا الليل
صالح:  معيله خلنا نروح نغير جو البقاله تسكر١٠ ونص
مسفر : كيفكم
متعب دز كتف احمدمتعب: وش فيه محمد مو عاجبني ماغير لحاله
احمد: غير مدري وش فيه اليوم ضحكت معه شوي ونفس علي
متعب: الله يستر ليكون عشاق
احمدضحك احمد: مالقيت الا محمد وجهه مو وجهه حب قول انا معليه بس مادري وش قومه
متعب: غير اني لاحظته اليوم ماغير عينه على عمي مشعل وابو تركي اتوقع  عمي مشعل قايله شيء
احمد: لاماتتوقع ابوي مايقول شيء ودي احاكيه غير بينفس علي متى ماحس نفسه طيب بجي يقولي عطه ثلاث اربع ايام وبجيي اعرفه مايخش علي
متعب :  زين بروح احاكيه يروح معنا ويغير جو وراح
احمد: يلا
متعب: ي ولد تعال روح معنى غير جو
محمد :مالي خلق ي ولد
متعب: ترى رجلي على رجلك ان رحت رحت معك وان قعدت بقعد معك
محمد : يلا مشينا
راحول البقاله وارجعو وجهزو فرشهم جنب بعض وقعد يسولفون لين ما غفت عيونهم

مرت ثلاث ايام العزا والكل راح بيته الاابو محمد قعد لوحده عشان شغله بالديره
في الديره
بالصدفه بيت ابو متعب قدام بيت ابو محمد  طبعا يافرحة متعب وهو كل كاله يقرب اكثر واكثر من نوره  ويافرحة  ريما وريم واخيراً بيتهم عند بيت نوره يافرحتهم عشان يسولفون مع نوره  نزلو بدو ينزلن عفشهم واغراضهم واول مانزلو الا شيبان الديره وعيالها يرحبون بمتعب وابوه بحكم انهم يعرفون ابو متعب كثير ورحبو ويعزمون ويحلفون عليهم بكرامه وراحو

نوره الي كانت بالبيت لحالها وخلصت شغلها و اطفشت ابوها بالقريه واخوانها بمزرعة ابو تركي امها عند حريم الديره ف فقررت تاخذ كوب شاهي وتطلع بالحوش تغير جو بما ان الجو يجنن
واول ماطلعت سمعت صوت ضجه وناس كثير يرحبون ومن بينهم اسمعت صوت متعب  ابتسمت ونزلت كوب الشاهي واخذت جلالها وراحت ركض لسطح تبي تطل وتشوف متعب و لفت جلاهلها وماخلت الا عيونها باينه وجدبت شيء تركب عليه عشان تقدر تطل على الشارع وطلت وابتسمت لاشعورياً بعد ماشافت متعب  وعيونها على متعب ماشلتها وهو حايسه  نوره بقلبها : حتى وهو حايس مزيون

متعب كان مشتط ومعصب ومكشر وهو ينزل العفش  ويدع مليانه عفش متعب الي متشفق على شوف نوره رفع راسه لسطح  عل وعسى يلمح نوره الا لمح عيون نوره

متعب ابتسم بعد ماطاحت عينه بعين نوره اختفت كل العصبيه وكل الي بيده طاح على الاراض متعب بقلبه: ياويل قلبي ذي نظره ولا علاج لقلبي
ابو متعب طلع على صوت الاغراض الي طاحت ابو متعب طلع معصب : متعب وجع ولد الاغراض مانت بصاحي وش مسرح بك

نوره اضحكت على فهاوه متعب  وكيف مسرح عليها حتى طيح كل الي بيده نوره بعدين استوعبت انه ابو متعب طلع وتنزل راسها  بسرعه وتضحك وهي تسمع ابو متعب يهزء متعب على فهاوته

متعب لف بخرشه وبفهاوه: ها وش
ابو متعب : وجعهاه زين  طيحت الاغراض  وش تطالع فوق  وطالع بسطح ابو محمد
متعب بتوتر :ها اي اي كان هنا  في حمامه شكلها  حمامة  بر زين ما يشويها  بس قد راحت علي
ابو متعب الي مو مصدق ابو متعب: اجل حمامه ها زين شل الاغراض لاتطيح مره ثانيه لاتجي حمامه ثانيه وتطيح الاغراض
متعب بصوت قصير ياجلها تطل
ابو متعب : وشش قلت
متعب :  اقول ابشر بنتبه للأغراض
ابو متعب: لاتطبي  اخلص نزل العفش الباقي
متعب: ابشر
ورجعت طالع السطح مالقى نوره وابتسمت وبدا يدخل الاغراض
نوره الي سمعت كل السوالف
نوره اضحكت  انزلت للحوش