عند شقه ابو محمد بكرا نفس كل يوم افطر ابو محمد وبعد مافطر وخلص راح اخذ اغراضه
ويتجهز اواخذ اوراقه وكل شيء وطلع من الصباح ويدور وظيفه والي هو مانع عياله يدورن وظايف بحكم انهم يساعدون امهم وبحكم انه ماهو عمر لواحد يتوظف
ام محمد وهي تصحي احمد ومحمد ونوره تساعد امها في شغل البيت اما احمد ومحمد شغلتهم يودون طلبات امهم ويأخذون طلبات زياده عشاني يساعدون امهم ويودنها لها عشان تستمر بمشروعها وتخيط وام محمد هاويه للخياطه
ام محمد : قومو قامت عليكم الجنون. والعارفيت قومو ووجع
احمد محمد فزو ونوره فزت
احمد : طيب بنصحى
محمد: انشاءالله
ونوره : فزت مرعوبه اول وحده وكانت تمشي وعيونها فيها نوم وتتعثر برجول احمد
أحمد : بضحك وجععع رجولي
كلهم ههههههههههه
ام محمد: عمياء عزالله ماتشوف وانتو مصختوها قومو تأخرتو على الزباين
كلهم طيب طيب وقامو ههههههههههه
وقامو وكل واحد راح
نوره وهي في المطبخ تغسل المواعين وتغني
(انا لحبيبي وحبيبي ألي
ياعصفوره بيضى لا بأ تسألي)
واحمد ومحمد يطالعونها وهي تغني وقالو خلينا نطقطق قبل نطلع
محمد بصوت خفيف :بضحك يازين من يخرشها
أحمد: ابد غالي والطلب رخيص شوف انت بس
يجي احمد من وراها
ويضرب ظهرها بوو
نوره:صرخت بخوف ورمت الصحن الي في يدها
محمد: من بعيد كفو يالمحزم وضحك هههههههه
احمد: كفوك ضحك هههههههه
نوره : لفت بصدمه ومرعوبه وتطالعهم وعيونها مغورقه دموع وقالت ليه تسون كذا
محمد:بضحك ياليل بكت بكت وهو ويقلد نبرة صوتها ليه تسون كذا
احمد: بضحك خلاص انا اسف يادلولعه ماهقيتس بتخافين بس محمد هو الي حرشني
الا يسمعون صوت امهم من بعيد وهي تصفق بالصلاه
نوره: وهي تبكي وجع وش فايدة الاسف الحين امي تصلي سمعت صوت المواعين بتكسر راسي وبتضربين وانت السبب
محمد: ذي التصفيقه ماتطمن والله تغسل شراعنا انا ماعرفكم كله منك يا احمدوه
احمد: مشاءالله اشوف تبريت مني انتي الي معززني ومحرشني ياليل الحين وش السواه صدق
ام محمد : وهي بجلال الصلاه وبيدها الشبشب وجع وجع شو كسرتو الله يكسر راسكم انتو مجانين انهبلتو انتو بتجبون لي الضغط وللحين مارحتو تودون اغراض الزباين حسبي على بليسكم جننتوني وتلحقهم بالشبشب لين طلعو
ورجعت لنوره وانتي مانتي بصاحيه اليوم
نوره : عيونها مليانه دموع يمه لاتضربيني والله هم اخرشوني ومن خوفي رمين الصحن اسفه يمه مو قصدي
الا ام محمد لفت عليها وهي تشرح الا تنتبه لصبعها المجروح الي محد حس ولا شافه الا امها
ام محمد: اشوف ايدس هاتيها الله يصلحس ماتشوفين خافت عليها عشان نوره مريضة سكر مو زين لها الجروح
نوره: برعب بعد يوم شافت الدم بكت زياده يما كيف ماحسيت بصبعي
ام محمد : معليه مريض السكر مايحس يا بنتي لاتخافين خفيفه امشي خليني احط عليها مسحه ولصقة جروح الله يصلح اخوانس انا اوريس فيهم لرجعو
نوره: لا يما لاتقولين لهم شيء يكفي الضرب الي جاهم سامحيهم عشان خاطري
ام محمد : عشانس ي بنتي يلا امشي خليني اشوف اصبعس وخلي المواعين لاجاو الكلاب يغسلونها بعاقبهم على الاقل مراح اضربهم
نوره: بضحك ايوه احسن خليهم هههه يحسون فيني شوي
عند محمد وأحمد الي يوصلون الطلبات بالحاره
محمد: كل ساعه يضحك على نوره ويقلد نبرتها
أحمد: بضحك والله اكسرت خاطري طلعنا وخلينها الله يستر لا امي تجلدها وقتها وش يسكتها بتبكي لين بكرا
عند ابو محمد
الي بعد مافقد امله بعد اربع اماكن للوظايف ويرفضوون وصار الظهر وللحين مالقى وظيفه وهو من صبح طالع
فجاءه لقى محل رخام بالزاويه بعيد اخر القريه الي عايشش فيها
ابو محمد :دخل السلام عليكم وين المدير هنا ابي اكلمه
الكل: وعليكم السلام داخل بس انتظر نتصل عليه ونقول واتصل عليها
المدير: الو
الموظف: في واحد غريب اول مره يجي قال انه يبي يكلمك اخليه يدخل
المدير: اي خله يتفضل
الموظف تفضل معي هنا
ودخل على المدير
المدير : للموظف اطلع وقفل الباب
ابو محمد: السلام عليكم ممكن اخذ من وقتك شوي
المدير: تفضل مرحبا تامرني بشيء قالو لي بغيتني والي تامر فيه انشاءالله اني اقدر عليه بس وش تبي اطلب لك قهوه شاهي عصير ماي
ابو محمد: والله مابقى الا سلامتك البقى انا رجال وعندي عيال وبنت. وزوجه وعايش بشقه اجار
وتعبت وانا ادور وظيفه وماعندي شيء اصرف عليهم ومحتاج للوظيفه وللحين مو مستقر في بيت الا شقه واجار والي تامر فيه بسوي اتمنى انك ماترفضني من صبح الله وانا ادرر ويرفضوون انا رجال داخل على الله ثم عليك ويعلم الله اني اعرف افهم الشغل على طول
المدير : على راحتك بس مايصير تجي اول مره وتروح بدون ماتشرب شيء تأثر بقصته وتعاطف معه ابشر تم من بكرتبدأ تتوظف كاتجربه نختبرك فيها وبعدها بوظفك رسمي انشاءالله انك قدها ويخلي لك عيالك انشاءالله
ابو محمد: معليه والله نعوضها مره ثانيه اي قدها انشاءالله بفرح والله صدق تقوله صادق
المدير: ابتسم اي اقوله صادق وانت تستاهل واضح انك انسان طيب
ابو محمد: الله يجزاك خير ماتقصر ورايتك بيضى ويشرفني اني اشتغل عندك
المدير : الاسم الكريم ماعرفتي عليك وترى مااحتاج منك لا شهاده ولا شيء ولاتعطيني شيء
ابو محمد: معك مشعل وعايش اول القريه وش تامرني فيه يا ستاذ بعد اناحاضر
المدير: اولا لاتقول لي استاذ قل ابوعلي مابيننا وسلم عليه قال تقدر تروح وبكرا تجي الدوام ٨:٠٠ وياليت لو ماتأخر لانه اول دوام لك بكرا بختبرك بعدها بوظفك رسمي وتقدر تروح ترتاح وتتجهز لبكرا
ابو محمد: مشكور الله يجزاك خير ويخلي لك علي انشاءالله
ابو علي : ضحك ماعندي ولد بنت
ابو محمد: بحراج اعذرني والله ماكنت اعرف
ابو علي: ضحك معليه ماكنت تدري معذور شفت اسمي ابوعلي جاء في بالك عندي ولد معليه حصل خير بس اني معروف هنا ابو علي عشان الوالد اسمع علي
ابو محمد: ببتسامه يالله استأذن
ابو علي: ابتسم اذنك معك لاتنسى
وطلع ابو محمد وهو ومن الفرحه مو قادر يوقف. وسجد سجود شكر والي في الحاره والمحلات يطالعونه مستغربين ليه هالفرحه وهالسجود
وراح يركض يبي يبشرام محمد وعياله وبنته
أنت تقرأ
الحياه لست دوماً كما نريد
Humorالقصه جداً مسليه والقصه من وحي الخيال لكن فيها واقعيه ومليئه بالأحداث والأكشن والضحك والحب والقصه من كتابتي والقصه وتتكلم عن كيف الحياه البسيطه وكل صبر بعده راح يجي فرج واتمنى تنال اعجابكم ولا احلل اخذ كتابتي ❤️ ✍🏻: ريف محمد
