الحياه لست دوماً كما نريد

البارت الثاني عشر >❤️

عند متعب الي  متحمس الابتسامه على وجهه مو راضيه تفارقه ترك كل الي في يده وشنطته وقعدت يفكر بينه بين نفسه
متعب: ولد وش فيك وش في نوره زود يوم انك طاير فيها وش الي خلاها تنسيك هيفاء والي ولابحياتك تحركت مشاعرك بعدين وش هالفرحه لا يكون حبيتها ان....
انقطع سرحانه وانخرش بدخول اخته ريما طبعا دخولها  كان قوي متعب نقز من الخرشه متعب الي اول ماشاف ريما ابتسم: بضحك خير نشاءالله وش ذا الدفاشه انتي متاكده انتس بنت وتؤام ريم  رفع يده سبحان  الله كيف صرتو تؤام
ريما : وش فيها عني زود ورفعت شعرها لورا بعبط انا الملح والقبله
ريما حطت يدها على خصرها : ها ها ها خير انشاءالله وين بتهيت وين رايح من ورانا
متعب: يالله منتس يا ذا الملسونه خير انشاءالله بروح مع عيال ابو محمد
ريما بضحك: في واحد منهم مزيون اتزوجه
متعب بضحك : وجع يالملسونه والله ماخليتس والله لمصع اذانيتس يالي ماتستحين
وراح ركض وراها
وريما راحت لريم تستفزع فيها 
وريم الي عايشه جوها كالعاده  تغني بالمطبخ وتعزل المواعين 
ريما: وهي تضحك بصوت عالي ياخي امزح والله ريممم افزعي لي تكفين
ريم : بضحك وش سويتي يالملوسنه مشاكلتس ماتخلص
ريما: والله ماسويت شيء بس قلت عيال محمد في منهم مزيون
ريم الي شقت ريم : يالبازع ابشر بعطيك بيدي ورها الشغل  يابنت اثقلي ولا انتي بصوب  والثقل بصوب كيف بتعرسين
متعب : صدقتي ريموه عزتي الي بياخذها
ريما:ريموه وجع ابيتس عون صرتي فروعون اروح انام احسن  وراحت
متعب سحبها : اصبري يعنني زعلانه بقولتس شيء  حبايب قلبي وش تبون اجيب لكم معي من الديره وانا راجع بسرعه تأخرت على عيال ابو محمد
ريم : استودعتك الله مابي الا سلامتك  وبعدين وش المناسبه
متعب: الله يسلمتس لا بس حالفين علي بعشاء
ريما:  انا ابي جيب لي من بقاله الديره لها طعم ثاني تكفى
متعب بضحك : مع انتس ماتستاهلين ي الملوسنه بس يلا
ريما: كم بتقعد؟
متعب : ملقوفه مدري والله بس اكثر من يوم
ريما: ابتسم ي حيوان بفقدك هالايام ماعندي من احارشه
متعب : بضحك ماتفقدين غالي ابدا مابطول وبرجع انشب لتس
ريم : تعوب بحفط الله تحتاج شيء ناقصك شيء تبي اجهز باقي اغراضك
متعب: ابد استريحي جهزت اغرضتي وباقي لي شوية اغراض وانتبهو لنفسكم ولامي وابوي
ريم : ابشر
متعب : تبشرين بالجنه
ريما: لاتنسى الي وصيتك
متعب: ضحك مابنسى يلا فمان الله
الكل : فمان الله
متعب :الي راح يكمل اغراض وتجهيزات ولازال يكفر بينه وبين نفسه ياترى حبيتها وانا مادري  ي ولد لاتوسوس هذا اعجاب وقف تفكير وكمل يجهز اغراضه
جهز اغراضه وهو طالع حصل ابوه وامه بالصاله يسولفون
متعب: السلام
الكل : عليكم السلام
ام متعب: ي وليدي وينك رايح
ابو متعب : عسى مافيك شيء
متعب ابتسم : لا مافي الا كل خير ابو محمد ساكن له بيت جديد بالديره وعياله احلفو اني اروح معهم وبعد بعاونهم بنقل عفشهم ربعن تعاونو ماذلو
ابو متعب الي يطالع متعب بكل حب وفخر بفعايل ولده ابو متعب : روح الله يسهل امورك استودعك الله
ام متعب ابتسمت: بضيق لاتبطي علينا البيت بدونك ماله طعم وانتبه لطريقك وسلم لي على خالتك ام محمد وقالها عادي بجيها
متعب: جعلني مافقدتس يا حلوة اللبن ابشري وحضنها ولاتكدرين خاطرتس كم يوم برجع بضحك بس شوي ابي اتغلى عليكم شوي وحب راس ابوه فمان الله
الكل : مع السلامه
متعب ركب السياره لمن ركب ولف وراء بيحط شنطته الا شاف الفطور ولمسه متعب: اشوه عاد حار خليني الحق عليهم عطيهم لقمه الفطور عن خبز من الخباز وفول وعدس
وشغل المسجل وحط  اغنيت طلال مداح مري بي  وعلى على صوت وهو يطالع نفسه بالمراية السياره ويبتسم تذكر ملامح نوره
................
يا صلاتي على النبي
ما رأت عيني ولا فـبالي خطر
مثل هذا الحسن في شتى الصور
روعة الاتقان في خلق البشر
...........
عند بيت ابو علي الي قعاد يفطر على الفرشه سفرت الاكل مليانه اكل
ابو علي : ماري وين اميره اليوم ماشفتها  والكل ذا كله من يأكل انا بس
ماري بابا ماما اميره من امس مايبي شيء حتى اكل مايبي ياكل بالغرفه
ابو علي بصراخ : خوش بنات اخر زمن قولي لها  اني ابيها ضروري قولي ابيها الحين ولو ماجاءت راح اتفاهم معها تفاهم ثاني بسرعه
ماري : نزلت راسها بشارت حاضر
اميره جاءت ونفسها فوق خشمها بدون نفس اميره: هلا
ابو علي : اقعدي
اميره : ليه
ابو علي بصراخ : انا وش قلتتتتت
اميره بخوف وعيونها مليانه دموع واجلست :طيب  يبه انا انا اسفه مو قصدي سامحني اعتذر اوعدك مراح افشلك  والي تبيه بسويه بس لاتعصب علي وتصارخ ماتعودت عليك كذا
ابو علي الي حز بقلبه وحس انه قسى عليها وحس انه بدا يضعف وقال في قلبه القوهه لابارك الله بالضعف يالمهنى انت تبي مصلحتها ماتظمن انت تعيش بكرا ولا ابو علي :
الي اقولتس عليه الحين تنفذينه من ألى اذا تبين رضاي
اميره: طيب
ابو علي: اسمعي مابي اسمع كلمة لا  اليوم  على العشاء بروح اجيب الشيخ يملكتس على ابو محمد و......
قعطت كلامه
اميره وعيونها مليانه دموع وفي نظرتها صدمه قويه من ابوها : يبا قول انك تمزحح يبا تبي تزوجني واحد كبركك يبا ترى بتظلمني كثير ولا بعد عنده عيال وبنت يباا لاتظلمني ولاتظلم الرجال معي يبا وش قا......
قطعت كلامها ابو علي
ابو علي ماعاد صار يشوف قام بيضربها تراجع نزل يده : بعد تقاطعني وترفضين كلمتي لا انا الظاهر دلعتس واجدددد انتهى الكلام اليوم بملكتس وبعده العرس ولو اسمعتس تقولين لا لاني ابوتس ولا اعرفتس وحتى في عزاي لاتجينه فهمتيييي والبيت مالتس رجعه له وجهزي عمرتس من الحين والي يرفض كلمتي لااعرفه ولايعرفني
اميره هي تبكي: يبا ليه تراجعت كان ضربتت يما ترى تظلمني ان..
ابو علي بغضب:  واصصصص انتهى الكلام
اميره الي تطالع ابوها بخذل وخيبهه اميره:تراك زفيتي لقبري يايبا
وتركت ابوها وكل شيء وراحت لغرفتها وعيونها مليانه دموع
ابوعلي الي الارض مو قادره تشيله ومتضايق حيل  وحاز بخاطره من كلمة نوره الاخيره وعلى إجبار نوره على ابو محمد ابو علي بصوت قصير : سامحوني والله مجبور يا اميره مجبور ي عيون ابوتس بس يابنيتي مابيدي حلل مادري انا اعيش ولا اموتتت ماني ضامن كيف حياتس بعدي بس لاكبرتي بتعرفين اني مجبور مردتس بتعرفين سببب اصراري سامحنيي ياميره
عند بيت ابو محمد
الكل محتاس ويجهز على مايلحقون يشلون العفش كله واغلب العفش في سيارة نقل
متعب الي نزل من السياره وبيده الفطور حطه على كبوت السياره وقعد يرتب نفسه وهو يناظر من شباك السياره
...
وهو يرتب على السريع شكله قاعد يغني بصوته وما رأت عيني ولا فـبالي خطر
...
نوره: ياربي احس تعبت ابي اجلس
احمد الي من سمع نوره ترك كل شيء: تحسين بشيء فيتس شيء ؟
نوره :لالا بس جوعانه ماقدرت ابلع اكل المستشفى ماينبلع
احمد راح ركض ولاف يكلمهم احمد: كملو شلو العفش بروح اجيب لنا شيء ناكله من البقاله فطاير واشياء خفيفه وطلع ركض بدون مايطالع قدامه
وعند متعب بعد ماخلص من ترتيب نفسه
اخذ الفطور وراح يمشي ويردد كلمات الاغنيه وهو متوجه لبيت ابو محمد ولاف ورا يطالع شكله من الشباك ويمشي
الا فجاءه متعب واحمد يتصامون انكب من الفول على ثوب متعب بحكم انه متعب اطول من احمد بس كانت خفيفه لانه الفطور دافي
متعب الي ترك الفطور على الارض  :  ياهو ثوبي توني لابسه وياخذ منديل من جيبه ويبدا ينظف ثوبه 
بعدها كل واحد ناظر الثاني
احمد طالع متعب احمد : انت جاك شيء
متعب بغضب: ماتشوف ولازال ينظف ثوبه
بعدها ناظر متعب اول ماطاحت عينه على احمد
متعب شعوريا ضحك بعد ماشاف وجه  احمد وهو منخرش متعب : لا ماجاني شيء ولا وش فيك طالع كذا مستعجل تبي شيء فيكم شيء
احمد  ضحك بعد ماعرف انه متعب ماجاءه شيء وكانت خفيفه متعب: لاماابه شيء بس رايح اجبيب فطور 
متعب: هذا فطوركم جاهز نسيته بالسياره  وبالعافيه وسمحو لي على القصور وراح
احمد الي اخذ الفطور مسك متعب على يده  احمد :تعال وين رايح افطر معنا
متعب شوفة عينك بروح اغير ثوبي كله فول من واحد الله يتسر علينا وعليه وضحك
احمد: يارجال والله ماتروح تعال افطر  بعدها لاحق على ثوبك
متعب : طيب
احمد: اصبر امسك الفطور شوي بجيب الفرشه وانادي ابوي ومحمد ونفطر سوا
متعب: يلا بس قبل اخذ هذا للحريم
احمد: طيب واخذ وراح
ومتوجه لأم محمد ونوره وعطاهم الفطورواخذ الفرشه قبل لايطلع
محمد: مداك تجيب الفطور  والفرشه وش تبي فيها
احمد: واناطالع لقيت بوجهي متعب سابقني ومعطيني الله يكثر خيره وحلفت عليه يفطر معنا
محمد: زين سويت مدري يا ذا الرجال كيف نرد له الجميل
ابو محمد: عزالله دايم مايقصر
ام محمد: والله ذا الولد اني اعده كانه  ولدي ماقصرو هو وامه يلا يالنوري خلينا نفطر ماكليتي شيء من اليوم
احمد: يلا الرجال ينتظر برا
ابومحمد ومحمد : يلا والكل طلع
فرش الفرشه احمد بيد محمد السفره وحطو الفطور ودلة الشاهي جلسو يفطورن  ويسوالف الا ركان وابو راكان نازلين فوق بيتجهزىن لصلاة الظهر
ابو راكان : السلام
الكل: وعليكم السلام
ابو محمد: تعالو افطور باقي ربع ساعه على الاذان تعالو شاركونا
ابو راكان : مالي به ي رجال
ابو محمد : ي رجال حلفت تجي تشاركنا
ابو راكان: تم
وراح لهم 
متعب: الي قام وسلم عليهم يرحب بهم ويامرحبا الله يحيهم وكأنه يعرفه من زمان
ابو محمد الي مبتسم من فعايل متعب ومتعجب من ترحيب متعب لابو راكان
راكان: الله يحيك
والكل جلس قعد يفطر واخذتهم السوالف والضحك  وقعدو يتعرفون على بعض
الا شوي ابو محمد يقوم   ويأخذ بيالة شاهي بينادي ابو راكان
ابو محمد: ي ابو راكان تعال خلينا نخلي الشباب مع بعض وخلينا نتمشى بالحاره
ابو راكان : ابشر قام ابو راكان وراح لابو محمد
ابو محمد:  اسمعني يا ابو راكان ابقولك شيء وذا الشيء بيني وبينك
ابو راكان : عساه خير وشهو عسى مافيك حاجه
ابو محمد: مافيه الا كل خير انشاءالله اسمعني