عند ابو محمد الي كان بالمحل وكان جداً مجتهد بشغله وحريص انه يكون يهتم بشغل ويتقنه
ابوعلي كان عينه على ابو محمد ويراقب شغله وكان جداً متعجب من ابو محمد كيف يتفاهم مع العمال ومن اول يوم وكان يشتغل مع العمال ويساعدهم وزملاء شغله وكيف اسلوبه حلومع الكل ولادخل ضيف من ضيوف ابو علي يرحب فيه ويجهز القهوه متقن شغله ومهتم وحريص جداً ابو علي : يا مشعل تعال ابيك
ابو محمد: ترك شغله وراح لأبو علي يا ابو علي تحتاج شيء تامر بشيء
ابو علي : ابد سلامتك بس حبيت اطمنك انه تراك مقبول بالوظيفه ومن بكرا تداوم دام رسمي وصراحه انت رجال كفو وطيب ومتقن عملك والله يرحم من رباك واذا تبي شيء ولاتحتاج شيء قل لي ابشر به
ابو محمد: فرح كثيرر انه كيف انعجب فيه وباس راس ابو علي وقال مشكور بس ودي اطلب طلب صغير لو مافي مشكله انت تعرف ظروفي وشقتي صغيره واحتاج بيت والبيت يحتاج قرض وابي قرض عشان اخذ لي بيت في الديره واشوفه مناسب وماهو بعيد عن القريه وعندي ديون من ايجار شقتي ابي اسددها
ابو علي : تمام ابشر بالقرض وانت تستاهل بس بشرط
ابو محمد: قال انشاءالله اني اقدر على شرطك فرح كثير باس راسه وقال اجل استأذن بكمل شغلي
ابو علي : اذنك معك بس لاخلصت شغلك تعال لي ابي اشرب لي شيء معك اسولف معك بخصوص الشرط وابي اكلمك بموضوع
ابو محمد: استغرب قال ابشر وراح وهو يشتغل وهو تفكيره كله بالشرط و وش هالشرط
خلص الدوام وصار واذن الظهر والكل ترك الي بيده وراح يصلي
ابو علي قفل المحل وراح يصلي وهو يمشي للمسجد معه ابو محمد يمشي جنبه
ابو علي: مشغل بعد الصلاه غداك عندي حلفت ولاتردني وذبيحتك بتذبح اليوم
ابو محمد: بحراج ماله داع....
قطع كلامه ابو علي : وحط يده على كتفه ويخبط على خفيف وقال الا له داعي اول مره تدخل بيتي لازم اني اذبح لك خروف وترى وعيالك وزوجتك وبنتك معزومين وذا قل شيء اسويه لك وانت ماقصرت وهذا هو اول يوم تداوم ماقصرت معي بيض الله وجهك وكل ماجاني احد قدمت له القهوه ولاقصرت رغم انك مشغول
ابومحمد : بحراج والله حتى انت ماقصرت وهذا واجبي وهذا اقل شيء
وراحو ادخلو المسجد وصلو وخلصت صلاة الظهر والكل راح لبيته
ابو علي دخل البيت : اميره يا اميره
اميره: هلا يبا
ابوعلي : اموره ي حبيبتي اليوم بيجونا ضيوف واعزمي ا لجيران وجمانه وامها ولاتقصرين مع الضيوف ترى ابوهم ماقصرمعي
اميره: بعصبيه وملل اوففف طيب
ابو علي : وش بلاس انتي تأففين اسمعي الكلام زين لاتفضحيني فيهم وابيس تبيضين وجهي وترحبين فيهم
اميره: طيب طيب بروح للخدم يجهزون الاغراض وتتاديهم بصراخ سالي ماري
سالي ماري : نعم ماما
اميره: نظفو البيت ورتبوه وبخروه وسو قهوه وشاهي حلا بصراخ سمعتو ولا اعيد
كلهم: بخوف حاضر ماما وراحو يشفون شغله
ابو علي: يابنت وش فيس
اميره : ماعليك راحت تتصل على جمانه من تلفون البيت الثابت اتصلت على جمانه انتي تعالي انتي وامك بس الحين ابيك تجيني ظروري ابيك تسوين شعري وتحطين لي ميكب وشويات وبيجون الضيوف
جمانه: بخوف طيب بس تعرفين تزبطين عمرتس بعدين انا باقي ماجه...
اميره: اقعطت كلامها اي اعرف بس مالي نفس ابيك انتي اتسوينه وبعدين بصراخ قلت تعالي صح ولاتتأخرين ماعندك عذر ترى البيت ماهو بعيد قدام البيت
جمانه : بخوف طيب طيب بلبس عباتي واجيس
اميره: يلا قفلة بوجهها وراحت وهي تقول عن جمانه خدم اخر زمن ويتشروطون مايبون يجون ويبون يتجهزون
ابو علي راح لسواقهم الخاص واقاله يذبح الذبيحه وينظفها يطبخها ويجهزها ابوعلي : طيب ياهارون مابيه يخلص بعد ٢:٣
هارون: انشاءالله
ابو علي: دق الباب على ابو جمانه يعزمه وراح كمل ويعزم عيال الحاره والجيران
عند ابو محمد في الشقه ابو محمد: بصراخ ياوضضحى وينس
ام محمد:طلعت من غرفتها لبيه ي مشغل تامر بشييء ونزلت راسها بحراج اذا تبي الغدا ترى ماسويت اليوم اعذرني عشان النوري حاستنا مامداني
ابو محمد: معذوره زين انس مازينتي عازمنا مديري على غدا ذبيحه انا وانتو تجهزو بنروح بعد شوي بعدين بخوف ليه وش فيها النوري فيها شيء
ام محمد: الله يجزاه خير بس لاتخاف بس هبط السكرعندها وهي نايمه وماقصر راكان رجعها لوعيها
ابو محمد: تقولينه صادقه جعله يسلم مايقصر ذا الولد لاهو ولا ابوه والحين علومها انشاءالله مافيها شي ماهي تعبانه هي وينها الحين
ام محمد: بالمطبخ تغسل المطبخ
ابو محمد: وانتو صاحين تخلىنها تشتغل وهي تعبانه
ام محمد :قلت لها لا تشتغل لكنها اصرت تقول تمام مافيني شيء
ابو محمد: الله يهديها وين محمد وأحمد
ام محمد: اطلعو يصلون وقالو لاخلصو صلاه بيتمشون مع عيال الحاره شوي وبيرجعون
ابو محمد: يانوري تعالي
نوره : جايه من المطبخ ركض هلا يبا
ابو محمد : راح يحضنها اخبارس يالنوري انشاءالله انس احس اربس ماتحسين بشيءي حبيبتي
نوره: بأبتسامه ي حبيبي يا يبا مافيني شيء لاتخاف احسن
عند اميره وجمانه
اميره:نعم ي جمانه مابغيتي تجين مو انا قايله لاتتأخر ماتفهمين دفتها على الدرج اركبي وطاحت جمانه على اول عتبه لدرج امشي قدامي وشافتها تبكي وبالقوه تتحرك قومي ماتفهمين
جمانه: تبكي من ورجولها لان عورتها اميره رجولي تعوري قومييني شوي
اميره: مالي دخل خافت انه جمانه تعلم احد اوماعاد تقدر تمشي وهربت لغرفتها ونادت ماري تشوفها وتشلها وقالت لاتجيبها وديها بيتها
ماري: ماما جمانه انتي كويس
جمانه: وهي تبكي لالا مافيني سيء بس وديني فوق عند اميره
ماري :ماما اميره تقول مافي جيب جمانه ودي جمانه بيت حق هي
جمانه: بصدمه وفيها عيونها مليانا دموع خلاص وديني بيتنا
ماري : تمام ماما وراحت ودتها لبيتهم
جمانه: قعدت تبكي في الغرفه مصدومه من تصرف اميره
ام جمانه تسمع صوت جمانه وهي تبكي وراحت ام جمانه: جمانه وش فيس ي جمانه ليه تبكين ي بنيتي
جمانه: رجولي تعورني حيل طحت من درج بيت ابو علي
ام جمانه : اشوف رجولس يبتني رجولس منتفخه امشي اوديس الطبيب الشعبي
جمانه: لا يمه مافيها شيء بحط فكس واللبس شراب وبصير احسن
ام جمانه: يا بنتي الله يهديس خلي اوديس
جمانه : لالا مابي
ام جمانه: طيب الي يريحتس
جمانه: ترى اميره تعزمنا على الغدا بيجونهم ضيوف وانا بلبس وانتي ألبسي يما طيب
ام جمانه: عزيمة غدا غريب عشان وش ومن الي جايهم
جمانه: تقول اميره ان عمي ابو علي عازم واحد يشتغل عنده هو واهله على الغدا
ام جمانه : يلا بروح اجهز انتبهي لرجلس
جمانه: طيب يما
أنت تقرأ
الحياه لست دوماً كما نريد
Humorالقصه جداً مسليه والقصه من وحي الخيال لكن فيها واقعيه ومليئه بالأحداث والأكشن والضحك والحب والقصه من كتابتي والقصه وتتكلم عن كيف الحياه البسيطه وكل صبر بعده راح يجي فرج واتمنى تنال اعجابكم ولا احلل اخذ كتابتي ❤️ ✍🏻: ريف محمد
