الحياه لست دوماً كما نريد

البارت التاسع عشر > ❤️

نوره الي اول مانزلت من درج السطح للحوش الا قدامها  احمد محمد
احمد ابتسمت : وينتس كنتي فيه من زمان عنتس اشتقت لتس
نوره: ابتسمت وانا اشتقت لك  كنت بالسطح 
محمد بعصبيه : وش منطط فيتس فوق السطوح تكشفين على رياجيل الديره
نوره بخوف نوره: كنت اكنس بعدين علي اجلالي ومايكشف السطح
احمد طالع محمد  بعصبيه احمد: انت وش جايك ماغير منفس وتصايح خير انشاءالله فيك شيء تكلم
محمد بصراخ : اوهه ودف احمد وراح
نوره تضايقت: وش فيه محمد مو عاجبني هالايام
احمد: مدري عنه منفس له ايام  ماعليتس منه مرده بيهجد خاطري بخبيزات من ايدينتس الحلوه جويع
نوره بضحك اضربت بطن احمد نوره: ابي افهم الكل الي تأكله وين يروح بتصير كل ساعه جايع ابشر اسوي لك  احلى خبيزات 
احمد : وجعع بطني و ش اسوي انا واخوتس الظاهر في بطني دود على قولت تركى
نوره اختفت ابتسامتهامن  وجها اول ماسمعت اسم تركي نوره بضيق: يا حليله
احمد: امي وينها
نوره: عند حريم الديره يسولوفون وتوريهم بعض من الجلابيات الي خيطتها
احمد : زين تسوي والله اشتقت لأبوي كلمته قبل كم يوم و قال هالايام بجي
نوره :بضيق حتى انا
وراحو الحوش هي واحمد ويسولفون ويأكلون
احمد: بيسكن متعب قريب عندنا بكرا بنسوي كرامتهم عشاء وبعزم بعض الرياجيل وبخلي امي تدق على بعض الحريم
نوره ابتسمت من طاري متعب نوره:يستاهلون  الكرامه
احمد: اي والله متعب ماقصر معنا
نوره: اي والله زين تسون
عند  بيت ابو متعب
ريم: والله يا يمه نوره بنت مشعل حليله مره
ام متعب: اي والله صدقتي حتى ام محمد يدخلون القلب يامتس بس لو الله يفكم من ذا الاميره ذي
ريما : الله ياخذ ذا الحيه ترفع الضغط ماني قادره ابلعها والي سوته بنوره ماستاهل عاد نوره حليله مره
ام متعب: اي حسبي الله بس مادري طالعته على من وانا انا امتس ابوها اجودي وامها اذكرها ماتقصر
ريم: الله يستر علينا وعليها  ويكفينا شرها بس
متعب الي اختفت ابتسامته فجاءه و بعصبيه  : وش سوت بعد به شيء جديد سوته
ام متعب : ماسوت شيء ي وليدي
ريما تربعت اجل اسمع ريما:   الا سوت وقالت كل شيء
متعب قام بعصبيه : (الظاهر) بمعنى اظن ذي سكتنا لها (واجد) بمعنى كثير وزودتها لازم اعلم اخونها ويقفون اميره ذي عند حدها
ام متعب: ي وليدي اجلس لاتزيد النار بالنار
متعب: غابنتني يمه تغبن
ريم اضربت ريما ريم بصوت قصير :  اي هذا الي تبنيه تدرين متعب ماعمره رضى بالظلم ولايرضى بالغلط تقومين تقولين له مهبوله انتي
ريما بخوف:  ما قصدت وبعدين احسن لازم احد يوقفها عند حقها
ريم : يامتعب اجلس يكفي الي جاها من ام محمد
متعب :  طيب ماني بقايل شيء بس ماني جالس وراح يطلع
ام متعب: الله يهديك ي وليدي وانتي شو بلاتس ماتعرفين متعب مايرضى بالغلط الله يهديتس يابنتي
ريما: وش اسوي قاهرتني
عند بيت ابو علي
ابو محمد وهو جالس على سفرة العشاء وضايق ومشتاق لعياله وام محمد بس مجبور يقعد عشان شغله  : ماري وين ماما
ماري: ماما في غرفة بابا
ابو محمد : ناديها عشان تأكل
ماري : ماما يقول مايبي يأكل شيء ومايبي احد يجي غرفه
ابو محمد بضيق : طيب انا بروح شلي اكل حتى انا مايبي  وراح
ماري: انشاءالله بابا
ابو محمد متوجه لغرفة ابو علي الله يرحمه ويوم قرب عند باب الغرفه الا يسمع بكى اميره وانهيارها على ابوها
ابو محمد نزلت دمعته بعدين مسح دمعته بشماغه ودق الباب ابو محمد: (يامره ) بمعنى ياحرمه فكي الباب  ابي احاكيتس شوي
اميره بصراخ وهي تبكي : الا انت ماابي احاكيك خلني لحالي الله يأخذك وارتاح معك
ابو محمد: قولي وش تبين مني اسوي لتس انا حاضر
اميره بعصبيه والدموع بعيونها :بترجع ابوي مراح ترجعه صح خلاص خلني لحالي ولا الافضل طلقني بعد ماابيك اكرهك ياخي اكرهك
ابو محمد : هذي وصيت ابو علي ماقدر اطلقتس يابنت الحلال وشلي ذا الموضوع من راستس
اميره: اجل خلني لحالي ماابيك مابي اشوفك افهم
ابو محمد الي جات في باله فكره  عشان يحسن من نفسيتها شوي  فقرر يودها للمقبره تزور قبر ابو علي
ابو محمد: طيب اجهزي  والبسي عبايتس بوديتس مكان
اميره: مابي اروح معك  اي مكان
ابو محمد بصراخ: اسمعي الحكي واخلصي اجهزيي
اميره: طيب طيب واطلعت من الغرفه وجهها متنفخ واحمر من البكي وخدودها حمرا  وين بتوديني
ابو محمد: لارحتي بتشوفينه وراح سبقها لسياره
اميره لبست عباياتها واجهزت وراحت لسياره
وصلو للمقبره  ونزلو من السياره
اميره طالعت ابو محمد وعيون لاشعورياً تغورقت  اميره بخوف : وش نسوي هنا
ابو محمد : مو انتي قلت رجع لي ابوي صحيح اني ماقدر ارجعه لتس بس اقدر اوديتس لقبره
اميره : صدق بتدويني لقبر ابوي وقعدت تبكي وترتجف
ابو محمد بضيق : اي يلا مشينا وقعد يطالع اميره وتقدم الا ماشافها جنبه لف ورا لقاها ترتجف وتبكي وخايفه واقف  وراح لها ومسك ايدها  وقعد يمسح على ظهرها ويسمي علها يلا يا بنتي مشينا
ابو محمد :  يابنتي  اذا تبينا نرجع رجع....
اميره قطعت كلامه اميره : لالا ابي اشوف قبرت
ابو محمد : يلا مشينا
عند قبر ابو علي كانت وقاقف الا جلست اميره تبكي وتدعي لأبو علي اميره: يبا اشتقت لك حيل يبا ليتك خذيتني معك وماخليني وبدت تنهار وترتجف
ابو محمد راح لها على طول ابو محمد: يلا يابنتي مشينا يلا
اميره وهي ترجف وتبكي : ابي اجلس ماشبعت الود ودي انام جنبه الليله ماخليه لحاله
ابو محمد الي دمعت عيونه مسحها بشماغه وبدا وقعد يشل اميره ابو محمد: مو بزين لتس يابنتي مشينا بنرجع مره ثانيه بس قومي معي يابنت الحلال تراتس تعذبينه بالبكى عليه اصبري وقوي قلبتس يابنتي وهذا الطريق كلنا ماشين عليه يلا بابنتي قومي معي وهذي نهايتنا محدن بيبقى لحد ويمسح دموعها
اميره الي بدت تهدي وقامت اميره  امسحت دموعها : يلا
وصلو البيت وكانت اميره تعبانه بس احسن من قبل
وابو محمد ماسكها لين وداها الغرفه علق عباتها ولحفها
يوم تأكد انها نامت  اخذ فرشه وراح ينام بصاله تحت
عند بيت ابو محمد
بال الساعه ٩: ٠٠ باليل عيال ابو محمد  كانو بالحوش يسولفون  ويضحكون ويشربون شاهي  وياكلون بسكوت
نوره وهي تضحك:حمود اسمع بس بقول ذا النكته
احمدوهو منسدح ضحك وماسك بطنه احمد : اسمعي اخر نكته تسمعين بط
نوره:  طيب اسمع محشش جات له بنت قالوا وش بتسميها
قال نوره على عمتي هياء
احمد:  هههههه اخخخخ يا بطني
محمد:انا مدري وش مجلس مع سخيفين ارقد احسن  وتلطم بالشماغ وانسدح على  الفرشه
احمد: اختفت ابتسامته دام سخيفين  روح انقلع الغرفه  ونام ليه منسدح عندنا ياتعلمنا وش فيك يا تفكنا
محمد: اسكت انت دام النفس طيبه عليك
ابو محمد ضايق وماسك راسه وهو على فراشه ابو محمد اخذ جواله بيتصل على ام محمد ابو محمد: وش حالتس ياوضوح عساتس عادتس مانمتي
ام محمد : لا مارقدت عاد توني كنت بدق عليك بس خلن اخاف تعبان ونام وش عندك للحين مانمت وش اخبار ابو راكان
ابو محمد تضايق عشانه مجبور يكذب على عياله وقايل لهم بينام عند ابو راكان بشقتهم القديمه و محد يدري انه نايم عند اميره ابو محمد: ابشرتس كلنا طيبي وبكرا بجيكم  الا ماعرفتي اخر الاخبار
ام محمد: وش
ابو محمد الفرحه مو شاليته واخيراً تصافت الانفس ولقى واحد من اخوانه واخوه الي يعزه حيل : لقيت فايز وعياله وحولنا طول ذا الايام فايز اخوي هو نفسه ابو تركي
ام محمد بصدمه : وشهوو وش قلت تقوله صادز عسى كلش زين
ابو محمد: لا ماقال شيء وقال لها كل شيء قاله له ابو تركي وابشرتس تصافت القلوب باركي لي يا ام ومحمد العيال لاتعلمينهم لاجيت بعلمهم انا وفايز ونشرح كل شيء لعيالي وعياله
ام محمد نرلت دمعتها من الفرح واخير شاف اخوه فايز الي يعتبر اقرب اخوانه بعد تصافت الانفس ام محمد: كولللوششش جعله مبارك يامشعل
ابو محمد: ضحك الله يبارك فيتس فمان الله
ام محمد: فمان الله
عيال الي اسمعو صوت  امهم وهي تزقط
احمد طالع نوره  احمد :هذا صوت امي
نوره: اي صوتها
محمد الي كان منسدح وقام محمد: وش العلم
وكلهم توجهو لغرفة امهم
احمد الي نط على فراش امه احمد: يمه وش العلم
ام محمد صرفت الموضوع  لان ابو محمد حذرها ماتعلمهم  ام محمد: مستانسه بكرا بيجي واخيرا بيرجع نور البيتت
الكل: الحمدالله
ام محمد: الحمدالله روحو نامو تاخر الوقت
الكل: ابشري
بحكم انه ابو محمدغاب على البيت وقت طويل  الكل فرح ويحضنون بعض
والكل توجه لفراشه ونوره رتبت الحوش وكنيسته  وشلت الفرشه وراحت تنام وطول الوقت تفكر بمتعب
عند بيت ابو تركي
تركي الي منسدح ولف راسه الا اخوانه بتعمقين بالنوم ابتسم  تركي بقلبه : واخيراً لقيتها واخيراً لقيت  البنت الي ادورها طول السنين وقعد يفكر فيها طول الليل يفكر بنوره ومن كثر التفكير نام  وهو مايحس
اليوم الثاني االصباح
ابو محمد بالطريق متجهه لديره
ام محمد تجهز الفطور وتشل وتحط عشان ابو محمد يجي  ويلقى وكل جاهز
احمد يمشي بالبخور ويبخر ويحط ويشيل ونوره ترتب المجلس
وصل ابو ومحمد للبيت
واول مادخل لقى عياله ام محمد ترحب فيه ويسلمون عليه
نوره راحت ركض لأبو محمد  حبت راسه واحضنته نوره: لاعاد تبطي عن البيت ودمعت عيونها
محمد واحمد اول ماشافو نوره تبكي راحو لها كلهم وحضونها واحضنو ابوهم مع بعض
ابو محمد ضحك: وانتي يا ام محمد مانتي بجايه بعد
ام محمد: اضحت وراحت يمهم
احمد: انتي يا ام دمعيه ترى بتخلص دموعتس
نوره اضحكت :وش اسوي ماقدرت
باليل وقت العشاء ام محمد دقت واعزمت بعض  حريم الديره
وعيال ابو محمد اعزمو بعض رجال الديره على كرامتة وصول ابوهم ونزول ابو متعب بيت جديد و عيال ابو محمد يقهون الضيوف وشايلين العشاء شيل ويرحبون ويمشون بالبخور ويعاونوهم شوي عيال ابو تركي  و عندالحريم نوره تقهوي وترحب بالحريم وبنات ابو متعب يعاونون نوره شوي وتعشو وخلصو عشاء وبدت جلستهم الكل راح بقى ابو متعب وعياله وابو محمد ابو تركي وعياله
جلس ابو محمد جنب اخوه فايز وتساسر هو وياه  ابو محمد: متى نعلمهم لهم كل شيء
ابو تركي:  اليوم بس اصبر شوي خلنا نمهد الموضوع