عند بيت ابو محمد
ابو محمد قاعد على فراشه وجنبه ام محمد ابو محمد الي متوتر وخايف على اميره وكل تفكير بأميره وحاس بتأنيب الضمير لان تركها لحالها
ام محمد: وش فيك يا مشعل فيك شيء
ابو محمد: مافيني شيء لاتحاتين وانسدح
ام محمد : زين وطفت النور وانسدحت
والكل نام الا نوره
نوره بعد ماتأكدت الكل نايم راحت ألبست جلالها وراحت السطح تبي تتفرج على بيت ابو متعب
نوره وهي متجه لسطح الا تسمع صوت احد ينادي
نوره خايفه ومتوتره اول ماسمعت الصوت بس الصوت مو غريب عليها وهي رايحه متجه لصوت الا تشوف تركي وتشهق شهقه قويه
تركي ابتسم تركي : بسم الله عليتس
نوره وهي صاده ورا الطوفه ولابسه جلالها نوره : وش جابك هنا
تركي : كنت اتمشى ولقيت الباب مو مسكر قلت اكيد صاحين ولمحتس وانتي متجه لسطح جيتك عشان اقول اننا مابقى شيء وتكونين حلالي يابنت عمي
نوره بصراخ : وششش
تركي : اخيراً بنتزوج بعد حب طال اسنين وانا ادوره واخيراً لقيتتس
نوره بصدمه : اي حب تتكلم عنه
تركي بكل حماس وفرحه تركي : وش فيتس يانظر عيني مداتس تنسين حبنا وبدا يعدد الذكريات والاشياء الي تحبها نوره
نوره نزلت راسها بضيق انه للحين تركي مانساها وللحين متعلق فيها ونزلت دموعها نوره : بس هذا كان اول بس الحين ياتركي ان...
قطع كلامها تركي وتركي الي كانه طاح على وجهه وكل شيء تسكر بوجهه تركي وهو ضايق تركي : وش قصدتس
نوره وهي تبكي نوره: اعذرنيي ياتركي بس ذا كان اول الحين كل شيء تغير مااشوفك الا اخوي وولد عمي بس
تركي بعصبيه وصدمه تركي : على قص ارقبتي مايأخذتس غيري تبيني او ماتبني انا لتس وانتي لي ومن بكرا بخطبتس
نوره الي خافت انه لو عرف بوضعها هي ومتعب وش بيسوي بمتعب ومتعب وش بسسوي لو عرف انها بتنخطب نوره : بس مابيك انا ومافي زواج بالغضب ومع السلامه وراحت اتركته
تركي : تعالي تعالي
نوره: لا رد ولاشيء طنشته وادخلت لغرفتها قفلت الباب والنور
تركي ضاقق حيل تركي ضرب الجدارعيونه مليانه شر وعصبيه ماصار يشوف شيء قدامه غير الشر
تركي بصوت قصير : والله مايأخذتس غيري حتى لو يدفنوني وانا حي ماياخذتس الاانا وطلع وهو طالع الا يشوف متعب
متعب : الله حيه وش فيك وش قوم وجهك كذا
تركي:مافي ولارد وطنشه وراح
وصل البيت تركي ولقى ابوه صاحي يصلي الوتر وسلم وخلص وتركي وجلس جمب ابوه
ابو تركي : ياوليدي وش في وجهك كذا
تركي : مافيني شيء بس يايبا ابي اعرس
ابو تركي : ابرك الساعات ياوليدي من تبي ياحظ منهي بتاخذك
تركي ابتسم : يا يبا انا ابي القرب من عمي وابي اخذ بنت عمي نوره بما ان تصافت الانفس
ابوتركي : عزالله انك اخترت صح ابشر من بكرا الصبح نروح نفطر عندهم ونخطب
تركي الي الفرح مو قادره تشله احب راس ابوه تركي : الله يخليك لنا وراح ينام
أنت تقرأ
الحياه لست دوماً كما نريد
Humorالقصه جداً مسليه والقصه من وحي الخيال لكن فيها واقعيه ومليئه بالأحداث والأكشن والضحك والحب والقصه من كتابتي والقصه وتتكلم عن كيف الحياه البسيطه وكل صبر بعده راح يجي فرج واتمنى تنال اعجابكم ولا احلل اخذ كتابتي ❤️ ✍🏻: ريف محمد
