الحياه لست دوماً كما نريد

البارت الرابع والعشرون >❤️

عند بيت ابو تركي
الجو كان بارد وهادي وقمرا وفي الحوش عند تركي وتركي بعد ما تأكد ان صالح نام والكل نام راح للحوش وفرش الفرشه واخذ عوده وكوب شاي وقعد بالحوش ضايق مرهه وبدا يعزف ويغني بصوت حزين وصوت مخنوق ومخذول يغني اغنيت
...
اه لوتدرين
لا عود العاشق حزين
يمشي على جفن وجبين
لابأس يا قلب الشجاع
ضاع الأمل مالك عذر
من لمسة عيوني الشعاع
زندي انثنى رمحي انكسر
وقلتي عسى جفنك عساه مايحترق
حاولت مااغمض عيوني ونفترق
حاولت انا مانفترق
...
لكن رهف ماكانت نايمه بس متسدحه بعد ماسمعت صوت تركي وعزفه قامت من مفرشها وتوجهت لشباك قعدت تطل على تركي من شباك الغرفه وقلبها متقطع على اخوها اول مره تشوفه في هاذي الحاله كيف مكسور وكيف مخذول
رهف في قلبها رهف :قالت ليه مااوسع خاطره واسوي له شيء يأكل هو اساسا ماكلا شيء من يوم جينا من المزرعه
واخذت بطانيتها وراحت للمطبخ وبدات تسوي خبز وسوت شاي

وطلعت للحوش

تركي خلص عزف وانسدح ياتأمل الجو الا ينتبه لرهف وهي جايته ومعها الصينيه وشاي. تركي : بسم الله وش مصحيتس ليكون ازعجتس
رهف ابتسمت: اصلا ماكنت نايمه وصاحيه لحالي قلت اتونس انا وياك
تركي ابتسم تسليك رغم ضيقه بس ماحب احد ينتبه لضيقه تركي : والله مرحبا بتس اطلق من يتونس معي قربي الصينيه جوعان
رهف ابتسمت :ابشر فيه العافيه
بدو يسولفون ويضحكون ويأكلون
تركي : يازين سوالفتس زيناه بس اني ماعاد اشوفا ابي النوم
رهف الي ارتاحت بعد ماحست تركي تحسن رهف:هههههه المهم حتى انا ماعاد صرت مااشوف تصبح على خير
تركي : وانتي من اهله
قامت رهف توجه للمطبخ غسلت المواعين وراحت للغرفه ونامت
تركي جلس لوحده ومافيه نوم لكن اطر انه يقول فيه نوم عشان رهف ماتشوفه ضايق ولاتنام
وقعد شوي بعدها شال الفرشه وعوده و وراح لفراشه ونام
اليوم الثاني الصباح
عند بيت ابو محمد

العيال كالعاده مشتطين والبخور والفطور والقهوه والشاي وباب البيت مفتوح في استقبال اي احد يجيهم

في المجلس الرجال بعد مافطرو وبدو يتقهون
ابو محمد نزل الفنجال من يده ابو محمد : ياعيالي ابيكم تروحون والحين معي لبيت عمكم فايز وتعتذرون منه وتحبون راسه واطلبو من السماح وترى حنا اهل

محمد بعصبيه: بس يبا حنا ماغلطنا حنا قلنا الحق البنت ماتبي ومافي شيء بالغصب

احمد قبص كتف محمد محمد ويسكته احمد: ابشر يبا بالي تبيه اخلص الفنجال ونروح
شرب الفنجال وقام
ابو محمد تجاهل كلام محمد ابو محمد: بعدي ياعيالي يلا مشينا

عند صاله الحريم نوره وام محمد يفطرون هم واميره

اميره : تأفف استغفرالله وش هالفطور المخيس