اعتذر عن التأخير ❤️❤️❤️
احمد: يلا يلا ورنا شغل
متعب: ابشرو يلا مشينا و بدا يعرفه على الي في الديره
محمد: والله يا ان الديره طلعت تهول العقل بمعنى (تاخذ العقل )
الكل: ههههههههه
متعب: الي وقف شوي بعيد عند مزرعة ابو تركي واشر بيده متعب :طبعا هذي مزرعة ابو تركي وهو اسمه فايز بس ماينادونه الا ابو تركي يعرف ابوي من عمرر ونعرفه ورجال مايقصر مع الكل والله يعينكم بيحلف عليكم على كرامه ومزرعته فيها حلال ومابه الا هو الي يبيع خرفان لرجال الديره والكل يأخذ منه هو رجال ماعليه الكلام وطول عمره بالمزرعه وياويلكم لو ضاع شيء من حلاله ياعيال ياهو حارحتى على عياله تركي الكبير ومسفر الوسطاني واخرالعنقود صالح وعلومهم زينه زي ابوهم
احمد : يلا ودنا لأبو تركي تحمست اشوفه
محمد: يلا
متعب : اقبل على ابو تركي يامرحبا ياعم وش حالك وشحال الحلال عسى كلش زين وبدا يعرفهم و عرفهم على بعض
ابو تركي الي يرحب فيهم كلهم : ي مرحبا بمتعب وضيوفه جعله ابرك الساعات زارتنا البركه والله ان تستوي كرامتكم الليله علي الطلاق ان تستوي
احمد: والله ماتستوي ياعم
محمد: حلفت عليك ياعم لاتكلف على نفسك وعندنا غدا ياعم اقلط علينا
ابو تركي الي منعجب فيهم كيف يحلفون عليه ويقلطونه وبالقهوه وشاهي وهم توتهم جايين حتى مابعد استقرو ابو تركي : جعل شايب رباكم بالجنه عزالله انكم رجال ابشرو بجيكم انا وعيالي بس لاتكلفون على عمركم حنا ربع وحاره وحده ودامكم جايين من طرف متعب اجل كرامتكم ماتدفعونها وخذوها و والله مايجيني ولا ريال
احمد: ياعم والله ماندفعها الا حنا
ابو تركي : حلفت انا مايجني ولا ريال واقلطوعلى القهوه وشاهي وبأخذ فيكم لفه بالمزرعه ويامرحبا
متعب : ياعم حنا جاين مستعجلين ياعم ورانا اشغال لاتكلف على نفسك
ابوتركي: معليه ريحو لكم شوي بعدين لاحقين الشغل والله ماتطلعون الا شاربين القهوه وشاهي
محمد بأحراج:جعلك بالجنه والله ماله داعي ياعم مانبي نكلف عليك
ابو تركي : مابه كلافه ولاشيء وهذا واجبنا بصراخ يامسفر يامسفر ووجع
مسفر جاء ركض وخوف : سم يبا
ابو تركي بدا يعرفهم على بعض ابو تركي : قلط الرياجيل وخل صالح يركب القهوه وشاهي وتركي يحلب الناقه ويجيب حلبيها لرجاجيل اخلص
مسفر سلم عليهم مسفر : يامرحبا قلطو
عند جمانه الي كانت عند امها بالمطبخ وتعاونها ويسلفون
وفجاءه اسكتت جمانه واسرحت وتفكر ب اميره و مو مقتنعه بكلام اميره الي قالته وتحس انها تكذب تقول بقلبها معقوله يعني انها تبكي ذا البكي عشان عمي ضربها
ام جمانه: يابنتي وش بلاتس وش يسرح بتس
جمانه: يما مافيني شيء
ام جمانه: براحتس يابنتي مع انه ادري انتس فيتس شيء
جمانه: ابتسم وراحت تحضن امها مافيني شيءلاتخافين بس بروح اجيب غرض من غرفتي وبيجتس
ام جمانه: زين بس لاتبطيني عاد في شغل
جمانه : ابشري وراحت ركض
تبي تشيك على ابيت ابو علي واول مادخلت الغرفه اسمعت صوت رجال بس مو واضح مجرد حس عند بيت ابو علي واخذت جلالها
وراحت ركض لشابك تطالع بيت ابو علي ومستغربه من طلعو ابو علي و ابو محمد ومعه واحد الي هو ابو راكان وفي شيخ طالع والشيخ قاعد يودع ابو علي وابو راكان ويتكلمون مع ابو علي وابو محمد وجمانه وراحت فكت الشباك فتحه صغيره عشان بس تسمع بتركيز وش يقلون وتغطت كويس قبل لاتفتحه الا تسمع تباريك بحكم انه القريه صغيره ووقت ليل وهاديه نوعاً ما ف قدرت تسمع وش يقلون
ابو راكان الي مبتسم بسمة ضيق على وضع ابو محمد
ابو راكان: الله يوفقكم وجعله مبارك
ابو محمد بضيق : الله يبارك فيك
ابو علي فرحان لانه تطمن على وضع بنته وانها بأيدي امينه دامها عند مشعل ابو علي: آمين الله يبارك لهم
الشيخ سلم عليهم الشيخ : بارك الله لكم وعليكم فمان الله
وراحو مابقى الا ابو علي ابو محمد ودخلو بيت ابو علي
جمانه الي اجمدت مكانها وسكرت الشباك جمانه: معقوله الي في بالي صحح معقوله الي سمعته صح اميره تزوجة وليه ماقالت لي معقوله كانت مجبوره ووين العريس
الي مفيه ومو مستوعبه وماشكت ولا واحد بالميه ان العريس ابو محمد بحكم انه متزوج ويحب زوجته
وراحت لسريرها وقعدت بصدمه وقعدت تفكر بالموضوع
في الديره عند نوره وامها وهم يرتبون عفشهم واغراضهم
ام محمدالي ترتب وبالها مو معها تفكر ب ابو محمد ولو صادف اخوانه هنا وش راحو يصير فيه
نوره الي تفكر متعب وملامحه وهي ترتب وتبتسم بعدين لاحظ امها ماش فقررتتغير جو امها نوره بضحك راحت لأمها ركض وضربت كتفها بكتف امها على خفيف نوره: يما وش بلاس سرحانه تفكرين بالحب هااا لهدرجه تحبينه وحتى وهو بعيد هاا
ام محمدابتسم بعدين ادركت ام محمد : بشوي عصبيه استحي على وجهتس وش ذا الحكي
نوره :بعبط يما مايمديتس تصريين ثقيله شفت ابتسامتس قولي لي يلا وش كثر تحبين ابوي
ام محمد: واجد بس مالتس دخل روحي سوي شغلتس
نوره: اضحكت ابشري يا المديره
عندالعيال بعد ماتقهوو وسولفو مع ابو تركي وعياله
ابو تركي: مسفر رح انت والعيال عرفهم على المزرعه
مسفر : ابشر
متعب مسفر وصالح وعيال ابو محمد يتمشون بالمزرعه
صالح: يعني انتو تؤام متشابه من اكبر
احمد: حول بعض
محمدضرب براسه على خفيف محمد : بضحك لاتنكر انا اكبر بساعتين
احمد: بضحك يالله كأنها واجده ساعتين ترى
الكل :ههههههه
صالح: يعني انتو بتجون عندنا اهنا
محمد: اي تونا ناقلين
صالح: يامرحبا والله نورت الديره
محمد: بوجود اهلها
الا شوي نزل مطررر كثيررر
متعب: يالبيه يالمطررر في ذمتي
ويركضون تحت المطر
ابو تركي من شباك المجلس ابو تركي : ياعيال ادخلو المطر يصب لحدن يمرض
مسفر : ابشر ابشر بنجيك
صالح : يعيال قبل لاندخل وش رايكم نتزلحق
الكل بحماس :يلا
صالح تمسكو بيد بعض لاقلت ثلاثه خلنا نركض ونزحلق صالح: ٣.٢.١يلا
الكل انطلق وتزحلقو ثيابهم تلطخ بالطين
الكل :هههههههههه
بعدها ادخلو بعد ماخف المطربس باقي يصب
ابو تركي اول مادخلو مسك راسه بعد ماشاف العيال ثيابهم ماي وختلط بالطين ابو تركي : وش سويتو بالرياجيل فشلوتنا بالضيوف وجعه انتو متى بتقدون رياجيل وانتو ماغير فاضحيني بضيوفي الضيوف توهم جاينكم تروحون تغرقونهم بالطين والحين قايلك يامسفر ادخلو ماتسمع الكلام ليه الظاهر اني ماعرفت اربيك انت وصويلح وين العصا لف بيأخذ العصا
مسفر بضحك : ياعيال الزبنه والكل طلع ركض وراحو برا المزرعه وهم ماسكين ابطونهم من الضحك
لف عليهم بيضربهم مالقى احد
تركي الي لف راسه عشان ابوه ماينتبه له وتلثم وقعد يضحك على نحشت اخوانه وشكالهم
ابو تركي : وجعه وش يضحك بك انت يالثاني ورفع العصا بيضربه الا ماشاف الا غبرت تركي
تركي طلع لهم برا وهو ميت ضحك
محمد: اخخ بطني ذبحني من الضحك وانت وش جابك انجلت
تركي : قعدت اضحك وكان بيجيني الدور ونحشت
الكل:ههههههه
توقفو بعد نوبة ضحك
مسفر : هذا خروفكم
احمد طلع الفلوس من جيبه احمد:هذا حقكم
مسفر: والله مايجيني حلفت صويلح ركب الخروف بالسياره
أنت تقرأ
الحياه لست دوماً كما نريد
Humorالقصه جداً مسليه والقصه من وحي الخيال لكن فيها واقعيه ومليئه بالأحداث والأكشن والضحك والحب والقصه من كتابتي والقصه وتتكلم عن كيف الحياه البسيطه وكل صبر بعده راح يجي فرج واتمنى تنال اعجابكم ولا احلل اخذ كتابتي ❤️ ✍🏻: ريف محمد
