عند مها ونواف في بتيهم بغرفتهم
مها الي صحت من زمان وعلى التسريحه ترتب شكلها وتحط ميكب
نواف الي كان نايم وصحى ويتلف ماحصل مها نواف الايطالع قدام ويلمح مها الي قاعده على التسريحه ومعطيه نواف ظهرها وترتب شكلها بالمرايه نواف اول مالمحها قعد يتأملها وقت طويل وعيونه فيها نوم
مها الي حست ان في احد يطالعها ولفت على نواف الا انتبه للي يطالعها وسرحت فيه بعدين استوعبت على نفسها ولفت على المرايه بعدها ستوعب نواف وقام على طول وراح الحمام (تكرمون ) يبدل ملابسه
مها بعد ما دخل نواف الحمام (تكرمون ) امسكت راسها بأحراج مها: الله يفشلتس انتي وش بلاتس يالخفيفه سرحتي بالرجال
طلع نواف من دورة المياه
نواف : صباح الخير
مها بحراج وبأبتسامه مها :صباح النور
نواف: يلا بطلب لنا شيء نأكله على الفطور تبين يابعد قلبي تبين شيء محدد
مها بأحراج: لا اطلب اي شيء على ذوقك
نواف ابتسم : ابشري بنفطر ونروح لديره
مها: طيب اصلا صرت جاهزه بس نفطر ونروح
نواف ضحك : لهدرجه متحمسه تروحين
مها اضحكت: مدري احس اشتقت لديره مو متعوده على المدينه
نواف: هههه انشاءالله قريب تتعودين وصدقيني بتحبين المدينه
مها: انشاءالله
نواف راح رفع الجوال وطلب فطور وجاء الفطور وافطرو وشلت مها الاغراض
نواف غسل وطلع وشغل السياره
مها جهزت اغراضهم فستان العرس وكل شيء وشنطتها وشنطة نواف و ألبست عبايتها وبرقعها ونزلت تحت لسياره
مسكو خط للديره
طبعا اليوم هواليوم ما قبل العرس عند البنات
في مزرعه ابو تركي
البنات كانو يجهزون بالمزرعه ويترتبنها لان العرس بالمزرعه
البنات كلهم متجمعين بغرفه ويجهزون وحايسين
الا دخلت عليهم مها الكل راح وحضنها ويرحب فيها
نوره: شخباتس
مها: الحمدالله بخير
رهف راحت تحضنها: اشتقت لتس حيل
ورنيم وريما وريم وجمانه حضنونها ورحبو فيها وكانو مجهزين المكان قهوه وشاي لمها ومتجمعين ولمة اهل الفرحه ماليه المكان
وشوي تدخل رنيم وسعودي وحصوص الكل راح لسعودي وخذوه والي راح يحضن حصوص ولا حتى سلمو على رنيم
رنيم كتفت يدها رينيم تقول للبنات : هيه انتو وانا طيب انا امهم عبروني
الكل:ههههههه
بعدين سلمو عليها
رنيم: الحمدالله واخيراً تذكرتوني
الكل: ههههههه
وبدو يجهزون مع بعض اغراض رهف وريم بعدين على طول راحو للمطبخ بدو يجهزون الاغراض الي تخص العرس البيلات والفناجيل وحايسين
والعجايز يعاونونهم شوي وشوي يشرفون عليهم
عند قسم الرجال يجهزون لعرس الرجال
الشباب حايسين ويرتبون ويجهزون ومكروفين
أنت تقرأ
الحياه لست دوماً كما نريد
Hài hướcالقصه جداً مسليه والقصه من وحي الخيال لكن فيها واقعيه ومليئه بالأحداث والأكشن والضحك والحب والقصه من كتابتي والقصه وتتكلم عن كيف الحياه البسيطه وكل صبر بعده راح يجي فرج واتمنى تنال اعجابكم ولا احلل اخذ كتابتي ❤️ ✍🏻: ريف محمد
