الحياه لست دوماً كما نريد

البارت العشرون > ❤️

ابو محمد الا يلمح ولده محمد مو على طبعه هاجد وكأنه معصب من شيء ابو محمد : يامحمد ولدي تعال ابي احاكيك وطلع برا المجلس ولحقه محمد
محمد بنفسيه : هلا
ابو محمد : ي ولدي وش قومك فيك شيء خاطرك بشيء قلي وش بك هاجد مو من عوايدك احد قايل لك شيء
محمد بعصبيه : محد قايل شيء بس انا سمعت كل شيء وشفت كل شيء وليه ماعلمتنا
ابو محمد الي توتر خايف وماجاء على باله الا انه محمد عرف عن زواجه من اميره وبدا يتوتر ابو محمد: كنت مجبور ي ولدي
محمد بعتب وبضيق ونزل راسه محمد: مجبور !! وطول ذا السنين عشانين كأنه مالنا احد وبالاخير عندنا عمان وبعدعيال عم كبرنا وحنا مادرينا عنهم على الاقل كان قلت لنا وعلمتنا السالفه كلها علمتنا انكم متقاطعين ولاتخلينا ندري بالصدفه يبا ماتدري كم مره تمنيت يكون عندي عمنا وعيال عم طول الايام انتظر تعلموننا لكن للحين ماعلمتونا

ابو محمد ارتاح انه عن موضوع اميره بس ضاق من عتب محمد ولد ابو محمد رفع راس محمد ولده ابو محمد : ي ولدي لاتنزل راسك ي ولدي ادري انك ضايق علي ولو درو اخوانك بيضيقون بس والله اني ماقدرت اقولكم خفت انه ماتتصالح الامور بيننا اعذرتي يا ولدي والله انا وعمك قاعدين نمهد لكم الموضوع عشان نقولكم
محمد الي ابتسم : معذرور يا يبا واسمحلي اني قلت لك شيء بدون قصد
ابو محمد ابتسم : لا يولدي ماقلت شيء
وحضن محمد ولده وراحو لرجال

عند الحريم
نوره والبنات رتبو ونظفو وخلصو شغلهم وقعدو على العشاء اخر شيء بعد ما اغلب الحريم راحو مابقى الي ام جمانه وجمانه وام تركي وبناتها ام متعب وبناتها
بنات ابو تركي
تركي : اكبرهم
رنيم : رنيم اكبر من مسفر بسنتين ومتزوجه وعندنا بنت اسمها حصه عمرها ٣سنوات ونص وحامل بالشهر التاسعه في بدايته
مها: مها اكبر من صالح ومخطوبه
رهف : اصغر من مها واكبر من صالح
وعمارهم متقاربه حيل
وصالح اخو العنقود
ريما وريم يعرفون بنات ابو تركي لكن نوره اول مره تشوفهم
ريما : رنو ها شلونس من زمان عنكم عسى مو متعبتس الحمل
رنيم بضحك : الا متعبني الله يصلحه يارب مايركد ياختس
ريم اضحت : ي عمري الله يسهل عليتس ومسكت
رنيم ولفت : آمين يويلي بنات شفتو حصوص قبل شوي كانت جمبي الحين ماهي موجوده وجاءت بتقوم
جلستها رهف ورهف بضحك : اقول اقعدي لاتولدين علينا بروح اشوفوها لتس وقامت
رنيم : اي تكفنين لبى قلبتس ي رهوف لاتحوس على الحريم وتتعب نوره وخالتي
رهف : طيب بلحق الله يستر من ذا المقروده
نوره: وش دعوه ياقلبي مابه تعب بنتس تجنن عسوله بس يارهف اصبري بروح اشوف امي يمكن تحتاج شيء ولاشيء
رهف :يلا مشينا
وهم يمشون ويسولفون وكل وحده راحت بجهه رهف راحت وراه للحوش ونوره راحت عند الحريم ورهف وخايفه عشانها لوحدها وظلمه واخر الحوش مافي احد وخايفه وترتجف وكانت لابسه فستان احمر قصير بس اكمامه طويله وكانت وحاطه ميكب خفيف طبعا رهف جميله عيونها واسعه ولون عيونها اسود وبشرتها بيضا وشعرها طويل اسود وكانت لاف وتنادي على حصه بنت رنيم ولابسه شيله بس مو لافتها زين وكانت لافه وجهها الا تتصادف هي ومحمد
طبعا محمد كان يدور احمد ولاف وجهه يدور وكان متلثم عشان الجو بارد وكان لابس سدريه لونها بني