عند البنات بعد ماخلصو شغل واجلسو يتمشون بحوش المزرعه وكل وحده بجلالها ويسولفون
مهاوهف : يعرفون ريما وريم ونوره على المزرعه
نوره: الجو يجنن بناتت المزرعه مره تجنن مدري كيف برجع لبيتنا وبخليها
ريما : صدقتي والله ياختي الجو يجيب العافيه
فجاءه وهم يسولفون يشوفون كلب اسود وشكله يخوف
ويمشي وراهم وبدا يمسكون يد بعض ويلصقون بجنب بعض وهم خايفين
رهف بصوت فيه خوف : بنات سو نفسكم طبعين مو خايفين عشان مايحلقنا وخلونا مع بعض
رنيم : انا بروح عشان اسلم لايطيح وليدي وراحت
مها : وانا معتس وراحت وراها
رهف:تسحب مها مع اجلالها رهف : والله ماتروحين
مها: الله يأخذ بليستس بلشتني معتس
رهف : اجل وش فايدتس اختي
ريما: اصلا من قال اني خايفه
لكن الكلب بدا يقرب اكثر
نوره: ماقدرت وصارخت وانحاشت وبدا الكلب يركض
وراهم والكل صراخ لين وصلو داخل وتقفلو يوم اوصولو قعدو يضحكون على نفسهم
عند الشباب والشياب بعد ماخلصو شغل وكل شيء طلعو لحوش المزرعه وتجمعو كلهم وشبو النار
احمد: اشهد ان الجو يجب العافيه
مسفر : اي والله
محمد: الله يغنيك يعم ويكثر خيرك
ابو تركي : فيه العافيه
ابو محمدالي مسرح وكل باله مع اميره وخايف اميره تتحمس وتعاند وتقول كل شيء لأم محمد
تركي : ياعم وش فيك فيك شيء
ابو محمد: لا مافيني شيء
ابو تركي : يامشعل كلمت البنت
ابو محمد: لا والله نسيت بس ابشر بقول لها
ابو تركي : ودك نكلمها انا وانت
ابو محمد: ابشر بس اول شيء خلنا نأخذ رايها هي يمكن ماتوافق
ابو تركي عصب من سمع يمكن ترفض : وشهو من قالك بنأخذ الموافقه منها ذا دلع ماله داعي ولدي مو ناقصه شيء وولد عمها مايبيلها شيء واكيد انها بتوافق
محمد الي عصب: ياعم هذا زواج مو لعبه واكيد لازم نأخذ رايها ورايها اهم من كل شيء
ابو تركي : ومن متى متى البنت لها راي ورايها ما يطلع عن راي ابوها وعمها
تركي الي فرح : عزالله صدقت
ابو محمد بخوف ابو محمد : بس هذي بنتي ورايها يهمني
ابو تركي : انت مو ذابحك الا قلبك ذا الرهيف نوره بتاخذ تركي يعني بتأخذه
ابو محمد: بس..
قطع كلامه احمد وقف وهو معصب احمد: اسمح لي ياعم بس نوره ماتنجبر على شيء ماتبيه والي تبيه يصير
متعب الي متوتر ومعصب وده يكسر اي شيء قدامه متعبب بعصبيه : محمد صادق هذا الصحيح مافي شيء بالغصب والاجبار وذي حياه مولعبه
تركي : الا بالجبار اذا كان ولد عمها بعدين انا ولد عمها موغريب القريب احسن من الغريب
زاد النقاش وارتفعت الاصوات
عند الحريم
البنات الي كانو يسولفون ولاهين فجاءه وقفو سوالف بعد ما اسمعو الصراخ والهواش واصوات مرتفعه
وقفو عند باب الحريم وقفو عند الباب ويسمعون
نوره قعدت ترجف وخايفه نوره: ياربي وش صاير
ام محمد: يالله انك تستر
أنت تقرأ
الحياه لست دوماً كما نريد
Humorالقصه جداً مسليه والقصه من وحي الخيال لكن فيها واقعيه ومليئه بالأحداث والأكشن والضحك والحب والقصه من كتابتي والقصه وتتكلم عن كيف الحياه البسيطه وكل صبر بعده راح يجي فرج واتمنى تنال اعجابكم ولا احلل اخذ كتابتي ❤️ ✍🏻: ريف محمد
