Give Up (詬病) 🌻[MM translation U/Z ] (Completed)

Chapter (93)

Unicode 🌻

Chapter 93

ချီပေါ်ယန်၏ ထိုသို့သောပုံစံသည် ကျီးဝမ်အား ၁၇နှစ်အရွယ်ချီပေါ်ယန်ကို အမှတ်ရသွားစေသည်။

ထိုအချိန်ကချီ​ပေါ်ယန်သည် ယခုလိုမျိုးပင် အမြဲတမ်း ချော့မြူကာအလိုလိုက်ခံခဲ့ရသည်။

မည်သို့ပင်ဆိုစေ ချီပေါ်ယန်သည် သူ့အနောက်ကို နှစ်ပေါင်းများစွာအောင်လိုက်နေခဲ့ပြီး အခက်အခဲများအားရင်ဆိုင်ကာ စိတ်ရှည်သည်းခံခဲ့သည် ဆိုသည့်အချက်ကို ကျီးဝမ်အချိန်ထိ စိတ်ကူးထဲ၌တောင်ပုံဖော်ကြည့်၍မရသေးခဲ့ပေ။

အခုအချိန်၌ ချီပေါ်ယန်သည်အများကြီး ပြည့်စုံကောင်းမွန်လာပြီဖြစ်သည်။

ကျီးဝမ်ဘာကိုပဲလုပ်ရလုပ်ရ တဖက်လူက ဖြစ်နိုင်သမျှ မြန်မြန်ပြန်လည်နေကောင်းကျန်းမာလာဖို့ကိုပဲ မျှော်လင့်မိသည်။

ချီပေါ်ယန် လေယာဉ်ပေါ်သို့တက်သွားသည့်အခါ ကျီးဝမ်က သူ့နောက်သို့လိုက်မသွားခဲ့ပေ။ ထွက်ခွါရေးဂိတ်ဝ၌ ဖန်များကစောင့်နေလောက်မည်ဖြစ်သောကြောင့်ပင်ဖြစ်သည်။

ပန်းများနှင့်အတူ ချီပေါ်ယန်၏နောက်ကျောဘက်ပုံရိပ်သည် အလွန့်အလွန်မှပျော်ရွှင်နေဟန်ပင်။

ကျီးဝမ်လေဆိပ်မှထွက်လာသည့်အခါ ရှောင်ရွှိအား ကားပါကင်၌ရှာဖွေလိုက်ရသည်။ ထို့နောက်ကားပေါ်တက်လိုက်သည့်အခါ ရှောင်ရွှိသည် ဖုန်းကိုငုံ့ကာကြည့်နေကြောင်းတွေ့လိုက်ရသည်။ သူက ကျီးဝမ်အားတွေ့သောအခါ စကားလှမ်းပြောလေသည် " အစ်ကိုဝမ် ချီပေါ်ယန်က Weibo မှာ Post တင်ထားပြန်ပြီ"

ထိုသို့ပြောပြီးနောက် ရှောင်ရွှိက သူ့ဖုန်းအား ကျီးဝမ်၏မျက်စိရှေ့သို့ ထိုးပြလာခဲ့သည်။ ဓာတ်ပုံသည် လေယာဉ်မှန်ပြတင်းပေါက်တစ်ခုအား မျက်နှာချင်းဆိုင်ထားသောပုံဖြစ်ကာ ချီပေါ်ယန်ကမှန်ထဲ၌ ထင်ဟပ်နေသော သူ၏ပုံရိပ်အားရိုက်ယူထားခြင်းဖြစ်သည်။ ထိုသူကလက်ထဲ၌ ပန်းတစ်စည်းကို ကိုင်ထားကြောင်းကိုရှင်းရှင်းလင်းလင်းတွေ့မြင်နိုင်ပြီး ထို့အပြင် 'ကောင်းသောညပါ' ဟူသည့်စာတစ်ကြောင်းလည်းပါဝင်သေးသည်။