اخواتي
مراد ومنير وزين في شقه يوسف
مراد : بالعقل كدا يا يوسف . احنا عارفين أن زينه غلطت ومتفقين معاك. بس عاملها زي ما بتعامل الاطفال. لو هتعقبها بلاش تعلقها بالشكل ده ، حل الموضوع بالعقل
يوسف : اختك تصرفاتها مجنونه ومش بتفكر بعقلها
انا تعبت فيها .. هو حتي لو انا قولتلها لا . تسافر من ورايا. انت يرضيك (استغفر الله خطيبتك) تعمل كدا
مراد :ياعم قولتلك مليون مره اسمها توبا مش استغفر الله
يوسف : والله نفس المعني
منير : استني انت كدا يا منير . هي اعتذرت وخلاص ولو مش عايزها سيبها احنا هناخدها. لمي هدومك يا بت يا زينه
مراد : اسكت انت يا منير. انت عايز تخرب بيتها ..اختك اللي غلطانه
منير. : انت شايف بيعاملها ازاي اما يعرف قيمتها يجي ياخدها من بيتها
زين : يخربيتك ، انا اللي هدبس في الليله السودا دي . انت ناسي اني في اخر سنه جامعه يعني هتضيع مستقبلي لو حطني في دماغه
مراد ' انت خايف علي نفسك . اختك اهم منك. واحنا مش جاين نكبر المشكله احنا جاين نحلها
منير: انا اختي متتعلقش . ليه انت مش واخدها من بيت رجاله
يوسف. : تحب تتعلق انت كمان، واصلا مين جابكم هنا
زين. : انا ، اصلي كنت عايزيهم يربو الزفته دي ، عشان مش بتسمع الكلام
منير : واضح انك مش عايزها. يلا يا بت لمي هدومك. بيت ابوك مفتوح. مش هنعرف نصرف عليكي وله ايه.
زينه حطت أيدها في وسطها : ياعم اقعد علي جنب ..انت اصلا لاقي تاكل . انا مش هسيب بيتي . الشقه من حق الزوجه. لو حد تاني عايز يسيبها يتفضل. انا قاعده في شقتييي
زين وقف وهو بيصقف : واتكت علي الياء
مراد : جدعه يا بت ، شوفت العقل ، الست لازم تحافظ علي بيت جوزها
يوسف : الشقه من حق الزوجه ده فيلم بتاع محمود عبد العزيز . لكن الشقه شقتي ، شقتتتي سامعه
زينه : نعمين يا استاذ. قول تاني عشان مش سامعه ، انت قولت الشقه من حقك ده ازاي بقي ، انا هقرفك وهتخرج منها
يوسف : ده انتي بتحلمي بقي ، هنشوف مين هيقرف مين يا زينه
زينه بتحدي : تمام يا يوسف. يا انا يا انت
.. اضطر منير ومراد وزين يمشو وزينه قعدت في الشقه عند مع يوسف
وهي دخلت رمت المخده ع الأرض
يوسف : انتي بتعملي ايه
زينه : هنام علي السرير وانت هتنام علي الأرض
أنت تقرأ
تؤامي المجنون ( أخواتي قنبله ذريه)مكتمله
Humorقررت تنتحل شخصيه اخوها بعد ما سافر وراحت علي الكليه مكانه. هيحصل ايه تابعو هتعرف🤫🙆
