تؤامي المجنون ( أخواتي قنبله ذريه)مكتمله

11

اخواتي
١١

فتح الباب مراد وكان هادي

هادي. : اذيك يا مراد. حمد لله على السلامه
مراد : الله يسلمك . ادخل يا هادي

دخل هادي وسلم عليهم : مقولتش انك جاي يا ادهم

ادهم :  انا خدت منك العنوان .   هاخد ليه مثلا
هادي : اه صح . انا نسيت

زين : ايه يا معلم.  اخبارك ايه

هادي : ايه ده . ماشاء الله.  انا لسه سايبك امبارح كنت رفيع . لحقت تخنت أمتي  ..والعضلات ظهرت

منير : حطناه في بيكنج بودر ،  نفش

هادي : علي أساس أنه كيكه

ادهم : أو  بسكويت مثلا

زين : بره ياض انت وهو .. عيال رخمه

زينه كانت جوه مخرجتش قدام هادي .   الموضوع عدا و هادي كان جاي يطمن علي  زين اما روح بسرعه افتكر كان في مشكله

.....

في تركيا

عم ميرا وعمر عرفو من المطار أنها سافرت علي مصر.   قررو يسافرو عشان يرجعوها مره تانيه لتركيا

....

   يوسف اتصل تاني علي موبيل زينه

زينه : طلع قليل الادب . وبيتصل ببنات.   وانا اللي فكرته محترم

ردت عليه : نعم

يوسف : اسف اني بتصل تاني . بس كنت عايز رقم زين.  

زينه : عايز رقمه ليه

يوسف :  صاحبي  وكنت عايز اطمن عليه

زينه :  صاحبك  من أمتي.  زين ملوش صاحب اسمه يوسف

يوسف : يعني انتي عارفه صحابك اخوكي كلهم

زينه : لا يا استاذ . انا محترمه ومسمحش انك تكلمني كدا.  فكرني ايه.   سلام

قفلت في وشه.  يوسف اتصل مره تانيه

بس هي مردتش . 

كان قاعد في اوضته  مضايق ..

دخلت مامته : يوسف .  بنادي عليك من بدري مش بترد ليه

يوسف :  معلش يا امي  مخدتش بالي.   خير في حاجه

الام :   . مالك يا يوسف 

يوسف  بيبص علي الموبيل :  مفيش 

.الام :  لا في .  حيران ليه .. احكيلي يمكن اقدر اساعدك

يوسف : حاسس اني غلطت. بس مش  قصدي

الام :   مش فاهمه حاجه منك .

يوسف حكالها أنه كلم صحابه واخته ردت و الكلام اللي قاله

الام :  هي مهمه عندك عشان تخاف علي زعلها