تؤامي المجنون ( أخواتي قنبله ذريه)مكتمله

the end

الاخيره

 
  في المركز كان زين مركز زي ما زينه قالتله وبيبلغها بكل حاجه بتحصل  اتصل بيها
.

زين : انتي واثقه في اللي عايزه تعمليه.  الموضوع خطر    انا شايف أن الاحسن نبلغ يوسف هو يتصرف

زينه : لا . مش هنبلغ يوسف غير اما نمسك دليل زي ما قولتلك.   ..  خليك بس زي ما انت وافتكر كل اللي اتفقنا عليه لو الحكايه زنقت اوي.  بلغ اي حد

زين : انا مش عارف بساعدك ليه.  والله ليه حق يوسف يحبسك وميخلكيش تخرجي من البيت.

زينه : انت بتساعدني عشان أنا اختك حبيبتك. و انت اخويا شقيقي وربي .  الغالي

زين : ماشي يا زينه انا نشوف اخره جنانك ايه 

قفلت مع اخوها ووقفت قدام الدولاب تختار فستان تلبسه عشان تروح تسهر

زينه : ابو شيماء هيتهور وهصرف وابقشش علي نفسي.  انا بقالي قرن من الزمن مروحتش الكوافير  أما اروح اروش علي نفسي ..

نزلت الكوافير ظبطت نفسها وعملت مكياج

: بقولك ايه يا اختشي عايزه البس باروكه حلوه.  عندك الوان ايه ..

الست : قوليلي بس المناسبه وانا اشهيصك.  عندي باروكه منيره المفتريه ودي برتقالي ولعه .. وعندي الست الطريه ودي احمر ناري علي ابوه.   وعندي ياختشي البت الطقه ودي ازرق إنما ايه اخر سكلانص
تاخديلك واحده بلامبو اكسجين ٨٪  تدخلي علي جوزك من هنا يفكرك هيفاء وهبي
متنسيش تلبسي التايجر عشان تسبكي الدور 

زينه :يا ختشي هو انا متجوزه ابو هشيمه عشان البس تايجر،  اللي بتقولي عليهم دول شغل اداب.  انا عايزه حاجه طريه .عشان اغير من نفسيتي  .

الست : امممم . حاجه طريه . البسي باروكه  هاي لايت ودي زيتوني في اصفر خلطبيطه بالصلصه.  وانتي لونك حلوه هتاكل منك حته

. زينه :  هاتي يا اوختشي.  ربنا ما يوقعك في ضيقه لحسن الراجل هيتجوز عليا . قولت اروح الفرح وأنا ملعلعه عشان يرجعلي .
.

الست : بسسس سيبي نفسك ليا هطلعك من تحت ايدي وله صافيناز في زمنها.  رجاله عينهم زايغه.  والبني يا اوختشي ما هيلاقي زيك لو لف الكون

زينه : متشكره علي ثقتك الغاليه دي  ، الله يعمر بيتك ويجبر بخطرك

قعدت زينه تحت ايد الست بتاعت الكوافير وبعد ساعتين بصت علي نفسها في المرايا 

صوتتت لابسه باروكه حمرا وكل المكياج احمرات  : عاااا عفريت.  انتي عملتي ايه فيا يا وليه . ايه كميه الاحمر اللي في وشي دي  .  اما بقيت عباره عن ديك رومي بريش احمر.   وله صباح وهي بتغني ساعات ساعات

الست : اسمعي مني يا اوختشي.   تلبسي فستان بشارشيب وتشغلي اغنيه مخصماك ابعد عني عشان مش طايقك