اخواتي 32
👑لا اله الا الله محمد رسول الله 👑
زين اول ما خرج من عند زينه. راح علي المعسكر كان يوسف هناك
دخل وهو متعصب وقفل الباب. يوسف بصله ببرود
زين : يوسف انا من وقت ماعرفتك وانا بحترمك جدا . بعيدا عن الهزار والضحك اللي بفك نفسي بيهم عشان الضغط العصبي ، بس مش لاقي مبرر ليك.
زينه حامل وهي بتحبك وعلي ما اظن انك كمان بتحبها. بلاش تجرحها . كلنا بنغلط وبيجي علينا وقت نتهبل .. احنا شباب زي بعض وبنضعف. بس مش مسموح ليك في الوقت ده تهدم بيتك. زينه هتدمر لو عرفت اللي بتعمله . شوشو دي شمال انت مش وش كدا .
يوسف : قولت اللي عندك خلاص . خد الباب في ايدك واطلع بره
زين : انت ازاي بارد ومستفز كدا. انا جاي اتكلم معاك راجل لراجل. بلاش تدمر بيتك . مراتك حامل
يوسف ' قولتلك بره يا زين . انا مش عايز اتكلم دلوقتي. كل حاجه هتعرفها في وقتها ومتخفش علي زينه انا عارف بعمل ايه.
زين : انا لحد دلوقتي واقف في صفك. بس لو جتلي زينه وهي زعلانه انا هكون ضدك
خرج زين وهو متعصب . يوسف مسك رأسه بتعب
يوسف: فتره وهتعدي . هانت خلاص
..
زينه كانت قاعده في البيت والموبايل رن بصوت الرساله
كان رقم غريب . الصور فيها يوسف معاه واحده وحضنها وخارجين مع بعض.
زينه : دي هي . البت دي شوفتها معاه قبل كدا .
رساله جت تاني وفيها عنوان البيت
لبست زينه واتصلت علي زين يجيلها..
..زين' مالك يا زينه بتترعشي كدا ليه. انتي تعبانه
زينه : يوسف بيخوني يا زين . انا شوفت الصور. بص هما مع بعض ازاي
زين ' حبيبتي اهدي عشان اللي في بطنك. اهدي وانا هعملك كل اللي انتي عايزاه.
زينه: عايزه اروح العنوان. عشان خاطري يا زين تعال معايا. انا مش قادره اقف علي رجلي
حاول يقنعها متروحش بس هي أصرت، راح معاها علي البيت ووقفت رنت الجرس
زين كان خايف عليها وشها اصفر وجسمها بيتنفض
اتفتح الباب وشوشو كانت واقفه بتضحك: يوووه انت جيت يا زين. ينيلك عرفت الشقه ازاي
زينه زقتها ودخلت كان يوسف قاعد جوه
اول اما شافها وقف : زينه بتعملي ايه هنا ، انت قولتها
مقدرتش تتكلم لسانها وقف وعقلها كمان . عايزه تصرخ بس الصوت مش طالع
حست بوجع في بطنها نزلت علي ركبتها وهي بتعيط وايدها علي بطنها
زين : حد بطلب الإسعاف بسرعه. لا. زينه ابوس ايدك لا
أنت تقرأ
تؤامي المجنون ( أخواتي قنبله ذريه)مكتمله
Humorقررت تنتحل شخصيه اخوها بعد ما سافر وراحت علي الكليه مكانه. هيحصل ايه تابعو هتعرف🤫🙆
