اخواتي 28
بعد ما خرجو من مقر المنظمه. كان الفريق مجهز طياره إسعاف عشان تنقلهم لمصر
في الطياره
زينه ماسكه ايد يوسف وقلقانه عليه. الممرضين هناك وهو لسه مفقش بتسال الممرضه وهي متعصبه
ادم : زينه سبيهم يشوفو شغلهم ، متخفيش عليه هيفوق وهيكون كويس . يوسف قوي
زينه : كان لازم يتعالج هنا مش فاهمه انتم ازاي تعملو كدا فيه جسمه كله جروح ده غير الجرح اللي في راسه
رعد : كدا امان ليه ولينا . المقر كله بيتحرك وعايز يرجع يوسف ويقبض علي المقتحمين. الممرضين بيعملو الإسعافات الأولية واول ما نوصل هيتحول للمستشفي
ساعات بتعدي بصعوبه وزينه مش عارفه تهدأ
اول اما وصلو كان في جهاز طبي شامل خد يوسف منهم .
ادم اتصل بزين وقاله أنهم وصلو مصر وفي المستشفي مع يوسف
اخيرا خرج الدكتور وهو بيطمنهم علي يوسف
وقالهم أن الأجهزة الحيوية في الجسم سليمه بعد ما عملو اشاعات
زينه : طيب هو مفتحش عينه ليه
الدكتور : الضربه كانت قويه وفي المخ حصل ارتجاج وهيكون ليها اضرار بس اول ما يفوق هتعرف بالظبط حصله ايه
زينه كانت هتضربه وادم مسكها بسرعه : اومال ليه بتقولي أنه سليم . ودلوقتي جاي تقولي الضربه هتاثر عليه. انت مجنون
وصل زين واخواته وشافو زينه بتتخانق مع الدكتور
جريو عليها وبعدوها عنه
زين : ليلتك سودا يا زينه. انتي فاكره أن رعد هيسكت مش بعيد يعلقنا في زنزانه واحده
زينه : متخفش ياض . هو انا تلميذه
مراد : اه تلميذه وغبيه ومجنونه كمان. انتي ازاي تتصرف بالطريقه دي . افرضي كان حصلك حاجه
منير : هو انتم كلكم عليها . خلاص اللي حصل حصل والمهم أنها كويسه. خلينا نفكر هنعمل ايه لو رعد بلغ باللي حصل
زينه : قولتلكم متخفوش . انا عملت حسابي ومعايا اللي هيسكته. بس اطمن علي يوسف الاول انا بجد هتجنن لو حصلها حاجه
زين : هتتجنني اكتر من كدا ايه . انتي فيوزات دماغك ضاربه
ادم : ارجعي البيت انتي تعبتي ومن وقت ما سافرنا وانتي مش بتنامي كويس
زينه : مستحيل. اطمن الأول علي يوسف
دخل رعد ووقف قدام زينه. زين وادم وقفو ورفعو ايدهم بتحيه عسكريه
رعد : انت بقي زين . فعلا شبهه بعض اوي . استعد عشان انت واختك هتتحولو للتحقيق العسكري
أنت تقرأ
تؤامي المجنون ( أخواتي قنبله ذريه)مكتمله
Humorقررت تنتحل شخصيه اخوها بعد ما سافر وراحت علي الكليه مكانه. هيحصل ايه تابعو هتعرف🤫🙆
