تؤامي المجنون ( أخواتي قنبله ذريه)مكتمله

المقدمه

اخواتي قنبله ذريه ( تؤامي المجنون)

المقدمه

      👑لا حول ولا قوه الا بالله العلي العظيم 👑

انا زينه بنت وحيده علي ثلاثه اولاد .   قصدي ثلاثه قنابل ذريه ..

حياتي جحيم بسببهم .   

بابا وماما متوفين واحنا الاربعه عايشين مع بعض.  طبعا المعاش اللي بيطلع بندبر نفسنا ونصرف منه . علي الشهريه اللي بيبعتها خالي من بره.  

هعرفكم دلوقتي علي اخواتي . 

اول واحد الكبير فيهم  مفروض يكون العاقل  هو
( مراد ).
مراد بقاله سنتين في  رابعه  كليه اداب .   بس هو فاشل بيحب يسقط.. عنده ٢٣ سنه

تاني  واحد وده : منير  .. وده في كليه اعلام سنه  رابعه .. عنده ٢٢ سنه

الثالث بقي وده توأمي  : اسمه   زين   في سنه ثالثه كليه  الحربيه .  ٢١ سنه

الثلاثه دول بتوع بنات من الدرجه الاولى    حياتي كانت  جحيم في ثانوي بسببهم ودلوقتي بيروحو  الجامعه عشان بس يشقطو البنات وانا اللي بدبس في الموضوع . وبضرب كل علقه  وعلقه . عشان كده اتعلمت الكاراتيه ..عشان ادافع عن نفسي

نسيت اقولكم اني  في كليه السن سنه ثالثه

.....

في البيت

مراد. : زوزو حبيبتي.  جهزتلك الفطار

زينه : ليا انا
مراد : اه طبعا.  هو انا عندي كام زينه في حياتي.  يا احلي حاجه
زينه : الفطار ده في ايه.   سم صح

مراد : اخص عليكي يا زوزو .. كده تشكي فيا

زينه : قلبي مش مطمن

مراد : ليه بس يا قمر.   ده انا مراد اخوكي .

زينه :  عشان انت مراد اخويا.  بقولك قلبي مش مطمن . اتفضل قول عملت ايه يا مراد
مراد : انا غلبااان . معملتش حاجه . بس كنت عايز منك خدمه صغيره قد كده

زينه : شوفت.  قلبي عمره ما كدب عليا . قول خدمه ايه

مراد : سوسن اللي ماشي معاها . عيد ميلادها الشهر ده وانا مش معايا فلوس . 

زينه : وله انا . انا علي الله حكايتي ويدوبك المعاش بمشي بيه البيت ، وبعدين انت بتشتغل بعد الجامعه. 

مراد : لا .. ما الحكايه مش فلوس.   انا اصلا زهقت من البت.   وعايز افركش . فقولت مفيش غير زوزو قلبي اللي هتساعدني

زينه :زهقت منها ليه . ده البت كانت كل شويه تجبلك هديه غير الاكل اللي كل شويه تعمله

مراد : بتتحكم فيا . ونكديه نكد مشوفتش علي حد

زينه :  طلعني من الموضوع ده يا مراد ..

مراد.  : عشان خاطري يا زوزو.