25
اللهم صل علي نبينا محمد وعلي ال محمد كما صليت على ابراهيم وعلى ال ابراهيم في العالمين انك حميد مجيد
رجعو البيت عند زينه والخناقه بينهم كانت كبيره
زينه بتأكل الجاتوه اللي خدته من الحفله وبتشرب بيبسي وبتتفرج عليهم
توبا بتتخانق مع مراد. وايجه مع منير . وميرا مع زين
زين : انتي بتفتري عليا عشان أنا غلبان ويتيتم
ميرا :يعني انت يتيتم وانا اهلي في المالديف. ما انا يتيمه ذيك . يا شيخ اتقي الله دي حتي اختك مش راضيه عن اسلوبك
زين : محصلش اختي دائما في صفي . بذمتك يا زينه انا بعمل غلط .
زينه : مين .. ده يعمل الغلط. ده الغلط شمال واخويا دائما يمين . ظالمه مفتريه ، اقعد ارتاح وتعال كل جاتوه. طعمه تحفه . ميرا هو انتي متعبتيش بقالك ٣ ساعات بتتخانقو
.. توبا : انتي بتاكلي وله في بالك . انا بفكر اسافر تركيا ومرجعش هنا تاني
زينه : ليكي حق الصراحه. الاشكال دي متتعاشرش
ايجه : انا كمان. شكلي هرضي بابن صاحب ماما
منير : ترضي بيه ازاي. مش فاهم ، خلي كلامك واضح
زينه : اهدا يا منير يا خويا . هيكون قصدها ايه . اكيد هتتجوز واحد محترم غيرك يا بتاع طنط جميله
خدت البنات جنبها وقاعدين ياكلو ويعيطو. والشباب في اوضه تانيه
زينه : خلاص ياختي منك ليها. هما كدا ملهمش امان. بنستفاد ايه منهم غير انهم بيعلو الضغط ويجيبو السكر. اللا صحيح السكر عندكم غالي في تركيا وله اسعار التموين ايه
بص لها بقرف وكملو اكل
زين : حد يشوفلي حل. ميرا عايزه تطلق . وانا مش هستغني عنها
منير : ميرا طيبه وصعب تتطلق . لكن التانيه خلاص قررت تسافر وتتخطب لواحد تاني .
مراد : توبا بتتحداني وعايزه تسافر. القطه المغمضه خلاص فتحت دي كانت نسمه وملهاش صوت .
زين : احنا لازم نصالحهم .
اتصلو جابو بوكيه ورد لكل واحده منهم
زينه فتحت لتوصيل : احنا مش طالبين ورد . معكش كفته وله كباب
الراجل : لا يافندم والله ، البوكيهات دي . باسم
زينه : اكيد باسمي. يوسف حب يعملي مفاجاه. حبيبي منسنيش رغم أنه بيخوني . اصله بص هو سافر تبع الشغل . بس انا حاسه انه بيخوني . تفتكر بيخوني
الراجل : انا مالي يا استاذه بيخونك وله لا . الورد ده باسم ميرا وتوبا وايجه . معرفش اسامي دوا وله ايه . خوديهم مني عشان زهقت من الشغلانه دي
أنت تقرأ
تؤامي المجنون ( أخواتي قنبله ذريه)مكتمله
Humorقررت تنتحل شخصيه اخوها بعد ما سافر وراحت علي الكليه مكانه. هيحصل ايه تابعو هتعرف🤫🙆
