تؤامي المجنون ( أخواتي قنبله ذريه)مكتمله

24

اخواتي 24

يوم الخميس

مراد ومنير عدو علي زين وخدوه معاهم في العربيه

اما البنات  فهما اتفقو مع بعض عشان يراقبو الشباب ويراحو وراهم الحفله

ايجه   في العربيه مع توبا  اتصلت علي ميرا وزينه
: انزلو بسرعه هما مشيو

نزل الاتنين يجرو  علي العربيه

ميرا : يلا بسرعه وراهم . عايزين نقفشهم بدري بدري

  ايجه : يووه اهم تاهو مننا .  هنعمل ايه دلوقتي

زينه : انا سمعتهم بيقولو علي العنوان وعارفه طريق مختصر هنوصل قبلهم

توبا :شاطره يا زينه .  مش عارفه من غيرك كنا هنعمل ايه

زينه : مكنتوش هتقفشوهم ، ربنا يقدرني علي فعل الخير

ميرا : هما ولاد حلال ويستاهلو كل خير

زينه : علي رايك هما مش اخواتي . بس مصائب متحركه ، يلا ربنا يهديهم

وصلو البنات الاول ووقفو بالعربيه علي جنب

ميرا : هما اتاخرو ليه
زينه :  متقلقيش . مصيرهم  يوصلو ، هيروحو فين مننا يعني

توبا : اهم هناك  انا عارفه عربيه مراد المعفنه دي

     نزلو الشباب من العربيه ودخلوا الفيلا

والبنات وراهم

الحارس : انتي مين انتي وهي.  وداخلين فين

زينه :يعني يا وحش كل اللي دخلو دول  ومسالتهمش واحنا اللي مش  عاجبينك  ،وقفنا في زورك

الحارس : كلهم قالو داخلين لمين لكن انتي مقولتيش داخله لمين

زينه : انا داخله. داخله . هي كانت اسمها ايه الوليه ام اربعه وأربعين

توبا : جميله المصري

زينه :  احنا داخين لامينه المصري

ايجه اسمها : جميله، يا زينه بتقولك جميله

زينه : ايوا. هي منيره المصري

الحارس : امشي يا بت من هنا . انا شاكلك انك  حراميه

زينه : ليه . كنت نشلت منك ايه ياخويا . شايفني لابسه مخطط وله ماسكه طفاشه  في أيدي

الحارس : غوري من وشي يا بت انتي بدل ما اضربك  ..

زينه : انت عارف انت بتكلم مين . ده انا جوزي ظابط جيش ،   عارف يعني ايه ظابط ،   بس معلش انا  هسامحك . سبني ادخل بقي

الحارس شلها بعيد ورمها علي الارض : بقي انتي متجوزه ظابط . ده انتي شبهه كبوت العربيه ..  لو شوفتك قريب من الباب هعلقك علي البوابه