30
👑لا إله إلا أنت سبحانك إني كنت من الظالمين 👑
يوسف لحق زينه قبل ما تقع عليه الارض : ماتت. احسن خلصت منها
منير : انت فرحان فيها اوعي يا عم . البت اغمي عليها . حد يتصل بالاسعاف
يوسف : متخفش عليها. دي كسرت دماغ البت الغلبانه. هيحصلها ايه يعني هتقوم زي القرده. حد يشوف شوشو شكل راسها اتكسرت من ضربه اختك المفتريه
زين : عقبال راسك اما تتكسر . اصبر بس دي زينه هتفوق وهتعملك كفته . انت فاكر الموضوع هيعدي علي خير
يوسف : اه هيعدي عارف ليه عشان انت السبب في اللي حصل ، مش عايز اسيحلك قدام مراتك واقول انك اللي جايبني هنا عشان اروش علي نفسي
زينه بتفوق : انا فين. انا مين . انا ايه
ميرا : لا فوقي . انتي هتفقدي الذاكره ، انا هقولك اهم عناوين الاخبار. احنا جينا هنا نقفشهم لقينا جوزك المحترم بيخونك مع واحده اسمها شوشو. وانتي ضربتي البت بالروسيه وقعتيها علي الأرض
زين : تصدقي يا بت يا ميرا . تنفعي مذيعه نشره اخبار .
منير وقف وهو بيمثل وفتح أيده وهو بيقول " انا مش مصدق ودني يعني انتم كنتم شاكين فينا. احنا يتشك فينا . احنا . لا اصدق ما اسمع
مراد : بالظبط. احنا ناس بريئه مفروض نتعامل احسن معامله مش يتشك فينا ومن مين منكم انتم. ده شئ لا يصدقه عقل
توبا : انتم تاريخكم مشرف بصراحه وليكم سوابق ولينا حق نشك فيكم . بس خرجتم منها .
زينه : كدا يا يوسف. بتخوني ومع مين. مع البرص الجعان . انا مش مسامحاك يايوسف
يوسف : احسن برضو. انا اصلا مش طايقك ، انتم متاكدين اني كنت بحبها . شكلي كنت مغفل
زينه : بجد . خلاص طلقني يا استاذ يوسف . روح مع ست شوشو بتاعتك دي
يوسف : تمام . هطلقك واعيش حياتي زي ما انا عايز
زينه : انا مش هحاسبك دلوقتي. لينا حساب اما تفوق لنفسك وترجع تاني يوسف اللي اعرفه . حد يوصله لمامته عشان يقعد معاها. لانه لو قعد معايا مش بعيد اخنقه بايدي
لسه هتخرج من المكان كان في ناس ملثمين داخلين باسلحه
رجعت تجري علي جوه وهي بتصرخ باسم يوسف
ايجه : انا برضو بقول مش هتعدي الموضوع بالسهل. هتضربه اكيد . بصي الدخله دي دخله مافيا
توبا : انا بقول هتفتح دماغه أو هتعوره في وشه .
زينه اترمت علي يوسف وقعته علي الارض عشان محدش يشوفه لانهم اكيد من المافيا وعايزينه : زين اتصل بالجهاز في مسلحين داخلين المكان
أنت تقرأ
تؤامي المجنون ( أخواتي قنبله ذريه)مكتمله
Humorقررت تنتحل شخصيه اخوها بعد ما سافر وراحت علي الكليه مكانه. هيحصل ايه تابعو هتعرف🤫🙆
