" မောင် ငါ့ကို သူမနဲ့ မိတ်ဆက်ပေးလိုက်တာနဲ့ အပြစ်ကျေသွားပြီလို့တွေးနေတာလား ''
ပြန်သွားတဲ့ မီရန်ဒါကို မေးငေါ့ပြီး ပြောလာတဲ့ ချစ်သည်းတုန်ရဲ့ စကားကြောင့် ဝမ်ရိပေါ်က သက်ပြင်းလေးခိုးချပြီး ပြုံးလိုက်သည် ။
ချစ်သည်းတုန်က မောင့်ကို သဝန်တိုနေတာပဲ ။
" ဘာလို့ငြိမ်နေတာလဲ... ပြောလေ ''
" မောင်ဘာအမှားလုပ်မိလို့လဲ ချစ်သည်းတုန်.. မောင်က သူ့ကို သာမန်အပေါင်းအသင်းအဆင့်တောင်မထားထားပါဘူး.. ဆိုင်ကိုလာတဲ့ Customer တစ်ဦးသက်သက်ပဲလို့ မောင်တွေးထားတာ ''
မောင့်ရဲ့ လေသံက ကလေးငယ်ကို သကြားလုံးတွေ ပေးကာ ချော့မြူနေသလိုပင် နားဝင်ချိုနေခဲ့သည်။ မောင့်ကိုယုံကြည်တာမို့ အထင်လွဲတာမျိုးမရှိပေမယ့် မောင့်ရဲ့ ချော့မြူမှုတွေကို နှစ်သက်တဲ့ ချစ်သည်းတုန်က ရောင့်တက်ချင်သေးသည်။
" မောင့်အပေါ်မှာ သူမကတော့ မရိုးသားဘူးလေ သူမရဲ့ မျက်ဝန်းတွေကို ငါရိပ်မိတယ်.. မောင်လည်းရိပ်မိနေမှာပေါ့ ''
အကဲခတ်မျက်ဝန်းတွေနဲ့ ကြည့်လာတဲ့ချစ်သည်းတုန်ကြောင့် မောင့်မှာ အသက်ပင်ဝအောင်မရှုရဲပေ။
" ချစ်သည်းတုန်..မောင့်ကို သဝန်တိုနေတာပဲ ''
" ဟုတ်တယ်.. အဲ့တော့ ဘာဖြစ်လဲ မကျေနပ်ဘူးလား ''
ဘောက်ဆတ်ဆတ်စကားဆိုလာသော ချစ်သည်းတုန်ရဲ့အနားကိုသွားက အသာလေးထွေးပွေ့လိုက်တဲ့ မောင်ရဲ့ မျက်နှာကချိုသာဝင်းပနေခဲ့သည်။
" ချစ်သည်းတုန်က မောင့်ကို မယုံကြည်ဘူးလား ''
" မောင်... ငါ့ကို စိတ်မရှည်တော့တာလား ''
မေးခွန်းတစ်ခုအတွက် ချစ်သည်းတုန်ကအဖြေမရှိပေမယ့် မေးခွန်းတစ်ခုတော့ရှိနေတတ်သည်။
" ရော်...မောင်က စိတ်မရှည်သလို ဘာများပြုမူမိလို့လဲ...မောင်က ချစ်သည်းတုန်ကို လေသံကျယ်ကျယ်တောင်ပြောဖူးတာမဟုတ်ဘူး ''
" ငါစိုးရိမ်လို့ပါ ... ငါ့မှာ မောင်ပဲ ရှိတာ.. မောင့်ကို မယုံကြည်တာမဟုတ်ပါဘူး..ကံတရားကိုမယုံရဲတာ ပြီးတော့ မောင့်အနားမှာ မိန်းမတွေများပြားတယ်လေ ''
VOCÊ ESTÁ LENDO
The Billets-Doux From Wang ♡.[Completed ]
RomanceStart Date... July 11 2022 End Date... August 10 2023 ယမ်းနံ့တွေပြည့်နေတဲ့အကျည်းတန်တဲ့စစ်တလင်းပဲဖြစ်ဖြစ်၊ ပန်းရနံ့တွေ ထုံသင်းနေတဲ့ လှပတဲ့ နေရာလေးပဲဖြစ်ဖြစ် ငါ့အတွက် ကိစ္စမရှိပါဘူး... မောင်သာ ငါ့ရဲ့အနားမှာရှိနေပေးရင် ငါ့အတွက်အဆင်ပြေပါတယ်... XiaoZha...
![The Billets-Doux From Wang ♡.[Completed ]](https://img.wattpad.com/cover/311711819-64-k727596.jpg)