#صدفة
#الكاتبةورودالخالدي
البارت2
ڤيان::::
يربي وين صارت ماما مو كالت اخابرج راح تصير الساعة بالعشرة ومتصلت..كلت خلي اتصل بيها اني ولو معندي بس..ترميشة بس ميخالف خلي ارمش عليها بلكي تتصل..رمشت عليها اتصلت بسرعة:
هااا..ماما وين صرتي شو تأخرتي..مو كلتي اذا اتأخر اخابرج!!
الاستشارية ازدحام عبالك مو طبيب ..توزيعه !! وبقيت منتظره الى ان وصلنا السره قبل ربع ساعة الدكتور شاف روان وهسه دخلنا بالطواري شكلولها مغذي وخلولها ٣ ابر ..وكام يحجي عليه الدكتور يكول عدها هبوط لان مماكله شي وهاي الصخونه من الالتهابات..
اي ماما هي..صارلها يومين متاكل بس مصخنه خفيف واليوم زادت صخونتها!!
احنا فد ساعة لو ساعة وربع يخلص المغذي ونجي عود سويلها شوربه خفيفة حتى تاكلها وتنام خطية!!
ماشي ماما..
وقبل متسده تذكرت الشامبو فسألتها:
يوم وين مخليه الشامبو شو نزلت ملكيته بالحمام!!
اي اني شلته صار اكثر من مره اخلي بالحمام..والكاه طاير نصه..هاي ام البيت الله يغفرلها مدري تسبح بيه مدري تشربه🧋🧋🧋 شنو اضل يوميه اشتري شامبو وهي اطشر بيه..تلكيه بالكاونتر بالخانات الفوك..
هااا..اي ..اني راح اسبح واسوي شوربه هسه.
وسدته
برير:::::
وصلنا لبيت حكيمة الساعة بالعشره تقريبا..هو دخل يمها بغرفتها واني..كعدت بالصاله ورثت جكارتي وكعدت ع القنفه التلفزيون مشتغل بقيت اكلب بالقنوات...بقيت دقايق اشو حسيت اكو حركة وره الجام خانه انتهت زين شفت ...وحده لابسه تراك مشجر..بس ممبين شي منها بس لون التراك لان الجام مغوش...فكرت هاي شنو اول مره اشوف احد ابيت حكيمه ...بس منو هاي..يعني اول شي خطر على بالي كلت اي بيتها طابقين واحتمال الطابق الفوك هم بيه بنات وجماعة ..بعد هو بيت موزين اكيد نشوف بيه اشكال والوان
..
بقيت اباوع ..يعني من خلال الجام مبينه الي وره الباب لشه وطول ويمكن موجبيره بالعمر لان مو قزمة وسمينه مثل حكيمة ..جسمها مبين قالب حلو..ماكو يمكن اقل من ١٥ ثانيه لمحتها واختفت بعد مشفتها وره ربع ساعه هم شفت وحده تتحرك بس هالمرة يمكن لابسه لون وردي ومدري شنو على راسها ..هاي شنو ..ذني كم وحده يعني شنو مجموعة بنات لو شنو السالفة شو كل شويه وحده شكل..زاد فضولي ..لان مبينات بنات من شكل جسمهن مو نسوان كبار ..هسه اني عليمن كاتلني الفضول خو ..اكوم افتح الباب واشوف هو بيت مال ..ونسه..وخايس ليش متردد..بس يمكن يمهن جماعة فوك ..لعبت نفسي..من فكرت هالشكل ورجعت اكول لنفسي يمكن وحدهن واصعد اخذمنهن المقسوم..اي بس ابو ضياء يتونس قابل هو احسن مني🙌
