تعال اكعد خلي نحجي؟؟
يابه معندي حجي وياك راجع منين ما اجيت؟؟
راجع شنو بكيفك انت..بعدين ليش كلما ادك عليك برقم تحضره وليش كلما اريد التقي بيك تضيع وجهك..هاي هيه ع مود مشكله زغيرة تبريت مني!!
يابه منو الي تبره من الثاني تره انته الي تهمتني وطردتني!!
مشكله وصارت واعتقد دريت اني طلكتها لهالكلبه بت الكلب الي رادت تهجم بيتي بسوالفها وسحرها..
هسه صارت كلبه بت كلب وهجامة بيوت لعد شلون صدكتها واني ابنك من دمك ولحمك طردتني..بالشارع..ومانع حتى اخواتي يتواصلن وياي؟؟
ساعة شيطان وراحت شنو تتبره مني يعني!!
خليك بمكاني افرض لو اني تاهمك وكايلك انت متحرش بمرتي وطاردك من بيتي راح تنسه راح ترجع طبيعي. علاقتك بيه؟؟
