#صدفة
#الكاتبةورودالخالدي
البارت٥
ڤيان:::
فكرت انه من زمخت بيه وكتله منو انت حتى تكولي ممنوع راح يستحي ويسكت بس هو صوته مثل الرعد باذني من رد عليه بقوة:
كتلج بعد متكعدين يمهن بالاخير ....ومتحجين وياهن حرف واحد ..ولا تتواصلين وياهن لا بالكليه ولا بغير الكليه!!!!!
ياااا هذا شبي وياي ووشمعنى سرور وهنا هيج حددهن ومصر على كلامه وتذكرت هو جان عينه منهن ومراقبهن ..اهااا هسه فهمت وبسرعة رديت عليه:
وانت شكو توجهلي..اوامر وتصيح عليه..وشمعنى سرور وهنا حددتهن...
راد يحجي ..اني..كملت كلامي وكتله؛
لا ..اوكف اني اكولك ليش ..وشنو السبب السخيف الي مخليك هيج تحجي وياي..وبدون اي وجه ..حق ..حضرتك جنت مخلي عينك عليهن من استلمت الخط لحد الان واحتمال ..منطنك مجال ..فجاي هسه اطلع حرگتك..بيه ..تعال اكولك اني شعليه بيك وبيهن وشكو ..غاضب عليه.؟؟
شو هذا وكف السيارة فجأة وكلي بصوت يخوف:
انجبي لج..غبية..اني..مخلي عيني على هيج زبايل!؟؟
احترم نفسك ولتتجاوز حدودك ..شنو تكولي..انجبي ..بعدين اي اني شفتك اكثر من مره مخلي عينك عليهن وتراقبهن طول الوقت ليش..تنكر!!
خرررب لج شنو مخلي عيني..عليهن ..اني صح مراقبهن بس مو بالمعنى الي عقلج المجيم مصورلجياه!!
لا هو هذا المعنى الصحيح بعدين شعبالك..هنه بنات كليه وشفتهن شلون مرتاحات واهلن اكيد هاي لايف شعبالك يباوعن على شكولاتك..اكيد صدنك وطيحن حظك ..وجاي تذب حركتك بيه واكيد تريد اطلع عليهن اشاعات مو بعيده على واحد مثلك..
هاا..ميباوعن ع شكولاتي ليش شبيها شكولاتي ..ست فيان بعدين شنو بنات كليه....والكليه فد مندله..يعني هم درست وخلصت كليه..وتعبت ع نفسي وهنه...من يتخرجن ..شنو..ميزتهن عني حتى ميباوعن ..لشكولاتي ع الاقل اني رجال وجايب لكمتي بچدي....وتعب ذراعي ..ومن حلال صافي....وما اتقارن ابنات زباله مثل سرور وهنا.. وحضرتج من كلتي مراقبهن وعيني..عليهن انتي متوهمه وفاهمه الموضوع بالعكس....اني مراقبهن لان مرتاحيت الهن ..من اول يوم لزمت الخط ....ومرة وصلتجن وسيارتي طفت قريب من الكليه واستغربت من شفتهن رجعن طلعن من الكليه واجه ولد صاعد سياره حديثه اخذهن وراح..صار عندي..فضول وضليت اراقب تصرفاتهن وعرفت هنه بحجة الدوام يطلعن ..ويلتقن مو برجال واحد لا بزلم اشكال والوان ..ويوميه هنه بشقه شكل واصلا اهلهن موهاي لايف مثل متحجين اهلن ناس عاديين وهذا لبسهن وكشختهن ..جاي..من شغل ثاني..اعتقد فهمتي قصدي
انصدمت من كلامه ..فكتله
برير..واني..ش..
بعدني ممكمله قاطعني!!
