#صدفة
#الكاتبةورودالخالدي
البارت٦
ڤيان:::
هو نزل واضح انه هو..حيل خجل من كلامي لان مجان عنده رد غير ماشي براحتج..اني كملت لم الملابس ونزلت واكيد بعد مشفته الى ان اجه وقت الروحة للكليه نزلت من العمارة الصبح ..لكيته منتظرني بره ولكيت سرور وهنا كاعدات بمكانهن فأني من صعدت مرحت كعدت وره لا ..كعدت بالكشن الي..ورة السايق مباشرة وسمعت سرور كالت:
هااا ڤيان اليوم مغيرة مكانج؟؟
اي..صايرة اختنك من اكعد بالاخير ما ادري ليش فغيرت مكاني!!
هااا براحتج..عيني
شلت راسي كلت يمكن الكاه انتبه لتصرفي وكعدتي..وراه شويه تخفف من جو التوتر لان بصراحة اني..هم حيل ضايجه من كل المواقف الي بيني وبينه واريد هالجو المشحون بينا ينتهي..ونتصرف بشكل طبيعي..بس من شلت راسي شفته منتبه ع الطريق لا باوعلي ولا شي ووصلنا للكلية عادي ومن يومها اني اكعد بنفس الكشن الي ..وراه وهو..يتصرف طبيعي وحتى مبادلني..اي كلمة او نظره او غير شي ومرات خلال النهار اشوفه من اطلع اشتري شي لماما لو اصعد اشر ملابس ..هو مدنك ابد ميشيل راسه ولا حتى نتبادل سلام ..اي الحمد لله صارت الامور طبيعيه بيناتنا وهو تفهمني وابتعد واني هم مرتاحة الهل الوضع...وخلال هالفترة الي احسها مثل الهدنه الزغيره لاحظت ..تصرفاته واخلاقة ويه البنات وويه الناس ..واستغربت اشو هو..حيل مؤدب ..وهاديء..وحتى البنات الي بالخط حيل معجبات بيه
ويكولن عليه حيل مؤدب وميشيل عينه..وكامل مكمل خلقه واخلاق..ومالت الله..هو شكله كولش جذاب يعني هوسايق..والمفروض لابس ملابس شغل عاديه بس لبسه ابد مو عادي....يعني يلبس لبس يجنن ..ومعتني بشعره ..واديه يلمعن..ونظيف ..هيج يلمع ينكرط كرط من النظافة ويوميه يلبس ساعة شكل يضون بايده....والاكثر من هذا ملامحة..حيل حلوه يعني عيونه مليانات هدوء..ولحيته سوده ضايفه جمال لشكله..وفوك هذا هو طويل وجسم ..يعني كل مواصفاته..كامله مكمله من ناحيه الشكل ..بس ما اعتقد عبارة خلقه واخلاق الي يكولنها عنه البنات تنطبق عليه صح شكله بيرفكت..بس ما اعتقد ..اخلاقه هم هالشكل..لان الموقف الي جمعني بيه عكس اي تصرف اخلاقي اشوفه يصدر منه..
وخلصت الامتحانات وبدت عطلة نص السنه الي جانت اسوء ايام نمر بيها اني وماما وروان..لان روان بده مرضها ..ياخذ طور ثاني..صارت بين يوم ويوم تورم رجليها واديها..والعفو الادرار مالتها لونه جوزي ومرات بيه دم..ومرات اساسا متكدر تدرر..ماما تخبلت بين يوم ويو تاخذها لطبيب شكل..هلكت ماما هلاك من الروحة للاطباء الي كل واحد يحجي..شكل وينطي علاج شكل...وحتى شغلها مرات متروحله والدكتورة ربي يجزيها خير تعذرها وتخلي بمكانها الصيدلاني..وحتى مرات تنطيها فوك الباصات فلوس زايدة لان تعرف روان مريضة ودتراجع بيها ..بس مساعده الدكتورة وفلوس..شغل ماما هم مجانن يسدن لدرجة ماما..اضطرت ..تبيع موبايلها ..ومن اجي..من الدوام انطيها جهازي تاخذه وياها لان الاطباء والمحللين نهبونا نهيبه عبالك يتاجرون بارواح الناس..وامراضهم. .وخلصت العطله ورجعت للدوام بس ممرتاحة كل شويه اخابر ماما..واسالها عن روان
