#صدفة
#الكاتبةورودالخالدي
تسريب صغير من بارت٦
هو اسرع مني خطواته عريضة واني احس نفسي ما عندي طاقه امشي حيل بحيث هو طلع من الباب الرئيسي واني بعدني بنص الممر الخارجي..وشفته رجع عليه ..وبدون مقدمات لزم جف ايدي هيج ضمه بجف ايده وكلي:
يله خيتي استعجلي....حتى نرجع بسرعة
ومشه بيه وصلنا لسيارته فتحلي الباب الي بصف السايق جانت دموعي ممخليتني اشوف زين كولشي..مغوش..كدامي من خليت رجلي بالسيارة فلتت احتمال مخليتها بالمكان الصح ومن فلتت ردت انجبح ع وجهي ..عاد هو جان اسرع بسرعة لزمني من خصري وكال:
الله..الله ع كيفج..ع كيفج خيتي..
ومهدني..بالعكس هو صعدني للسيارة وافتر صعد وحرك بسرعة ..وبنص الطريق كلي:
كافي بجي خيتي هسه البجي بيش يفيدنا غير نهده شويه حتى نعرف نتصرف..
