#صدفة
#الكاتبةورودالخالدي
البارت٤
ڤيان ::::
شفته صاعد الدرج واني نازله دنكت حتى متصير عينه بعيني...بس مريت من يمه سمعته كال:
يبنيه ما اعرف اسمج بس اريد احجي وياج!!!!
التفتت هو هم وكف كتله:
وياي!!
اي وياج لعد ويامن!!
واني ما اريدك تحجي وياي..
والتفتت ردت البسه وانزل بس هو كال:
ماشي انتي لتحجين بس لازم احجي ويه والدتج!!
من سمعته جاب طاري ماما ..وكفت ورجعت التفتتله:
تحجي وي ماما..ليش!!
عدكم حق يمي..ولازم نسولف بيه وتاخذو..ومادام انتي متردين احجي وياح بخصوصه لازم احجي ويه احد من اهلج!!
خفت من سمعته يكول احجي ويه امج..بس لا صدوك يروح يحجي وياها وماما متسكت وتصير مشكله فكرت بسرعة وكتله
لا..لا ماكو داعي..تحجي ويه ماما ..اني صاحبة الشأن ..بس هسه عندي دوام والسايق ينتظرني..يصير من اجي من الدوام نحجي ..
شفت عيونه ابتسمت وكال:
اي يصير ليش ميصير اني الظهر كوله كاعد..ونحجي..
ماشي من اجي ادوك باب شقتك انت اطلع نحجي بالممر!!
صار ..
التفتت ردت انزل ..بس رجعت التفتتله وكتله
رجاءا انتظر جيتي لتحجي ويه ماما..
هاي شنو مو كتلج..راح احجي وياج الظهر لش تأكدين عليه يعني!!
هااا..لا..لا ماكو شي
ونزلت جوة وكفت شويه اجه ماجد اخذني..هو مرات يجي..ويا سرور وهنا لان بطريقنا ومرات اصعد وحدي ونمر عليهن ورحت للكليه ومر الدوام عادي..
رجعت للبيت ولكيت روان رايحة للمدرسه ماما موديتها وراجعة تبدل حتى تروح لشغلها وفعلا بدلت وراحت بعد ما غدتني بقيت وحدي كلت اروح ادوك الباب عليه اشوفه شعنده وانهي هالموضوع السخيف وياه
برير::::
ارتاحيت شويه من كالت راح نحجي بالموضوع لان حيل مضوجني خصوصا من اشوفها ايدها معلكه بركبتها..خطية احس اني مأذيها اذى جسمي ونفسي واريد تطلب مني اي شي اعوضها بيه عن هالاذية الي سببتها الها..وقتت المنبه مال موبايلي بالوحده حتى اكعد انتظر جيتها..هههه عبالك عندي..موعد غرامي ومتلهف عليه المهم كعدت ساعة 1..سبحت وبدلت....صارت الساعة 2 وهي ماكو..شنو بطلت متجي..كلت خلي انتظر ساعة لخ اذا مادكت الباب ارجع انام بعدني مشبعان نوم..ساعة 2 ونص سمعت دكتها ع الباب فتحته..وطلعت وكفت كبالها بين باب شقتي وشقتها..بسرعة كالت:
