#صدفة
#الكاتبةورودالخالدي
البارت١٠..والاخيررررر
برير:::
كعدت شويه يم قبر سيوفي وجنت متوقع من اكوم..راح تسألني ام ڤيان عنه باعتبارهه تفاجئت ...بكوني عندي طفل متوفي..وفعلا بس.كمت سألتني::
خاله برير هذا قبر ابنك خطية؟؟؟
اي خاله هذا ابني قبل ست شهور..فقدته!!!
الله يصبرك بعد خالتك
يله خاله الشمس صارت حارة عليجن خلي نروح للسيارة..
ومشينا باتجاه السيارة ڤيان تمشي ورانه..وطبعا عندي فضول اعرف رد فعلها بعد معرفت اني عندي طفل او بالاحرى متزوج..سابقا ..بس هي لابسه نظارات كبار كولشي ممبين من ملامحها خصوصا عيونها ..الي هي بمثابة كتاب مفتوح عندي كلما اتأملهن اعرف كولشي بداخلها واكدر اخمن تخمين صحيح بشنو تفكر....وبصراحة جنت اريد اعرف رد فعلها..مو مجرد فضول وبس.. لان .. رد فعلها هذا اهم ..شي اريد اعرفه حاليا..يعني اذا جان..امري..يهمها او ميهمها راح يبين من خلال ملامحها وقبل منوصل السيارة التفتت لفته جريئة واخذت النظارة هيج خطفة سريعة من وجهها هي..رجعت خطوتين ليوره بس اني مردت امها تنتبه بسرعة مشيت ونظارتها بايدي وطبعا من وصلنا للسيارة..صعدت امها بالصدر وهي بنفس الكشن الوره حتى اكدر اسيطر واقره عيونها ورد فعلها لان اعرف امها مراح تسكت وراح تضل تسألني عن ابني وام ابني..
ومشيت بالسيارة ..والي...جنت منتظر..اشوفه شفته وارتاحيت اي شفت لمعة عيونها الي اساسا هي..بداية دموع تحاول بكل طاقتها تقاومهن حتي ميطلعن من محيط عينها...اول مرة احس..بهيج راحة من شفت لمعه..دمع بعيونها..لان اني اساسا ما.اتحمل اشوفها ...تبجي..بس هالمرة هالدموع المحبوسه بعيونها الكبار..جانن راحة نفسيه لگلبي الملخ من وراها..دمعت ..وهذا يعني هي..ضايجة لان عرفت اني..متزوج وعندي طفل...وع اساس هذا اني راح اتصرف..مادام موضوعي يهمها..
ماكو دقيقتين..وبدت اسئلة امها المتوقعها:
خاله شو احنا جاورناك فترة مجنا نعرف انت متزوج ولا شفنا ..مرتك..ولا ابنك....الراح منك خطية الله يصبرك ويصبر مرتك على فراكة؟؟
مو مرتي خاله الاصح طليقتي؛؛
جاوبتها وعيني يم ڤيان اريد اشوف اي تغيير على ملامحها هي انتبهت اني عيني يمها فالتفتت ع الجامة..
هاا خاله..جنت مطلكها..هسه فهمت ليش..عايش..وحدك!!
لا خاله اني مطلكها..قبل ما اسكن بالعمارة اساسا!!
وليش ..مطلك بعد خالتك شو انت مبين عاقل ورزن واكيد مرتك خوش بنيه مثلك؟؟
ماكو نصيب نستمر...اصلا زواجنا كله سنه وحده..واطلكنا..؟؟
وليش مترجعها بعد خالتك..العمر كدامكم رجعو لمو عشكم..وبلكي الله يعوضكم وتخلفون غيره
خاله صارلنا اسنين منفصلين كل واحد منه شاف طريقه اني مرتاح بحياتي وهي..هم وره وفاة ابنا سافرت ..حتى تتزوج
