صدفة (مكتملة)

منين ما التفت سودة مصخمة

#صدفة
#الكاتبةورودالخالدي

البارت٣

ڤيان :::

من سمعني كتلة اريد اطمن واطمن ماما كال:

اطمني خيتي ڤيان ..اكيد ما اسكنكم بمكان الا واثق كل الثقه ان يكون امان الج ولعائلتج..

والنعم منك اخويه ماجد ..والله ما اعرف شلون ارد جميلك هذا واجازيك؟؟

خيتي لاجميل ..ولا شي هي شقه فارغة وراح اوصي مالكها وتكعدون بيها قابل مسكنكم ابيتي وحاسبته جميل ..وحتى اذا سكنتكم ابيتي هم ما اعتبرة جميل ولا شي زايد..

اشكرك ربي يخليك ..هسه ماما اطير من الفرحة ربي يفرح گلبك..

خيتي اتصلي بيه اذا امج قبلت..

اكيد تقبل ..بس رقمك مو عندي حتى ماما تخابرك وترحون ع الشقه تتفقون ويه مالكها..

هاي..سهله هسه اردلج رقمي وحفظي..يمج

وانطاني رقمه ووصلني للفندق دخلت لكيت ماما..مبدله تريد تطلع تروح للعيادة مالت الدكتورة الي تشتغل بيها..من فرحتي ركضت شبكتها بايد..وحده لان الثانيه مكسوره..فكالت:

يااا شبيج ماما ع كيفج ليروح يطگ..الجبس شبيج اجيتي مثل الصاروخ تشبكين بيه🤕🤕🤕

يوم جبتلج احلى خبر بالدنيا!!

شنو ...حطولج درجات من عدهم ع الامتحان الي ما رحتيله؟؟

لا يوم يا امتحان..لكيت النا سكن يجنن ومناسب..ومضمون!!

يا الله..وين لكيتي..؟؟

يوم هذا الولد ..ابو الخط ..هو الي كلي عليه واني مسولفتلج عنه خوش..ولد واخلاقه تمام..من كتله ع وضعنا واحنا بفندق حيل تاثر وضاج خطية وكلي اعرف سكن مناسب الكم وحجالي عنه..

لا يا..غبرة ..ولج شلون تحجين لابو الخط على وضعنه هو رجال سايق..ابن عمج ابن خالج حتى تسولفيله!!

لا يوم شالسالفه..قابل رحت اشكيله بس هو سألني كلي ليش..يوميه متغير عنوانج مره بعيد ومره قريب فاضطريت احجيله

هااا..عبالي انتي من كيفج رحتى تسولفيله!! اي وشكال السكن وين صاير..

مكلي ع المكان بس انطاني رقمه وكال خلي والدتج العصر تتصل بيه حتى نروح سوه لابو العماره ونتفق ويا وتنتقلون ع السريع!!!

هااا يعني شقه بعمارة!!

اي ويكول العمارة هادئه وجوارينكم خوش اوادم وعلى ضمانتي حتى معارفه هم ساكنين بيها..ويكول صح موجبيرة يعني ..غرفة وصاله ومطبخ وصحيات بس مرتبه وسعرها مناسب..

غرفة وصاله..خير من الله شعدنا احنا كافيات وزايد ..يعني بكد المشتمل الجنا بيه؟؟

اي تقريبا..