#صدفة
#الكاتبةورودالخالدي
البارت٧
برير:::
صعدنا بالسيارة وحركت ع السريع ارتاحيت شويه لان هدأت وبعد متبجي بس خطية حيل قلقه وحلكها يابس..ورجعت بافكاري للحظات القليلة الي جنت بيها اني وياها بشقتهم..هاي اني شسويت..يعني صدوك حضنتها..هالحضنه الحلوة وامررايدي ع شعرها وضهرها يمكن دقيقة ..وهي ساكته وهادئه ومحجت ولا حتى دفعتني شو ممصدك اني ..لا وفوكاها اني مكتفيت ..بحضنه حجيت وياها اقدم نصايح..وطگيتها ابوسه بالكصة..خاف جنت اتخيل اني اسوي هيج وهالموقف مصار بالحقيقة😂😂😂...لا شنو مصار بالحقيقة شبيه مخبل..واسوهي😂😂والله حضنت وبست وهي محجت بس شعجب..تقبلتني..ومكالت شي..احتمال لان بالها مو يم الطلايب والجدال واحتمال ..قلقها اقوى ..من تفكر تقاوم حضني..او تنفر من بوستي ..احجي ويه نفسي..لك برير الله ربك اليوم يومك بست وحضنت ومرت سلامات....ههه بس..شبيك هالكد متفاجيء وفرحان اي وگلبك يرفرف من الفرحة؟؟؟ ..رغم انت هم بالك يم الطفله ...بس فرحان بهالموقف الحلو عبالك منطينك جائزة نوبل ..اي والله حضنه وبوسه ناشفه من بنيه مثل ڤيان تسوة ابو جائزة نوبل...بس..لتفرح هوايه هي سكتت لان قلقانه وبحاله صعبة يجوز من تصحة ع زمانها ..ترزلك رزاله معدلة..اي انت..عاد خليك مستعد ودور ردود مناسبه للموقف
وصلنا للمستشفى وكملتا اجراءات الدخول ..امها فاتت جوه وطبعا الاطباء مخبوصين بيها ساعتين..شويه واجه الطبيب كال:
المريضةراح تخضع لعملية عاجلة؟؟
امها كالت:
عمليه..شنو بنتي بيها سكر وخطرة عليها العمليه
مو اكثر خطورة من وضعها الحالي الطفلة عدها تسمم يوريا وهبوط شديد بمستوى السكر..وكل هذا بسبب انسداد الحالب..وتجمع الجراحة بالمثانه وحوض الكليه اليمنه ولازم تسوي عمليه نفتح الحالب وانظف الجراحة ..ونبدي نسحب اليوريا..
دكتور خاف تموت بنتي!!
حجية اذا بقت هالشكل هيه ميته ميته...بس العملية تنطيها فرصه امل ٤٠ بالميه
ڤيان بجت وكالت
٤٠ بالميه يعني مو اكيد تعيش؟؟
للاسف عمليتها خطرة بسبب امراضها المتعددة ..اذا متردون تسوولها عمليه طلعوها ع...مسؤوليتكم؟؟
متحملت نطلعها وتموت من يمي حجيت:
دكتور شنو نطلعها مادام اكو امل لو ١بالميه ..سويلها عملية
انت ابوها لو اخوها!!
اني اخوها..
لعد روحووسوو..تعهد بالموافقه ع..العملية يم الاستعلامات
وفعلا سوينا التعهد وقعت امها عليه ودخلوها مباشرة للعمليات..وبقت ساعتين بالعمليه وبعدين طلع الدكتور وكال الجراحة ناجحة الحمد لله بس لازم تبقى بغرفة العنايه لمده٢٤ ساعة..الزيارة ممنوعة حاليا لان اصلا..مراح تصحة المريضه الا بعد ...ساعات طويله لان خاضعة حاليا لسحب سموم اليوريا من جسمها
